TIILAMLWI KAPYIIMEI THA JUKAMATI 24:25 - KARANU KABI SAMTAM

²⁵ Sateichii tingshang kabi mpouroinapii mpoupum pung kama- jyii mah Sateichii gong tang karam samtak katii kaang mpounii karashiipi tusek-kii, Felixnii hingsii khekalatle, “Aitoi jangpiinii nang tat tulo, sateichii Inii tinglang kabi dousekchii n-go lat tangle.”

TIILAMLWI KAPYIIMEI THA JUKAMATI 24:25 Referans Kwoze

JONNII KARYII KABI RASAM JUKAMATI 16:8

Sateichii ahnii gongsekchii, kem ninado kasang, kamajyii ninado samtak katii mah kaang kito sazyii pouryiigo tam matipyii tangle.

1 PITAR 3:15

Nlenii gonyii lung kito Krista ai Bangpiilesii sadzyii ngariit tiilo. Gonyii lung kito kalei maning kamalum mah kaang tei gonyii dato n-nhii katumei hang go kekhalatpyii tang karam jangpii tinglang kaleita tiikadasii leilo, nlenii lung kamanoi ninado sadzyii ngariit katii tei njasii tiilo.

2 PITAR 1:6

gonyiimah swirek kati kiteikii gonyii roinapii gonyii pumpotgo jum kamajyii jum kamatwi, gonyii pumpotgo jum kamajyii jum kamatwi kiteikii lung leh kati, gonyiimah lung leh kati kiteikii Saraa kamaning.

GALATIMEI 5:23

lung kamanoi, mpouroinapii mpoupumgo jum kati, tei kakum hang phyiiryii teikii, mazhii kalak ajaitingshang gale.

TIILAMLWI KAPYIIMEI THA JUKAMATI 10:42

Sateichii kabi rasam ai meidakii tam matutang karam jang- pii, sateichii kataimei nei karingmei mah samtak katii Saraa Bangpii mimatu wokalu tei Ah aile...katu sakchyii pyiitang karam jangpii mpounii nyii dakii kakhatpyii takle.

1 JON 3:7

Gunahmei, mei kaniido gonyiigo chuisii hem maluwo sulo! Kasang tiisii kaleimei tei mpounii kasang ka- majyii takumpiinii, kasang kamajyii meile.

JEMS 2:19

Saraa hangniniile katupii nangnii malumle, nangnii kamalum tei kabile, sara kashyii hang katang piiniido malumle ninado hingsii nchyiile.

HEBRUMEI 9:27

Sateichii meinah jangpii binii tai matu katu sateichii tei taito samtak katii gong katu ai retkabam takumpii,

HEBRUMEI 4:1

Aitoinii mpounii tam kalei ntakbam tei nyiinii dou kabui tiisii Saraanii nyiigo riishii tei pyiibam takle. Teitii leponii, riishii tiikabam ka-ntak tei doutang karam kito gonyii mei kado tiidou kalak tei kadou kasu tiisii nyiinii sakai wode!

HEBRUMEI 3:13

Nlenii gonyii kata kangkago kem mah kasang kasu chuisii kahem teipii gonyii lung tei teimatu kasu tiisii “Tingnei” katu lat kaleita tei, sating kata hangninanii hangniniigo lung tiimadilo.

GALATIMEI 3:22

Nlenii kabi rasam kito katamnii, sazyii pouryii mpum madum ai kem mah teimaham kangto leile, Teijangpii Jisu Kristago kamalum meihang go pyiitang lesii riishii tiikabam luha teinii malum katu meihang go pyiile.

2 KORENMEI 5:10

Kadapokii mpougo samtak tiimatu tang karam jangpii, Kristamah samtak katiibam doitei nyiihangnii gongtang karamle; sateichii pum- potmah tiilung kito mpou mpounii tiikabam hang katunii, kabi kado kashyii kado, mpou mpounii douka- majyii taiswisii mei nsang nsangnii doutangle.

1 JON 3:10

Saraamah nahmei tei tatapo, sateichii seitanmah nahmei tei tatapo katu aipii ngou wobuile: Kasang tiikasumei ninado mpou sanapiigo lungsyii kasu mei tei Saraa dato makle.

2 TIMOTHI 4:1

Saraa doito sateichii karingmei nei kataimeigo samtak tiitang karam Krista Jisu doito mpoumah mangoukapyii ninado mpoumah sagong mah sating sazyiigo latsii Inii pyiileile.

2 KORENMEI 6:2

Kadapokii Saraanii tamle: “Kamazhii tinglang kito Inii n-go shiipyiile sateichii n-go keipyii tang karam mah leimik tei gujangpii kagong kak Inii n-go tiihale.” Julo, aitoi kamazhii tinglangle; julo, keipyii tang karam mah leimik tei aitoile.

1 KORENMEI 4:5

Teijang- piinii Bangpii gong kasuta, tinglang kasunakii meigo kado samtak tiisulo; aitoi kamyii kikii kabai kabam mah hangtei mpounii kava kikii poi mpat tangle, sateichii lungswi mah tiitang karam kamaning hangtei mangou tangle. Sateichii tei tinglang kak meihangnii Saraa dato mpou mpoumah dou kamajyii tam kamatoi tei doutangle.

TIILAMLWI KAPYIIMEI THA JUKAMATI 24:15

Iniido Saraa dakii kamalum tei bamle, ahnyiinii kabam takumpii, katunii, meihang, kabimeido kashyiimeido katai kito ringkhii tangle.

TIILAMLWI KAPYIIMEI THA JUKAMATI 17:32

Teito kataimeinii ringkakhii kaang tei ahnyiinii shii wosek-kii kangkanii hoksii nuitu takle. “Nlenii kangkananii aikaang kito nyiinii nlai loisii godato shiitangle.”

TIILAMLWI KAPYIIMEI THA JUKAMATI 17:2

Sateichii Polnii mpou jai taiswisii ahnyiida tatliit sanii bam ka-ntak piinei hangtum kashang tiisii kabi rasam bung kito ahnyiigo kaswisii maning njoile.

TIILAMLWI KAPYIIMEI THA JUKAMATI 2:37

Teito meihangnii ai shii wosii ahnyii lungtei hangkapii dengsii Pitar ninado Tiilamlwi kapyiimei ka- kimei dakii tamle, “He kangsanamei, nyiinii kadapei tiitangpo?”

HEBRUMEI 6:2

dwi ka-mpum hangmah kaang kito rali kapyiimah, bah poikamakhii mah, kataimei ringkakhii mah sateichii kalui kaga samtak katii mah bangmaa tei nlailoisii tiimakhii sude.

HEBRUMEI 12:21

sateichii ngou katu tei aitiiziikapii hingle katunii, Mosesnii tamle, “Inii hangkapii hingsii nchyiitakle.”

ROMMEI 14:12

Teipiinii nyii meihangnii Saraa dakii mpou mpoumah atha tei Saraa doikii pyiitangle.

ROMMEI 12:1

Teijangpiinii, he kangsanamei, gonyiinii gonyii pum hang go karing, kamatei sateichii Saraago tiikaranga kakarat pot hangninii takumpii pyiitoi matu tang karam jangpii, Inii Saraa mah lungset kati mah paito gonyiigo khang leile; ai ai gonyii mah rangii mah kamata teile,

ROMMEI 2:16

Samtak katii piinei leimik gumah kabi rasam taiswisii Saraanii Jisu Krista paito ameinah mah kama- kum hang gotei samtak tiitangle.

TIILAMLWI KAPYIIMEI THA JUKAMATI 26:28

Agripanii Pol dakii tamle, “Dwi kalei tinglang aikito nangnii n-gu kristen tiimatu wobui lesii maningpo!”

TIILAMLWI KAPYIIMEI THA JUKAMATI 17:13

Nlenii Thesolonika kito kalei Jehudimei teinii Polnii Beriya ki kado Saraa mah kabi rasam ai tam ralipyii takle katu tei tiwosek-kii, ahnyiinii gong sanii teiki todo meihang go tiirampou pyiisii sam kamoi tii mpatle.

TIILAMLWI KAPYIIMEI THA JUKAMATI 9:6

Nlenii tusat tosii namdi kitei liitlo, sateichii nangnii kada dapei tiitangpo katu Inii godakii tampyii tangle.”

METIU 22:5

Nlenii ahnyiinii teigotei mah kado lung hungsii poisei supii tat tutakle; hangninanii mpoumah luki, kaki hangninanii mpoumah li-laa katiini tat tutakle.

TIILAMLWI KAPYIIMEI THA JUKAMATI 24:26

Tinglang aikak-kii Polnii mpougo sana pyiitang manasii mpounii maningdo maning takle, teijangpiinii mpougo latjat jatsii mpougo sam rashiile.

TAITAS 1:8

nlenii meigo pyiichii pyiisak kati, kabigo kamarei, mpou roinapii mpou lungswigo apum katii, kasang katii, kamatei, mpouroinapii mpou pumgo jum matwi kabuimei tang karamle;