TIILAMLWI KAPYIIMEI THA JUKAMATI 26:28 - KARANU KABI SAMTAM

²⁸ Agripanii Pol dakii tamle, “Dwi kalei tinglang aikito nangnii n-gu kristen tiimatu wobui lesii maningpo!”

TIILAMLWI KAPYIIMEI THA JUKAMATI 26:28 Referans Kwoze

TIILAMLWI KAPYIIMEI THA JUKAMATI 11:26

Sateichii mpounii ahgo kadou wosek-kii, Antiyok ki pang gongtakle, sateichii ahnyiinii tingkum hangninii katang tei Kristanii latkalumei hang go kaswisii hangninii tiisii ndwisii, meihang go tam ralipyiile, sateichii Antiyok kito Boumeigo karei reisang tiisii Kristen sii latle.

METIU 10:18

sateichii ahnyii doito ninado Lui kakimei doito sakchyii pyiimatu tang karam jangpii Governor mei ninado sagongmei hang doito gujangpiinii gonyiigo chyii karhiitat tangle.

1 PITAR 4:16

Nlenii gonyiinii Kristen mei hang- ninii tiikatu jangpii kamage kalak tei pungsii lei leponii, teikito nrou sulo, nlenii teimah zei kito ahnii Saraago tam matoi matulo.

2 KORENMEI 4:2

Kamakum ninado ka- nrou kasangam tha hangtei nyiinii tiiloi sutakle; meigo satui sadzyii katii kachui tha tei nyiinii tiimakle sateichii Saraamah samtam gotei tamtaisii tam makle. Nlenii kasang- mah kava kito nyiinii Saraa doito lungsii kabi kashyii tikabui meihang- mah lungswi kikii nyiinii nyii roinapii tam matoi matule.

TIILAMLWI KAPYIIMEI THA JUKAMATI 26:29

Sateichii Polnii khekalatle, “Tinglang duikado thang kado nang roisupiinii, tingnei leimik gusam shii kalei meihangniido, bah sagyii rangkat aisupiinii, Inii tiikalei ai takumpiinii tiimatu tang karam jangpii Inii Saraa dakii kariita mareile.”

TIILAMLWI KAPYIIMEI THA JUKAMATI 24:25

Sateichii tingshang kabi mpouroinapii mpoupum pung kama- jyii mah Sateichii gong tang karam samtak katii kaang mpounii karashiipi tusek-kii, Felixnii hingsii khekalatle, “Aitoi jangpiinii nang tat tulo, sateichii Inii tinglang kabi dousekchii n-go lat tangle.”

MARK 6:20

Dapokii Herot- nii Jon ai mei kabi meile sateichii kamatei meile katu tisii, mpougo hingle ninado keipyiile sateichii mpou-sam shii wosii mpou lung ai lungnyii lunghao kido mpou-sam ai ntasii shiile.

TIILAMLWI KAPYIIMEI THA JUKAMATI 26:27

He sagong Agripa, nangnii Lungkakalingmei go malum makpo? Nangnii malumle Inii tile.”