TIILAMLWI KAPYIIMEI THA JUKAMATI 20:21 - KARANU KABI SAMTAM

²¹ mah kata bitang karam sam gonyii dakii tam ka-mpat kito sateichii mei machii doikii, aki-ki lungkado gonyii- go tam ralikapyii kito kada takumpii Inii nkhiimang makpo katu gonyiinii tile.

TIILAMLWI KAPYIIMEI THA JUKAMATI 20:21 Referans Kwoze

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

TIILAMLWI KAPYIIMEI THA JUKAMATI 11:18

Teito ahnyiinii sam hang ai shiiwo sek-kii, malhii supiinii Saraa- go tam matoisii tamle, “Teitiileponii lui kakimei dado ringkabui jangpiinii lung kali matu katu Saraanii mazhiipyii takle.”

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

LUKNII KARYII KABI RASAM JUKAMATI 13:3

Inii gonyii dakii tam leile, makle, nlenii gonyiinii lung kali sulepo- chiinii, tei takumpiinii gonyii hangdo gatu tangle.

2 KORENMEI 7:10

Kadapokii Saraa dato lungswi kamage katu teipii lungkali katu mah riiti tei mati matusii keikapyii kasaga tiilung nitei pang gongpyiile sateichii kamanga tei pung gong makle, nlenii sazyii pouryiimah lungswi kamage katu teipii katai tei pat matule.

ROMMEI 10:9

Ka- daponii nangnii gomwipii Jisugo Bangpii lesii tam mpat lepochiinii sateichii Saraanii mpougo katai kito tiimaringpyii takle katu tei golung kito malum woleponii n-go keipyii tangle.

TIILAMLWI KAPYIIMEI THA JUKAMATI 26:18

ahnyiinii kamyii kito kava ki sateichii sara kashyii mah teimaham kito Saraa Bangpiida nlaigongsii kem kalei kapyii sateichii n-gu kamalum paikito Saraanii kalai kalumei kak kito bam doumatu tang karam jangpii, Inii n-go ahnyii mik rak matutang karam jangpii ahnyii dakii langkai leile.’

LUKNII KARYII KABI RASAM JUKAMATI 24:47

Sateichii Jerosalem sekto haosii Lui kaki hang dakii mpou zei kito lung kakali ninado kem kama maga kapyii tei tamroi tang karamle;

1 JON 5:5

Sateichii Jisugo Saraa nahlesii kamalum ah tei supiinii, sazyii pouryiigo kangam ah tei tapo?

TIILAMLWI KAPYIIMEI THA JUKAMATI 26:20

Nlenii karei reisang kito Damaskas kito kaleimei dakii tei taito Jerosalem kito kaleimei dakii, Judiya sazyii hang kikii sateichii lui kakimei dakii ahnyiinii Saraada ngaryii gong tang karamle ninado lung kali kalumah malum kabui tha tei tiitang karamlesii Inii tam ralipyiile.

1 JON 5:1

Jisugo Kristale katupii kamalum meihangnii Saraa nahmeile sateichii Pfiigo lungkasyiimei hang- teinii mpougodo lungsyiile.

PHILIMON 1:5

Kadapokii Saraamah meihang jangpii nangnii lungkasyii kabam ninado Bangpii Jisugo nangnii kamalum kabam tei Inii shiitakle.

IPISAMEI 1:15

Kaang aijangpii, Bangpii Jisugo gonyiinii kamalum ninado Saraago kamalum meihang go gonyiinii lungkasyii tei Inii shiikalu sekpiinii,

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

ROMMEI 5:1

Teijangpii kamalum teipiinii nyiigo tiimajyii kapyiitai swisii, nyiinii nyii Bangpii Jisu Krista paikito kamajung tei Saraa dato doutakle.

ROMMEI 4:24

Nlenii nyii Bangpii Jisugo katai kito tiimaring kapyiipiigo kamalum meihang, kasang kamajyii meilesii lukai pyii tang karam nyiimei hang jangpiiniido ryiibamle.

ROMMEI 1:16

Kadaponii Inii kabi rasam jangpii ka-nrou gale; kadapochiinii teitei kamalum mei hangnii keikapyii karing doutang karam Saraa mah teimahamle; karei kito Jehudimei go sateichii Grikmei godole.

TIILAMLWI KAPYIIMEI THA JUKAMATI 17:30

Teijangpii tikasu tinglang gotei Saraanii ju majupyii takle, nlenii aitoinii bamlyii hang kito meihangnii lung kali matutang karam jangpii mpounii mwija pyii leile.

MARK 6:12

Sateichii ahnyiinii tatpatsii meinii kem kito lungkali kabui kabi rasam tei tam ralipyii takle.

MARK 1:15

Mpounii tamle, “Ting- lang tei gongtakle, Saraa mah sating sazyii tei natakle, gonyii lung kalisii kabi rasam gotei malum wolo.”

METIU 4:17

“Lungkali wolo, Kadaponii sating gam sazyii tei natakle.” Sii tamsii Jisunii tei tinglang sekpii tam ralipyiihou tutakle.

GALATIMEI 3:22

Nlenii kabi rasam kito katamnii, sazyii pouryii mpum madum ai kem mah teimaham kangto leile, Teijangpii Jisu Kristago kamalum meihang go pyiitang lesii riishii tiikabam luha teinii malum katu meihang go pyiile.

GALATIMEI 2:16

teitii kido, meinah aigo ajaitingshang mah tha hang ryiikalu jangpiinii tiimajyii pyii makle, nlenii Jisu Kristago kamalum paikito tiimajyii pyiile katu tei tisii, nyiigo ajaitingshang mah tha hangtei ryiikalu jangpii supiinii, Kristago kamalum jangpii, tiimajyiipyii matu- tang karam jangpii nyii sek piiniido Krista Jisugo malum wotakle; dapokii ajaitingshang mah tha hang ryiikalu jangpii meigo kado tiimajyii kapyii gale.

1 KORENMEI 1:22

Kadapokii Jehudi- meinii siiti tiikamangou khangle sateichii Grikmeinii swirek kabigo fiile,

ROMMEI 2:4

Makkii Saraa mah ajai kabipii n-go lung kali matu tang karam kikii chyiitat pyiile katu tei tisupiinii mpou mah lung kasyiimah koikati, sateichii leh kati hang gotei nangnii maning mala leipo?

ROMMEI 1:14

Grikmei datodo lui kakimei datodo kasakaimei datodo swikagamei datodo Inii apow pung leile:

TIILAMLWI KAPYIIMEI THA JUKAMATI 28:23

Sateichii ahnyiinii mpou dakii tingneikii leimik karet kalu kito, ahnyiimei moi mpounii kazyiibam kitei gong takle. Mpounii ahnyii dakii Moses mah ajaitingshang kiteito sateichii Lungkakalingmei mah larek kiteito Saraa mah sating sazyii mah kaang kiteito sakchyii tiisii, sateichii Jisu mah kaang kiteito ahnyiigo malum tang karam jangpii hemsii tingchoito tingkhii katang tam ralipyiile.

TIILAMLWI KAPYIIMEI THA JUKAMATI 16:31

Teito mpoupiinanii tamle, “Bangpii Jisugo malumlo sateichii nangdo goki kalungmeido kaleikapyii tei doutangle.”

TIILAMLWI KAPYIIMEI THA JUKAMATI 10:43

Lungkakalingmei hangnii mpou kaang kito sakchyii tiile, katunii mpougo kamalum meihangnii mpou zei kito kem maga kapyii tei doutangle.

TIILAMLWI KAPYIIMEI THA JUKAMATI 8:25

Aitiisii ahnyiinii Bangpii mah sam tam tei tiigatpii sakchyii tiisii tampyii aisii, Samariyamei mah nam namki tei liitsii kabi rasam tamsii tamsii Jerosalem ki nlai gongle.

TIILAMLWI KAPYIIMEI THA JUKAMATI 3:19

Teijang- piinii gonyii mah kem hangtei tiimagapyii matu tang karam jangpii gonyiinii lung kali wosii nlaigonglo; teitei leponii Bangpii dato kamajung mah tinglang tei gongtangle.

TIILAMLWI KAPYIIMEI THA JUKAMATI 2:40

Sateichii kaki kaki sam hang- kapiiniido mpounii sakchyii pyiile, nyiigo katwido katwikai pyiisanii tamle, “Kashyii lung kapung aiha ki aito mpou mpou roinapiinii keiwolo.”

JONNII KARYII KABI RASAM JUKAMATI 20:31

nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

JONNII KARYII KABI RASAM JUKAMATI 3:36

Nah sapfii mpou gotei malum kalumei teinii kalui tiikasu karing tei doutakle, nlenii nah sapfii mpou sam swikasumei hangteinii karingtei doulakle, nlenii Saraa mah rakarhii tei mpou gamto leile.

LUKNII KARYII KABI RASAM JUKAMATI 15:10

Tei takumpiinii Inii gonyii dakii tam leile, Kem kama katiimei hangninanii lung kali kalu jangpii Saraa mah Sating gamlui hang doito ka-nta teile.”

LUKNII KARYII KABI RASAM JUKAMATI 15:7

Inii gonyii dakii tam leile, tei takumpii, lung kalisudo kamazhii, kasang kamajyiimei reksokchyiisii sokchyii-nkhii sungnii kem kama katiimei hangninanii lung kali kalu jangpiinii sating gamto nta tangle.

LUKNII KARYII KABI RASAM JUKAMATI 13:5

Inii gonyii dakii tam lei le, makle, nlenii gonyiinii lung kalisu lepochiinii, tei takumpiinii gonyii hangdo gatu tangle.”

METIU 3:2

“Lungkali wolo, daponii sating gam sazyii tei natakle.”

KOLOSIMEI 2:5

Kadapokii pumzai lamto Inii gonyii kak haimak kado gonyiimah ache katii ninado Krista dakii gonyiimah kamalum mah kasangting tei ngousii Inii ntale ninado Inii rangii kito gonyii go kaswisii leile.

TIILAMLWI KAPYIIMEI THA JUKAMATI 24:24

Leimik shangniikii sou kaleitai Felixnii mpou nou Jehudimei pwi Drusila go kaswisii gong, Polgo lat mpat tosii, Jisu Krista go kamalum mah kaang kito mpou dato sam shiitakle.

TIILAMLWI KAPYIIMEI THA JUKAMATI 19:17

Sateichii Ipisa kito kalei Jehudimei sateichii Grikmei hangnii ai ai tigong takle, sateichii ahnyii hangnii hingtakle sateichii Bangpii Jisu zei dipat tutakle.

LUKNII KARYII KABI RASAM JUKAMATI 16:28

Kadapo- chiinii gusanamei mei mangii bamle, ahnyiiniido kamage bam aiki ai gong kasu tiisii, mpounii ahnyii dakii tiigatpii sakchyii pyiisei matulo.’

TIILAMLWI KAPYIIMEI THA JUKAMATI 20:23

Ai katangnii tile, Kabang ninado kamage kalak piinii n-gu koisii bamlesii rangii kamateinii namdi hang kikii n-gu sakchyii pyiile.