TIILAMLWI KAPYIIMEI THA JUKAMATI 25:8 - KARANU KABI SAMTAM

⁸ Polnii mpougo dang tang karam sam katam tei aile: “Jehudimei mah ajaitingshang phyiiryii kado, Saraa kamaning ki phyiiryii kado, Kaisar phyiiryii kado, Inii samah kado tiima makle.”

TIILAMLWI KAPYIIMEI THA JUKAMATI 25:8 Referans Kwoze

TIILAMLWI KAPYIIMEI THA JUKAMATI 28:17

Sateichii leimik hangtumtai mpounii Jehudimei phyiiryiito doi- majang katatmei go lat ndwi wole; sateichii ahnyiinii gong ndwi wosek- kii, mpounii ahnyii dakii tamle, “He kangsanamei, Inii gumah lui mak-kii nyiipei nyiipaomah kanat kanhiigo mazhii kasu samah kado tiimak kido nyiigo Jerosalem kito kabang kikii kabangmei hangninii tiisii Rom mei bah kikii pyiitoi aitakle.

TIILAMLWI KAPYIIMEI THA JUKAMATI 24:12

Sateichii mei kata hangninii nei I-ka n-gi kajyii katu, mak-kii meihang go n-gi nrung tii ka-mpat Saraa kamaning kitodo, Jehudimei mah ndwi kitodo mak-kii namdi kitodo ahnyiinii doumakle.

2 KORENMEI 1:12

Kadapokii det tiikalei teinii aile; kabi kashyii tikabui nyii lungswi mah sakchyii, katunii, sazyii pouryii aito nyiinii tiilung lung kamatwi sateichii arou tiisii nyiinii gonyiigo ahai areng kabam kito, Saraanii pyiikabam kamatei ninado kasamsang teipii apum tiile, sazyii pouryiimei mah swirek kabi teipiinii makle; nlenii Saraamah jumage kapyii teipiiniile.

TIILAMLWI KAPYIIMEI THA JUKAMATI 28:21

Teito ahnyiinii mpou dakii tamle, “Nyiinii Judiya kito gomah kaang kito larekdo doumakle, satei- chii kangsanamei kangkii aiki gong kaleimei kak kitodo gomah kaang kito samah kado tam kamashyii mak-kii ryii kamakhiido gale.

TIILAMLWI KAPYIIMEI THA JUKAMATI 25:10

Polnii tamle, “N-gu samtak tiitang karam bam Kaisariya mah samtak katii bam doito I-sat leile, Jehudimei dakii Inii kama tiikabam samah kado gale katu nangniido tiigatpii titakle.

TIILAMLWI KAPYIIMEI THA JUKAMATI 24:6

Mpounii Saraa kamaning ki gotei tiimaga tang karam jangpii tiile, teito mpougo nyiinii jum wotakle.

TIILAMLWI KAPYIIMEI THA JUKAMATI 23:1

Teito Polnii samtak katii katingmeigo ju kalingsii tamle, “Kangsanamei! Inii tingnei katangpii Saraa doito lung mateisii lungpi leile.”

TIILAMLWI KAPYIIMEI THA JUKAMATI 24:14

Nlenii ai ai Inii godakii tam mpat leile, katunii ajaitingshang taiswisii kabam ninado lungkaka- lingmei mah larek bung kikii ryii kabam hangtei malumsii, ahnyiinii matou maklesii katam pwidi taiswisii Inii nyiipei nyiipaomei mah Saraa gotei mata leile.