TIILAMLWI KAPYIIMEI THA JUKAMATI 22:14 - KARANU KABI SAMTAM

¹⁴ Teito mpounii tamle, Nyiipei nyii- paomei mah Saraa teinii n-go mpoumah kamaning tikabui, kasang kamajyiipii gotei ngoumatu tang karam sateichii mpou mwi kito mpou roktei shii matutang karam jangpii kalai mpatpyii takle;

TIILAMLWI KAPYIIMEI THA JUKAMATI 22:14 Referans Kwoze

GALATIMEI 1:12

kadapokii teitei Inii meinah dato doudo doumakle, mei hangninii kaniido teitei n-gu ralipyii makle, Jisu Krista sekpiinii teitei n-gu mati mangoupyiile.

1 KORENMEI 15:8

Akatkatsang kito tinglang supii lungkalu nah takum katu guda kado mpounii mangoupyiile.

1 KORENMEI 9:1

I gu rangra tiisii kalungmei makpo? I tiilamlwi kapyiimei hangninii makpo? Inii Jisu nyii Bangpiigo ngoutak makpo? Bangpii jangpii Inii tha katii kito gonyii ai ti mati kalumei makpo?

TIILAMLWI KAPYIIMEI THA JUKAMATI 26:16

Nlenii gungtusii gopi gam sat tolo; kadaponii aijangpii Inii godakii mangou leile, katunii nangnii n-gu ngoukalu sateichii Inii godakii mangou tang karam tei kaang kito nga kangado sakchyii kapyiido n-go tiimatu tangle.

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

1 JON 2:1

Gunahmei, gonyiinii kem tiikasu tiisii Inii ai ai gonyii dakii ryii leile; nlenii mei kata hangninanii kem tiileponii, Pfii doito nyii jangpii satsii sam tampyii tang karam, kasang kamajyii Jisu Krista leile.

ROMMEI 1:1

Jisu Krista ki kalaipii, tiilamlwi kapyiimei hangninii tiisii lat kalu, Saraa mah kabi rasam jangpii kalaikalu Polnii,

TIILAMLWI KAPYIIMEI THA JUKAMATI 9:17

Teito Ananiyasnii maasii ki teiki tei liit takle sateichii mpoubah tei ah phyiiryiikii poikai pyiisii tamle, “Gukangsanapii Sol, Nangnii ngou kabui ninado n-go rangii kama- teipiinii tokryii matutang karam jangpii, katunii nangnii tat kagong pwidi kiteito godakii mangou kapyii Jisu teinii, n-go lang magongpyii takle.”

TIILAMLWI KAPYIIMEI THA JUKAMATI 7:52

Gonyiipfii gonyiipou meinii tiikamage kasu Lungkakalingmei hangninii kado leigapo? Mpou mah kasang kama- jyiipii gongtanglesii gong kasunato reipii mati kapyii Saraamah sampao kapungmei hang gotei ahnyiinii gitoi aitakle sateichii aitoinii gonyiinii mpougo schoi choikaipyiisii mpougo gitoi aitakle.

1 KORENMEI 11:23

Kadapokii Inii gonyii dakii kapyii tei Inii Bangpii dato doule. Kadapokii Bangpii Jisunii, mpougo schoi choikai kalei tinghum tei,

TIILAMLWI KAPYIIMEI THA JUKAMATI 24:14

Nlenii ai ai Inii godakii tam mpat leile, katunii ajaitingshang taiswisii kabam ninado lungkaka- lingmei mah larek bung kikii ryii kabam hangtei malumsii, ahnyiinii matou maklesii katam pwidi taiswisii Inii nyiipei nyiipaomei mah Saraa gotei mata leile.

TIILAMLWI KAPYIIMEI THA JUKAMATI 22:18

‘kalanglo, Jerosalem kito kalangsii tatpat tolo, kadapochiinii gu kaang kito katam karali gomah sakchyii tei ahnyiinii lukaipyii laklesii gudakii katam mpounii mangoule.’

TIILAMLWI KAPYIIMEI THA JUKAMATI 13:17

Isrel- meinah mah Saraa ainii nyiipfii nyii paomeigo kalai mpat pyiitakle sateichii ahnyiinii Izip sazyii kito kalei tinglang kak, mei aimeigo tiimadipyii takle sateichii ahnyiigo teibam kiteito mpounii bah poima- tusii pang mpatpyii takle,

TIILAMLWI KAPYIIMEI THA JUKAMATI 5:30

Gonyiinii ating gamkii kuikajusii gitoi kalei Jisu go nyii pwi nyii pfii mah Saraa teinii tiimaringpyii takle.

JONNII KARYII KABI RASAM JUKAMATI 15:16

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

TAITAS 1:1

Saraanii kalai kalumei mah kamalum gotei tiiha matu tang karam jangpii sateichii Kristenmei mah dormonii ralikapyii kasang kiteikii pang gongpyii matutang karam jangpii, Saraa nga kangamei ninado Jisu Kristamah Tiilamlwi kapyiimei hangninii tiisii kalei Pol, Inii,

2 TIMOTHI 1:1

Krista Jisu dato kalei karing mah riishii taiswisii, Saraanii kama- ning kamarei kito Krista Jisumah tiilamlwi kapyiimei hangninii tiisii kalei Polnii, Gumah lungkasyii gunah Timothi dakii: Krista dato kalei pyiitang lesii riishii tiikabam karing tei tam matilosii lang kai kabam Polnii–

GALATIMEI 1:15

Nlenii n-gu lung kasunato Saraanii mpou mah jumage kapyii kito n-gu kalai wotakle sateichii mpou nga ngalosii latto takle;

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.

1 KORENMEI 15:3

Kadapokii Iniido doukalu, hang doito rou katii tei gonyii dakii pyii leile, katunii kabi rasam taiswisii Kristanii nyii kem jangpii taipyii takle.

1 PITAR 2:22

Mpounii kama tiisang tiimakle, sateichii mpou mwi kito kachuisam kapat meikado shiimakle.

TIILAMLWI KAPYIIMEI THA JUKAMATI 22:15

Kadapokii nangnii ngoukalu ninado shii kalu- hang tei meihang doito sakchyii tiitangle.