TIILAMLWI KAPYIIMEI THA JUKAMATI 20:31 - KARANU KABI SAMTAM

³¹ Teijang teipiinii tingkum hangtum katang tei Inii tinghum tingna mikdwi patsii meihang go ralikapyii matou makle katu tei gonyiinii maning wosii sakai wolo.

TIILAMLWI KAPYIIMEI THA JUKAMATI 20:31 Referans Kwoze

TIILAMLWI KAPYIIMEI THA JUKAMATI 20:19

Katunii, Inii hang- kapii lung manoisii, mikdwi kapat ninado Jehudimeinii n-gu makumpii jumtang karam kito n-gu ajai kaju kapat tei njasii Bangpii mah nga ngasii;

TIILAMLWI KAPYIIMEI THA JUKAMATI 19:10

Ai ai tingkum hangna katang tei aitiisii pat takle, teijangpiinii Asiya kito lung kalei mei hang, Jehudimeido, Grikmeido Bangpii mah samtei shii wotakle.

TIILAMLWI KAPYIIMEI THA JUKAMATI 19:8

Sateichii mpounii Jehudimei mah ndwiki lung tei liit tosii Saraa mah sating sazyii kaang kito sam kajyiisii ninado hemsii sakhii hangtum katang lungdisii ralipyiile.

HEBRUMEI 13:17

Gonyiimah doimajang katatmei sam swilo, sateichii ahnyii kang nkanglo, kadapokii gonyiinii tha tiikabam mah azhii mashak kabam tei ahnyiinii Saraa dakii pyiitang karam taiswisii, ahnyiinii ntasupii gonyiimah rakot hang go jupyiisii leile. Ahnyiinii katam tei gonyiinii swileponii, ahnyiinii ahnyii tha tei nta ntasii tiitangle, teisu dinchii ahnyiinii lung magesii tiitangle, sateichii tei teinii gonyii jangpii kabi tei gatangle.

KOLOSIMEI 1:28

Teipii nyiinii meihang dakii Krista tam ralipyiile, Kristago hangninii tiisii nja kalu kito, mei hang go nyiinii tiimatui mashang kalu mei nsang nsang tiisii Saraa doi poigong tang karam jangpii, swirek kabi hangteipii ahnyiigo tiiloi sulosii nyiinii kakhatle sateichii ralipyiile.

2 TIMOTHI 4:5

Nlenii nangnii mahlyiihang kito lung nlaisupii sangtingsii satlo, kamage kalak tei lehlo, kabi rasam tam rali kapyiimei tha tei tiilo, sateichii neikii neikii tiikamajyii gotha hangtei nangnii Saraa nga kangamei hangninii tiisii tiilo.

LUKNII KARYII KABI RASAM JUKAMATI 21:36

Nlenii pat tang karam matum madum hang kito gonyiinii nlek kabui mah teimaham dou kabui ninado meinah sapfii mpou doi tei gonyiinii satto kabui jangpiinii tinglang kaleita leh wolo.”

METIU 13:25

nlenii tinghum hangninii, meihang zyii kalei tinglang kak, ngoukarou mei hang- ninanii gongsii arhii kak ki teikii rhiimah tei ralikai pyiisii tat tutakle.

MATIMANGOU KAPYII 16:15

(“Julo, karagamei takumpii Inii gongtangle! Peimani haisupii makungpii ninado laat kabam tei ngoumatu lak tang karam jangpii peimani kaiwosii, mik raksii kalei ahtei sadoi bile!”)

2 THESOLONIKAMEI 3:8

Sateichii nyiinii mei hangninii datodo matapii chiimakle, nlenii nyiinii gonyii mei kata hangninii kagodo tiimaswi kasu tiisii, nyiinii teisii tha katii kapung tei njasii tinghum tingna tha tiile;

1 THESOLONIKAMEI 5:14

Sateichii kangsanamei, nyiinii gonyiigo tam katwi leile, kamahat meigo mahat sulosii tampyii ralipyiilo, rangii kasuimeigo lung tiimadi pyiilo, kasuimeigo tiihalo sateichii ahnyiihang dato lungleh tilo.

1 KORENMEI 4:14

Inii gonyiigo tii-nrou tang karam jangpii ai ai ryiimakle, nlenii Inii lungkasyii gunah meigo takumpii gonyiigo tam rali tang karam jangpiiniile.

TIILAMLWI KAPYIIMEI THA JUKAMATI 24:17

Sateichii tingkum kathangkiitai Inii gului dakii tiikaha sateichii Sa- raago kakat pot poigong tang karam jangpii gongle.

TIILAMLWI KAPYIIMEI THA JUKAMATI 20:11

Sateichii mpounii tatkhii wosii, tiirok tei tiiraksii chiiwosanii ah- nyiigo kaswisii kathangkii leimik pat kasuta katang tei karashii sii, aitiisii tat n-nou takle.

TIILAMLWI KAPYIIMEI THA JUKAMATI 20:7

Sateichii hapta kito karei piinei leimik tei nyiinii tiirok tiirak tang karam jangpii gong ndwi katu tinglang kak, Polnii supounei tatpat tanglesii maning kalu kito ahnyiigo tampyii ralipyii sanii mpounii sam katam tei tinghum asumkii pitakle.

METIU 3:7

Nlenii Farasismei ninado Sadhu- mei hangteinii dwi mpum tang karam jangpii gong kalei tei ngou wosii mpounii ahnyii dakii tamle, “He sanhii taa-nahmei, gongtang karam rakarhii kiteito nlek wolosii gonyii dakii tanii ralipyiipo?

PILIPIMEI 3:18

Gonyii dakii ai ai biniiroi supii asungdo Inii tam takle, sateichii aitoido Inii mikdwi njasii tam loileile; katunii, Kristanii Krosh gamto kataigo ahnyiimah karing teipiinii ahnyiigo kangourou matu katu meihangkii leile.

2 THESOLONIKAMEI 2:5

Inii gonyiigo kaswi kalei kak, gonyii dakii Inii aihang ai tam takle katu gonyii maningsu takpo?