TIILAMLWI KAPYIIMEI THA JUKAMATI 26:24 - KARANU KABI SAMTAM

²⁴ Sateichii mpounii dang tang karam jangpii sam tam leibangpii, Festasnii rok sagoisii tamle, “Pol, nang n-gok leitakle, gomah hangkii rali kalu teipii n-go tiirampou aitakle.”

TIILAMLWI KAPYIIMEI THA JUKAMATI 26:24 Referans Kwoze

1 KORENMEI 1:23

Nlenii Jehudimei jangpiinii pi kapaswi kuitu sateichii lui kakimei jangpiinii kapang kamang tiisii kalei, krosh gamkii dhangsii gikalei Krista mah kaang kito nyiinii tam ralipyiile.

2 KORENMEI 5:13

Nyiinii n-gok leponii teitei Saraa jangpiiniile; nyiinii lungswi majyiisii leileponii, teitei gonyii jangpiiniile.

1 KORENMEI 4:10

Nyiinii Krista jangpii kamang meile, nlenii gonyiinii Krista dato kasakai meile; nyiinii kasuile, nlenii gonyiinii kateimeile; gonyiinii tam kamatoi doule, nlenii nyiinii ju kashyii tei doule.

MARK 3:21

Nlenii mpouki kalungmeinii sam- tei shii wosek-kii, ahnyiinii mpougo jumtang karam jangpii tatpat takle, “Dapochiinii mpou ai swibisu taklesii ahnyiinii poi takle.”

TIILAMLWI KAPYIIMEI THA JUKAMATI 26:11

Sateichii Jehudimei ndwihang kito ahnyiigo tiikamagesii kanat kanhii go tam kamashyii tei Inii tiimatule; sateichii ahnyii phyii- ryiikii kisii tiirakarhiimei takum- piinii meiki sazyii kito katangpii ahnyiigo baasii tiikamage pyiile.

TIILAMLWI KAPYIIMEI THA JUKAMATI 17:32

Teito kataimeinii ringkakhii kaang tei ahnyiinii shii wosek-kii kangkanii hoksii nuitu takle. “Nlenii kangkananii aikaang kito nyiinii nlai loisii godato shiitangle.”

TIILAMLWI KAPYIIMEI THA JUKAMATI 24:25

Sateichii tingshang kabi mpouroinapii mpoupum pung kama- jyii mah Sateichii gong tang karam samtak katii kaang mpounii karashiipi tusek-kii, Felixnii hingsii khekalatle, “Aitoi jangpiinii nang tat tulo, sateichii Inii tinglang kabi dousekchii n-go lat tangle.”

TIILAMLWI KAPYIIMEI THA JUKAMATI 22:1

“Kangsanamei ninado Apfii- meihang, Inii aitoi gonyii dakii dangtang karam sam katam ai shii seilo.”

JONNII KARYII KABI RASAM JUKAMATI 8:52

Jehudimeinii mpou dakii tamle, “Nang sara kashyii kaswi leile katu aitoinii nyiinii titakle! Abraham taitakle ninado lungkakalingmei hangdo taitakle, nlenii nangnii tamle, mei kata hangninanii gusam swisii leileponii ahnii katai tei ngou- sang ngoulakle.

JONNII KARYII KABI RASAM JUKAMATI 8:48

Jehudimeinii mpougo khekalatle, “Nangnii Samariyameile sateichii sara kashyii kaswi leilesii nyiinii tam kalei ai nyiinii tam ma ai takpo?”

JONNII KARYII KABI RASAM JUKAMATI 7:15

Jehudimei hangteinii sung gasii tamle, “Mah kado larek rali katu gasanii mei aipounii kada takumsii larek tiwopo?”

TIILAMLWI KAPYIIMEI THA JUKAMATI 24:27

Nlenii tingkum hangna tat maju kaleitai Felix tung Porsios Festasnii abam touwole; sateichii Felixnii Jehudimei dzyii karanga tiinyiisii Polgo poi mpat pyiisupii kabang kikii kaibamsii toutakle.

2 TIMOTHI 3:15

Sateichii Krista Jisugo kamalum kito keikapyii karing kiteikii pang kagong n-go swirek kabi pyii kabui kamatei kabi rasam hangtei tiina kaleidouto nangnii titakle katu nangnii maning ziile.