Biblia Todo Logo
Bib sou entènèt

- Piblisite -




TIILAMLWI KAPYIIMEI THA JUKAMATI 27:1 - KARANU KABI SAMTAM

1 Sateichii nyiinii Itali ki maatang karam jangpii sat kalutai, ahnyiinii Pol go ninado kaki kaki kabang kikii bang kabam meigo sagong mah saryiimei mei hai pyiiryiito apum katiipii Juliya sii kalat mei hangninii dakii pyiitoi aitakle.

Gade chapit la Kopi




TIILAMLWI KAPYIIMEI THA JUKAMATI 27:1
29 Referans Kwoze  

Nlenii mpounii tai kamajyii tha samah kado tiimakle katu tei Inii doutakle sateichii mpou pum sekpiinii sagong dato samtak katii kakhang taiswisii mpougo Inii lang mpat tang taklesii sat totakle.


Sateichii Festasnii samtak katii katingmeigo sam karashii wosii khekalatle, “Nangnii Kaisar dato riita takle, nang Kaisarda tat tang karam takle.”


Sateichii Kaisariya ki Itali- yamei mah saryiimei sii kalat saryiimei mei hai phyiiryiito kadi tiikaleipii, zei Kornilius sii kalat sapfiimei hangninii leile.


Nlenii saryii- mei mei hai phyiiryiito apum katiipii teinii Polnii katam sam gotei sungnii malyii kalipii nei malyii garyii mah apumpii mah sam goteipou kisii malum takle.


Sateichii mpounii Jehudimei hangninii Akuila sii kalat, Pontas ki mei hangninii kadou wotakle. Klo- diusnii Jehudimei hang kalei kaga Rom kito tat matutang karam jangpii kakhat kapyii jangpiinii mpou nou Prescilla go kaswisii mpounii Itali kito kagong tei thang makle; teito Polnii ahnyiida gong takle.


Gonyiinii doimajang katatmei hang go sateichii kamateimei hang go nyii mah salam tei pyiiseilo.


Sateichii nyiinii Rom kitei liit sek-kii, Polgo kakoi saryiimei gotei kaswisii mpou roinapii mbam tang karam jangpii mazhiipyii takle.


Nlenii Polgo keipyii nyiisii saryiimei mei hai phyiiryiito aphyii kasatpii teinii ahnyiimah rashii kalu samtei nam aitakle; sateichii dwi lak pat kabuimei teinii malyii kito sokpatrei wosii, sazyii kathang ki kaapat malulo katupii tam kakhat- pyii takle.


Teiki teito saryiimei hai phyiiryiito apum katiipii teinii Itali ki katang hoitang karam Alekjendriya mei mah malyii hangninii dou wosii, nyiigo malyii teigam tei tong malu wotakle.


Mpounii mwija pyiisanii koikalei kadipii dakii Pol gotei koi mbilosii tam takle. Nlenii mpougo mpou rangra katii sateichii mpou kangmeinii mpougo nga ngakajyii kito nam matu sulosii tam takle.


Teito Polnii saryiimei mei hai mah apum katiimei hangniniigo lat tosii tamle, “Ai nah sapfii mpou aigo pum katii kadipii dakii pangmaa pyiilo, mpounii mpou dakii sam tam mangou tang karam leile.”


Sateichii adoipiinei tinghum tei Bangpiinii kuto satsii mpou dakii tamle, “Lung dilo, kadapokii nangnii Jerosalem kito, gumah kaang kito sakchyii kapyii takumpiinii Rom kitodo nangnii tei takumpii sakchyii pyiitang karam takle.”


Teito mei hai phyiiryiito apum katiipii teinii teitei shii wosek-kii, mpounii saryiimei mei thang mah apum katii kadipiida maasii tam takle, “Nang dapei tiilesii bam takpo? Kadaponii mei aipou ai Rom meile.”


Teito mpounii saryiimei ninado saryiimei hai phyiiryiito apum katii katii- meihang go pangsii ahnyiida katang tei pak hum takle; teito ahnyiinii kasagoi kadipii ninado saryiimei gotei ngou wosek-kii, Polgo dat kalei tei toutakle.


Sateichii tha aihang ai sang kaleitai Polnii Misidoniya ninado Akaiya tat majupat tosii Jerosalem ki katang maatang karam jangpii rangiinii maning wosii tamle, “Inii teiki tei gongwosii Romdo jutang karam takle.”


Madhang kapyii tei ngouwo sek-kii Saraanii ahnyii dakii kabi rasam tam ralipyii matutang karam jangpii nyiigo latpyii takle katu tei tigong wosanii, teisek-kii nyiinii Mesidoniya ki maa tang karam jangpii tiikada wotakle.


Sateichii ahnyiinii tamle, “Saryiimei mei hai phyiiryiito apum tiikaleipii Kornilius, kasang ninado Saraago kahing sateichii Jehudimei lui hangnii tam ka-mbipii dakii, mpou kikii n-go pang gong matutang karam jangpii ninado godato sampao tei shii tang karam jangpii kamatei sating gamluinii tampyii ralipyii takle.”


Sateichii Saryiimei mei hai phyiiryiito phyii kasatpii teinii pat kalei tei ngouwo sek-kii, Saraago tam matoisii tamle, “Madou supii sapfii mpou ai kama kagameile.”


Sateichii saryiimei mei hai mah Aphyiikasatpiinii hangkapii lungkasyii mpouki kaleimei hang- ninii bamle, mpou tei arani mahung- sii taina nasii bamle.


Sateichii saryiimei mei hai phyiiryii kasatpii nei mpougo kaswisii Jisugo koikalei mei teinii malyii kachyii ninado pat kalei hangtei ngou wosek-kii, hangkapii hingsii tamle, “Kasangpii mpou ai Saraa nah sapfii mpoule!”


Teitiisii dwijai kutei nyiinii kaapat tosek-kii, dwipii maguisii kalei teiki sazyii kathang zei tei Melita sii lat leile katu nyiinii titakle.


Swiv nou:

Piblisite


Piblisite