TIILAMLWI KAPYIIMEI THA JUKAMATI 3:10 - KARANU KABI SAMTAM

¹⁰ sa- teichii Saraa kamaning ki ngoukabi takam pibangto khangchiisii bam kaleipii teichiile katu tei ahnyiinii tiwosii, mpou dato pat kalei tei kamadat ninado sung kagapii tokryii takle.

TIILAMLWI KAPYIIMEI THA JUKAMATI 3:10 Referans Kwoze

TIILAMLWI KAPYIIMEI THA JUKAMATI 3:2

sateichii lung kalu sekto pi katwi sapfiimei hangniniigo pang gongsii, Saraa kamaning kilung tat kaliitmei hang dato khangchii matu tang karam jangpii, ngoukabi sii lat kalei Saraa kamaning ki ki takam pibang teikii sating kata keibam leile.

JONNII KARYII KABI RASAM JUKAMATI 9:3

Jisunii khekalatle, “Sapfii mpou ainii kem katii jangpii makle, mpou pwi mpou pfiiniido makle, nlenii Saraa mah tha hangtei mpou dato ngou kabui jangpiiniile.

JONNII KARYII KABI RASAM JUKAMATI 5:20

Kadapokii Pfiinii nah sapfii mpou gotei lung- syiile ninado mpou pum sekpiinii katii tha hangtei mpou dakii mangoule; sateichii gonyiinanii sung gamatu tang karam jangpii, aidoito kisii tha kadi mpounii ah dakii mangou tangle.

LUKNII KARYII KABI RASAM JUKAMATI 9:43

Sateichii ahnyiihang teinii Saraa mah teimaham kadi gotei ngou wosii khiipat takle. Sateichii mpounii tiikalei hang aigo meihangnii sung gasii leibangpii, mpounii mpou boumei dakii tamle,

TIILAMLWI KAPYIIMEI THA JUKAMATI 2:12

Meihang tei sung gasii rampou takle, ahnyii mei hangninanii hangninii dakii tamle, “Ai ai dapeipo?”

TIILAMLWI KAPYIIMEI THA JUKAMATI 2:7

Teito ahnyii tei khiipat takle ninado madat takle, “Ai tam kalei meihang ai Galili kito kalungmei makde?

LUKNII KARYII KABI RASAM JUKAMATI 4:36

Meimoi teinii sung gasii hangninanii hangninii dakii tamle, “Ai kadapei sampo dapochiinii mpounii tei mahampii matei kasu rangii hang gotei kakhatle, sateichii ahnyiinii tatpat tole.”

METIU 14:35

Sateichii bam teiki meihang teinii ti-wosek-kii, teimah bang kito kalei bamlyii kikii sam tei tam mangousii katchii kanhii mei hangtei mpouda pang gongtakle;

JONNII KARYII KABI RASAM JUKAMATI 9:8

Ki tiinaniipamei ninado mpougo kareiki mah khangkachii mei hang- ninii tiisii ngou kalei meihang tei- niido tamle, “Bamsii mah khangchii kaleipii tei aimakde?”