TIILAMLWI KAPYIIMEI THA JUKAMATI 20:24 - KARANU KABI SAMTAM

²⁴ Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

TIILAMLWI KAPYIIMEI THA JUKAMATI 20:24 Referans Kwoze

2 KORENMEI 4:1

Saraanii mpoumah lungsyii kapyii kito aitha ai tiilosii nyii dakii pyiitakle, teijangpii nyiinii lung taimakle.

2 KORENMEI 12:10

Krista jangpii Inii kasui hang kito, kalet kalou katii kito, kahung kanang kito, kaset kalak kapyii kito, sateichii kamage kalak kiteito Inii lung samoule, kadapokii Inii suisii kalei tinglang kak Inii teimaham tei leile.

TIILAMLWI KAPYIIMEI THA JUKAMATI 21:13

Nlenii mpounii khekalatle, “Gonyii kadapei tiileipo, aitiisii hatsii ninado gulung tiipaksii? Jerosalem kito n-gu reng peitang karam jangpiinii Inii tiikada takle.”

1 KORENMEI 15:58

Teijangpiinii Gu kangsanamei, gonyii mah tha tiikalei tei Bangpii dato kadak makle katu tei tisii, gonyii sangtingsii, nlaisupiinii Bangpii mah tha katii kito tinglang kaleita tiilo.

ROMMEI 11:6

Nlenii ai ai jumage kapyii paitole, lepochiinii, ai ai nlailoisii tha kito sutakle; suleponii jumage kapyii tei jumage kapyiiloi sutakle.

TIILAMLWI KAPYIIMEI THA JUKAMATI 14:3

Teijangpiinii ahnyiinii Bangpii paikito kahing gasii karashii sii teikito tinglang kathangkii bam takle, ahnyii bahpiinii tiikamangou ninado kamadat kamadat tiimangou pyiisii mpoumah kalungset mah samtam kito mpounii sakchyii pyii takle.

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

TAITAS 1:3

ai toinii ajhii kabi tinglang kiteito, mpounii tiilosii gudakii pyiikabam kabi rasam teipii Saraanii mpoumah tiimatu kanyii kaang tei nyiigo mati mangoupyii takle. Ai ai Inii nyiigo keikapyii Saraamah mwija teipii saa mpat leile.

GALATIMEI 1:1

Meinah dato kasu, meinah mah paikitodo kasu, nlenii Jisu Krista sateichii mpougo katai kito tiimaring kapyii Pfii Saraamah paikito Tiilamlwi kapyiimei hangninii tiisii kalei Polnii,

2 KORENMEI 5:8

Nyiinii lung disii bamle, sateichii nyii pum kito thamsii bam tang karam sateichii Bangpiigo kaswisii bam tang karam tei nyiinii mareisang mareibwile.

TIILAMLWI KAPYIIMEI THA JUKAMATI 20:32

“Sateichii aitoinii Inii gonyiigo Saraa dakii ninado mpou mah jumage kapyii mah samtam kikii pyiitoi leile; samtam aipiinii gonyiigo tiikamakhii ninado tiimatei kaleimei ahnyii hang kak kito dou kamajyii tei gonyii dakii pyii wobuile.

TIILAMLWI KAPYIIMEI THA JUKAMATI 11:23

Mpounii gongsii Saraa mah ka- lungset tei ngou wosii ntale, sateichii ahnyiihang go lung sangtingsii Bangpii dato taksupii bam matutang karam mpounii tam katwipyiile.

PILIPIMEI 2:17

Gonyiimah kamalum kito pyiitoisii kalei kakarat phyiiryiikii guzai ai ruikai tang karam leichiido, I-ntale, ninado gonyiigo kaswisii rangale.

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

TIILAMLWI KAPYIIMEI THA JUKAMATI 1:17

Judas tei nyii bemei hangniniile, kadaponii mpougo kalai wotakle aitha katii kito njai poihai matu tang karam jangpii.”

JONNII KARYII KABI RASAM JUKAMATI 17:4

Nangnii n-gu tiilosii kapyii tha tei tiimashang aisii, sazyii pouryiito Inii n-go pumtei kava tei pyiitakle.

MATIMANGOU KAPYII 12:11

Sateichii ahnyiinii mpougo Jaonah mah zai teipii sateichii ahnyiimah sakchyii kapyiimah sam- kang teipiinii ngam wotakle, kada- pokii ahnyiinii ahnyiimah tiilung gotei katai katang marai makle.

1 JON 3:16

Aipii nyiinii lungkasyii tei tile, ka- tunii, mpounii nyii jangpii mpoumah karing tei pyiitakle, sateichii nyiiniido nyii kangsanamei jangpii nyiimah karing tei pyiitang karamle!

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

KOLOSIMEI 1:24

Aitoinii gonyii jangpii Inii kamage kalak leh kalei kaang kito Inii ntale, kadapokii gupum guzai kito Inii kamage kalak leh kalei aipiinii Kristamah pum, katunii charsh tung tiisii Kristamah kamage kalak tangkasu hangtei tiimashang matu tang karam jangpii Inii tiiha leile.

IPISAMEI 3:13

Teipiinii Inii gonyii jangpii kamage kalak pungsii kalei jangpii gonyii lung tailam nlaitu sulosii Inii gonyiigo khang leile; Ai hang ai gonyiimah kabi jangpiile.

2 KORENMEI 7:4

Gonyii dakii kamalum tei Inii bamle, gonyii jangpii Inii detkadi hangkapii leile, Inii kasamoupiinii tokryiile, nyiimah kamage kalak hangtei njasii Inii nta beidi takle.

HEBRUMEI 10:34

Kabangki kabam meimah kamage kalak njai tei gonyiinii dou njoi takle, sateichii gonyiimah mahbam hangtei soukalu tinglang kak, gonyiimah maga kalei tei gonyiinii nta ntasii leh wotakle, dapodinchii kalui tiisupiinii bam tang karam kisii bikaki tei doutakle katu gonyiinii tile.

TAITAS 2:11

Kadapokii meihangmah keika- pyii karing jangpii Saraamah jumage kapyii tei gongpyii takle.

2 TIMOTHI 4:17

Nlenii Inii kabi rasam tei mashangsii tam mpat kabui tiisii, sateichii Jehudimei kasu lui kakimei hangnii samtei shii matutang karam jangpii, Bangpiinii guda satpyiisii gudakii teimaham kaipyii takle; sateichii kounungsa mah mwi kito n-gu keipyii takle.

TIILAMLWI KAPYIIMEI THA JUKAMATI 22:21

Sateichii mpounii gudakii tamle, ‘tatpat tolo, kadaponii Inii n-go aikito dhiisii lui kakimei hang dakii lang mpat tangle.’ ”

1 THESOLONIKAMEI 3:3

kadapokii kamage kalak hang aipiinii gonyii meikagodo tii nlai matulak tang karam jangpii; tei kakum kamage kalak hang tei nyii jangpii Saraanii kamaning kama- reimah njai hangniniile katu tei gonyii pum sekpiinii tile.

1 THESOLONIKAMEI 2:2

Nyiinii Thesolonika ki gong kasunii Philipi kito kada takumpii nyiigo tiikamage pyiipo ninado tii-nrou pyiipo katu gonyiinii tile. Nlenii teikito nyiigo mazhii kasu kadaziikii leikado, mpou dato kagong kabi rasam tei gonyii dakii tam mpat matu tang karam jangpii, nyii Saraa teinii lungkadi tei nyiigo pyii takle.

TIILAMLWI KAPYIIMEI THA JUKAMATI 20:21

mah kata bitang karam sam gonyii dakii tam ka-mpat kito sateichii mei machii doikii, aki-ki lungkado gonyii- go tam ralikapyii kito kada takumpii Inii nkhiimang makpo katu gonyiinii tile.

IPISAMEI 1:6

Saraago tam matoileje, mpoumah kangam jumage kapyii jangpii, kadapokii mpounah sapfii mpou zei kito mpounii nyiigo matapii luha kapyii jangpii!

2 TIMOTHI 3:11

Gumah kaset kalak kapyii ninado tiikamage katuhang taitei nangnii swiwo takle; Antiyok kito Ikoniam kito sateichii Lustra kito gudato kada dapei pat takpo, kadaziikapii kaset kalak tei Inii leh takpo katu nangnii tile, Nlenii teihang kiteito Saraanii n-gu keipyiile.

ROMMEI 4:4

Amei kata hangninanii atha katii jangpiinii mpoumah katiimai tei pyii leile. Nlenii teitei luha kapyii hangninii lesii poi leimakle; teiteinii mpounii hee kalule.

JONNII KARYII KABI RASAM JUKAMATI 15:27

sateichii gonyii hangdo sakchyiile, dapodinchii saroisekto gonyiinii n-gu kaswisii leile.

LUKNII KARYII KABI RASAM JUKAMATI 16:28

Kadapo- chiinii gusanamei mei mangii bamle, ahnyiiniido kamage bam aiki ai gong kasu tiisii, mpounii ahnyii dakii tiigatpii sakchyii pyiisei matulo.’

TIILAMLWI KAPYIIMEI THA JUKAMATI 13:25

Sateichii Jon-nii mpou tha tiimasang pisek-kii, mpou- nii tamle, N-gu ai talesii gonyiinii maning leipo? Inii mpou tei makle, nlenii julo, gutaito mei hangninii gongtangle, Inii mpoumah pichot- ringdo nkwimang hektoi kajyii makle.

TIILAMLWI KAPYIIMEI THA JUKAMATI 15:7

Teito samtei hang- kapii kajyiipat tusek-kii, Pitarnii gungtu sanii ahnyii dakii tamle, “He, kangsanamei, lui kakimeinii gu mwi kito kabi rasam tei shii wosii malum tang karam jangpii ndou karei kito Saraanii gonyii kak kito n-gu kalai mpat pyiitakle katu ai gonyiinii tile.

TIILAMLWI KAPYIIMEI THA JUKAMATI 18:5

Sateichii Sailas nei Timothinii Misidoniya kito tat kahum tinglang kak, Polnii Jisu ai Kristale katu tei Jehudimei hang dakii sakchyii pyiisii samtam kiteito lungliitsii bamle.

TIILAMLWI KAPYIIMEI THA JUKAMATI 20:23

Ai katangnii tile, Kabang ninado kamage kalak piinii n-gu koisii bamlesii rangii kamateinii namdi hang kikii n-gu sakchyii pyiile.

PILIPIMEI 2:30

kadapokii mpounii mpoumah karing tei katai nei karing kak kito tha tiile ninado Kristamah tha tiitang karam jangpiinii taido taina takle, gonyiinii n-gu pyiipei kalak tiikaha tei pyiitang karam jangpii.

MATIMANGOU KAPYII 6:11

Teito ahnyii mei nsang nsang go paijou pi rot katang kaha pyiitakle. Sateichii ahnyiigo takumpii gitang karam, ahnyiigo kaswisii kikaleimei tiisii kaleimei hangdo ahnyiimah kangsanameido gikat kasuta, ahnyiinii aitoi tinglang shangniikii jangpii ntak matulosii ahnyii dakii tampyii takle.

2 KORENMEI 4:12

Teijangpii katai teinii nyii dato tha tiisii leile, nlenii karing teinii gonyii dato leile.