TIILAMLWI KAPYIIMEI THA JUKAMATI 26:20 - KARANU KABI SAMTAM

²⁰ Nlenii karei reisang kito Damaskas kito kaleimei dakii tei taito Jerosalem kito kaleimei dakii, Judiya sazyii hang kikii sateichii lui kakimei dakii ahnyiinii Saraada ngaryii gong tang karamle ninado lung kali kalumah malum kabui tha tei tiitang karamlesii Inii tam ralipyiile.

TIILAMLWI KAPYIIMEI THA JUKAMATI 26:20 Referans Kwoze

TIILAMLWI KAPYIIMEI THA JUKAMATI 3:19

Teijang- piinii gonyii mah kem hangtei tiimagapyii matu tang karam jangpii gonyiinii lung kali wosii nlaigonglo; teitei leponii Bangpii dato kamajung mah tinglang tei gongtangle.

METIU 3:8

Gonyiinii lungkali kalu mah riiti tei matilo,

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

MATIMANGOU KAPYII 2:5

Teijangpii nangnii kada kito kou aitakpo katu maning gonglo, sateichii golung kalisii kareiki nangnii katii tha tei tiilo; nangnii lungkali suleponii, Inii goda gongsii gomah thaomi kadungpii tei mpoumah bam kiteito poitoi aitangle.

METIU 9:13

‘Inii lungset kati go mareile, sateichii kakarat go marei makle’ katu ai kadapei gopo katu gonyiinii maa-rali wolo, kadapokii Inii kasang kamajyiimeigo lat tang karam jangpii gongmakle, nlenii kem katiimei jangpiile.”

MATIMANGOU KAPYII 3:3

Teipiinii nangnii kadapei dou wopo sateichii kadapei shii wopo katu maning gonglo, sateichii teitei swi wosii lungkali wolo. Nangnii gungkhii wosu leponii, karagamei takumpiinii Inii gong tangle, sateichii Inii go phyiiryii tinglang kadadou gong tangpo katu nangnii tisang tilakle.

IPISAMEI 4:17

Teijangpii Bangpii zei kito Inii gonyiigo kakhatsii tam leile; luikakimeinii kakadak lungswi hang kito lungkalei takumpii gonyii lungsii bamloi sulo.

2 KORENMEI 7:10

Kadapokii Saraa dato lungswi kamage katu teipii lungkali katu mah riiti tei mati matusii keikapyii kasaga tiilung nitei pang gongpyiile sateichii kamanga tei pung gong makle, nlenii sazyii pouryiimah lungswi kamage katu teipii katai tei pat matule.

1 THESOLONIKAMEI 1:9

Nyiinii gonyiida kagong kak gonyiinii nyiigo kada takumpii lukaipyiipo, sateichii gonyiinii tingtugo matasii kalei kito, kasang ninado karing Saraago nga ngatang karam jangpii,

2 KORENMEI 3:16

Nlenii teitei poitoi wobuile, kabi rasam teinii Mosesmah kaang kito katam takumpii: “Mpoumah ju kasongmah peira tei poitoi takle mpounii Bang- piida nryii kagong tinglang kak.”

ROMMEI 2:4

Makkii Saraa mah ajai kabipii n-go lung kali matu tang karam kikii chyiitat pyiile katu tei tisupiinii mpou mah lung kasyiimah koikati, sateichii leh kati hang gotei nangnii maning mala leipo?

TIILAMLWI KAPYIIMEI THA JUKAMATI 26:17

Golui kak kito sateichii lui kakimei hang kak kito Inii n-go kaleipyii tangle;

TIILAMLWI KAPYIIMEI THA JUKAMATI 20:21

mah kata bitang karam sam gonyii dakii tam ka-mpat kito sateichii mei machii doikii, aki-ki lungkado gonyii- go tam ralikapyii kito kada takumpii Inii nkhiimang makpo katu gonyiinii tile.

TIILAMLWI KAPYIIMEI THA JUKAMATI 17:30

Teijangpii tikasu tinglang gotei Saraanii ju majupyii takle, nlenii aitoinii bamlyii hang kito meihangnii lung kali matutang karam jangpii mpounii mwija pyii leile.

TIILAMLWI KAPYIIMEI THA JUKAMATI 15:19

“Teijangpiinii Inii kamaningnii, lui kakimei kak kito Saraada nryii kagongmei ahnyii hang gotei nyiinii tiikamage lak tang karamle.

TIILAMLWI KAPYIIMEI THA JUKAMATI 11:18

Teito ahnyiinii sam hang ai shiiwo sek-kii, malhii supiinii Saraa- go tam matoisii tamle, “Teitiileponii lui kakimei dado ringkabui jangpiinii lung kali matu katu Saraanii mazhiipyii takle.”

TIILAMLWI KAPYIIMEI THA JUKAMATI 9:35

Sateichii Litda ninado Saron kito kalei mei hangnii mpougo ngou wotakle sateichii ahnyiinii Bang- piida ngaryii gong takle.

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

LUKNII KARYII KABI RASAM JUKAMATI 15:10

Tei takumpiinii Inii gonyii dakii tam leile, Kem kama katiimei hangninanii lung kali kalu jangpii Saraa mah Sating gamlui hang doito ka-nta teile.”

LUKNII KARYII KABI RASAM JUKAMATI 15:7

Inii gonyii dakii tam leile, tei takumpii, lung kalisudo kamazhii, kasang kamajyiimei reksokchyiisii sokchyii-nkhii sungnii kem kama katiimei hangninanii lung kali kalu jangpiinii sating gamto nta tangle.

LUKNII KARYII KABI RASAM JUKAMATI 13:5

Inii gonyii dakii tam lei le, makle, nlenii gonyiinii lung kalisu lepochiinii, tei takumpiinii gonyii hangdo gatu tangle.”

LUKNII KARYII KABI RASAM JUKAMATI 13:3

Inii gonyii dakii tam leile, makle, nlenii gonyiinii lung kali sulepo- chiinii, tei takumpiinii gonyii hangdo gatu tangle.

LUKNII KARYII KABI RASAM JUKAMATI 1:16

Sateichii mpounii Isrelmeinah hangkiigo Bangpii ahnyii Saraada pang nlai- gong pyiitangle.

MARK 6:12

Sateichii ahnyiinii tatpatsii meinii kem kito lungkali kabui kabi rasam tei tam ralipyii takle.

METIU 4:17

“Lungkali wolo, Kadaponii sating gam sazyii tei natakle.” Sii tamsii Jisunii tei tinglang sekpii tam ralipyiihou tutakle.

METIU 3:2

“Lungkali wolo, daponii sating gam sazyii tei natakle.”

MATIMANGOU KAPYII 16:11

Sateichii ahnyiinii sating gam mah Saraa gotei ahnyiimah katchii ninado chiilotlot katu jam hang jangteipiinii sheeng takle, sateichii ahnyiinii ahnyiimah tha hang kiteito lungkali makle.

MATIMANGOU KAPYII 2:21

Sateichii mpoupeinii lungkali matutang karam jangpii Inii mpoupei dakii tinglang pyiitakle, nlenii mpoupeinii sapwimei sapfii- mei kashyii kahong tha katii kiteito mpoupeinii lung kalinyii makle.

TIILAMLWI KAPYIIMEI THA JUKAMATI 26:19

“Teijangpiinii, he sagong Agripa, sating gamto mangou kapyii tei Inii swimakle makle,