TIILAMLWI KAPYIIMEI THA JUKAMATI 20:35 - KARANU KABI SAMTAM

³⁵ Mahlyii hang kito Inii gonyiigo tiimangou pyiitakle, katunii, tha teisii katii aipiinii nyiinii kasuimeigo tiiha tang karamle, Bangpii Jisunii tam kabam mpoumah samtam hang gotei maningsii, ‘Kadou sung kapyii teinii kisii sadoi bile.’ ”

TIILAMLWI KAPYIIMEI THA JUKAMATI 20:35 Referans Kwoze

HEBRUMEI 13:16

Kabi tiitang karam ninado hangninanii hangniniigo tiiha tang karam tei mangai sulo, dapodinchii ai kakum kakarat hang aipii Saraago dzyii karanga tei tiile.

METIU 10:8

sateichii katchii kanhiimeigo tii-mbipyiilo, kataimeigo tiimaringpyiilo, mpara tchiisii kalei meigo tiimatei pyiilo, sara kashyii hang go baatoi pyiilo. Gonyiinii matapii doutakle matapii pyiilo.

2 KORENMEI 8:9

Kadapokii nyii Bangpii Jisu Kristamah jumage kapyii tei gonyiinii tile, katunii mpounii mah nisii leikado mpoumah mah kaga teipii gonyiinii mahni kabui tiisii, gonyii jangpii mpounii mah kagamei tiipyii takle.

1 THESOLONIKAMEI 5:14

Sateichii kangsanamei, nyiinii gonyiigo tam katwi leile, kamahat meigo mahat sulosii tampyii ralipyiilo, rangii kasuimeigo lung tiimadi pyiilo, kasuimeigo tiihalo sateichii ahnyiihang dato lungleh tilo.

ROMMEI 15:1

Sateichii kamalum kito kasangtingmei nyiinii nyii- jangpii roinii dzyiibi tang karam tiisupii, kamalum kito kaswimei mah pot kamaswi tei pungha tang karamle.

TIILAMLWI KAPYIIMEI THA JUKAMATI 20:27

Kadaponii Saraa mah kamaning hang kito gonyii dakii tam ka-mpat kito Inii nkhiimakle.

HEBRUMEI 13:3

Kabang kilungto kalei ahnyiigo gonyiinii kaswisii bang kabam tiisii kalei takumpiinii maning gonglo; ahnyii takumpii gonyiiniido kamage kalak pung leile katupii, kamage kalak pungsii kalei ahnyiigo maning gonglo.

IPISAMEI 4:28

Ragasii kalei ahteinii ragaloi matu sulo, nlenii tei tungpii ah mah bahpiinii tha kabi tei tiisii, mah kagameigo sei kabui tiisii mpoumah mah bam tang karam jangpii tha tiimatulo.

TIILAMLWI KAPYIIMEI THA JUKAMATI 20:20

Saraa lampangkii lung ka- kali ninado nyii Bangpii Jisu Krista dakii kamalum Jehudimei dakiido Grikmei dakiido sakchyii tiisii,

2 KORENMEI 12:13

Inii gupum sekpii gonyiigo sana tiiha matutang karam jangpii tiikamage kasu jangpii supiinii, charsh kaki kakimei hang doito kada takumpiinii gonyiigo jumasam makpo? Kama aijangpiinii n-gu magaseilo.

2 KORENMEI 11:9

Inii gonyiigo kaswisii kalei kak sateichii Inii sana kamarei kak, Inii meigo kado tiikamage makle, kadaponii gumah kamarei hangtei Mesidoniya kito kagong kangsanameinii fiipyiisii leile. Teipiinii Inii gonyiigo tiikamage makle, sateichii aitoido mak-kii madou kado Inii gonyiigo tiikamage lakle.

1 THESOLONIKAMEI 4:11

sateichii sabato kaleimei mah adzyii ka-nrou katii tei gonyiinii ngam wokabui tiisii, satei- chii gonyiinii mahkado tang kalak tiisupii,

2 KORENMEI 11:12

Nyiinii tiikalei takumpiinii ahnyiiniido tiilei lesii tam katu sateichii tiilamlwi kapyiimei kaki- meinii detdi tang karam kaang gamatu tang karam jangpii Inii aitoi tiikalei ai Inii tiisii leihum tangle.

1 KORENMEI 9:12

Mei kakimeinii gonyii dato njai ai doutang karam majyii tei leileponii, nyiinii teisung kisii disii dou majyii makpo? Teitii kido nyiinii majyii ai poisii tha tiimakle, nlenii Krista mah kabi rasam pwidi kito doi kadang mpat lak tang karam jangpii nyiinii mah- lyii leh wotakle.

TIILAMLWI KAPYIIMEI THA JUKAMATI 20:34

Sateichii bah aipiinii gujangpii ninado n-gu kaswi kaleimei jangpii tha tiitakle katu gonyiinii tile.

TIILAMLWI KAPYIIMEI THA JUKAMATI 20:36

Ai tam aisii, mpounii kok kumsanii ahnyii hang go kaswisii riita takle.

3 JON 1:7

Kadapokii ahnyiinii malum kasumei dato tiikaha tei samah kado lusupii Krista jangpii ahnyiinii ahnyiimah mbui thiitat tei tatpat takle.