TIILAMLWI KAPYIIMEI THA JUKAMATI 27:23 - KARANU KABI SAMTAM

²³ Kadaponii Inii mpou mei tiisii, sateichii mpou godo Inii nga ngasii kalei, Saraamah sating gamlui hangninanii ndazyii tinghum guda gong satsii tamle,

TIILAMLWI KAPYIIMEI THA JUKAMATI 27:23 Referans Kwoze

TIILAMLWI KAPYIIMEI THA JUKAMATI 23:11

Sateichii adoipiinei tinghum tei Bangpiinii kuto satsii mpou dakii tamle, “Lung dilo, kadapokii nangnii Jerosalem kito, gumah kaang kito sakchyii kapyii takumpiinii Rom kitodo nangnii tei takumpii sakchyii pyiitang karam takle.”

HEBRUMEI 1:14

Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.

2 TIMOTHI 4:17

Nlenii Inii kabi rasam tei mashangsii tam mpat kabui tiisii, sateichii Jehudimei kasu lui kakimei hangnii samtei shii matutang karam jangpii, Bangpiinii guda satpyiisii gudakii teimaham kaipyii takle; sateichii kounungsa mah mwi kito n-gu keipyii takle.

TIILAMLWI KAPYIIMEI THA JUKAMATI 5:19

Nlenii Bangpii mah sating gamlui teinii tinghumkii kabangki ki kamwi takam tei lattoi pyiisanii ahnyiigo pang mpatpyiisii tamle,

ROMMEI 1:9

Kadaponii tinglang kaleita gumah kariita hang kito gonyii jangpii Inii taksupii maningsii leile katu tei mpou Nah sapfii mpou mah kabi rasam kito gu rangii haisii Inii anga nga kalei Saraanii gumah sakchyiile;

TIILAMLWI KAPYIIMEI THA JUKAMATI 18:9

Sateichii Bangpiinii Pol dakii tinghum madhang pyiisii tamle, “Hingsulo, tam mpatlo, malhiisupii- nii bam sulo.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

TIILAMLWI KAPYIIMEI THA JUKAMATI 8:26

Nlenii Bangpii mah Sating gamluinii Filip dakii tamle, “Tusat tolo sateichii Jerosalem kito Gaza katang tat kaliit pwidi teikito lamka lam pangtei tat tulo; ai mahpwizyii sazyii pwidile.” (tingneishangnii pwidi ai mei tat lei sutakle.)

MATIMANGOU KAPYII 22:16

“Jisu, Inii Charsh hang jangpii gonyii dakii aihang ai sakchyii pyiimatu tang karam jangpii gumah sating gamluigo lang magong takle. Inii vakabi sagei tingtang pwi, Devit mah maa ninado tatreng teile.”

TAITAS 1:1

Saraanii kalai kalumei mah kamalum gotei tiiha matu tang karam jangpii sateichii Kristenmei mah dormonii ralikapyii kasang kiteikii pang gongpyii matutang karam jangpii, Saraa nga kangamei ninado Jisu Kristamah Tiilamlwi kapyiimei hangninii tiisii kalei Pol, Inii,

2 TIMOTHI 2:24

Sateichii Bangpii ki kaleimeinii ka n-gi kajyii leimakle, nlenii bamlyiihang kito lung kamanoi rali kati lung leh kati,

2 TIMOTHI 1:3

Gupei gupaomeinii tiikalei takumpii Inii lung mateisii nga ngakalei Saraago Inii halangle. Gumah kariita hangkito Inii n-go taksupii tinghum tingna maning kagong kak Inii mpougo halangle.

1 KORENMEI 6:20

Kadaponii gonyiigo mai pyiisii lyii wotakle, teijangpiinii gonyii pum lungto gonyiinii Saraago tam matoilo.

ROMMEI 6:22

Nlenii aitoinii gonyiigo kem kito laat mpatpyiisii Saraa mah kabang- nah tiikalu kito, gonyiinii doukalat kalu teinii tiimatei kapyii teile. Sateichii teikito dou kalu teinii, kalui kaga karing tiilung teile.

ROMMEI 1:1

Jisu Krista ki kalaipii, tiilamlwi kapyiimei hangninii tiisii lat kalu, Saraa mah kabi rasam jangpii kalaikalu Polnii,

TIILAMLWI KAPYIIMEI THA JUKAMATI 16:17

Sapwi mpei ainii Pol ninado nyii tai swigong sanii saa mpatle, “Nyii dakii keikapyii kasaga karing mah pwidi tam ralipyiisii kalei mei hang ai sagoi kaki Saraa mah kikaleimeile.”

TIILAMLWI KAPYIIMEI THA JUKAMATI 12:23

Sateichii mpounii Saraago tam matoi kasu jangpii, teisek-kii Bangpii mah sating gam luinii mpougo tiirang aitakle, sateichii matainii chiisii rangii ga aitakle.

JONNII KARYII KABI RASAM JUKAMATI 12:26

Mei kata hangninanii gu nga ngasii leileponii, ahnii gutai switang karamle; sateichii Inii kalei nitei gu nga kangamei hangniido teiki tei leitangle; mei kata hangninanii gu nga ngasii leileponii, Pfiinii ahgo dzyiirou tangle.