TIILAMLWI KAPYIIMEI THA JUKAMATI 20:19 - KARANU KABI SAMTAM

¹⁹ Katunii, Inii hang- kapii lung manoisii, mikdwi kapat ninado Jehudimeinii n-gu makumpii jumtang karam kito n-gu ajai kaju kapat tei njasii Bangpii mah nga ngasii;

TIILAMLWI KAPYIIMEI THA JUKAMATI 20:19 Referans Kwoze

KOLOSIMEI 3:24

Sateichii mpoumah mei jangpii mpounii kaidek kabam tei Abangpiinii gonyiigo alangh hang- ninii tiisii pyiitangle katu tei ma- ninglo. Kadapokii Krista tei nangnii nga ngakalei kasang apumpii teile.

2 KORENMEI 2:4

Inii chiti tei karyii tinglang kak, Inii hang- kapii swi shyiisii lung kamagesii ninado hatsii leile; gonyiigo lung tiikamage tang karam jangpii makle, nlenii Inii gonyii hang go kada- ziikapii lungsyiipo katu tei timatu tang karam jangpiiniile.

ROMMEI 12:11

Tha teisii tiilo sateichii mahatshyii sulo, lung matum madum pyiisii Saraa nga ngalo;

TIILAMLWI KAPYIIMEI THA JUKAMATI 20:3

Sateichii mpounii teiki teito sakhiitum bamsanii Sairiya ki katang malyii hoisii tat tanglesii bamleibangpii Jehudimeinii mpougo jumtang karam makumpii tiikajyii tei tigong sek-kii, mpounii Mesi- doniya lampang nlai tang taklesii maning wotakle.

2 KORENMEI 7:5

Nyiinii Mesidoniya ki gong katutai katangpii, bamlyii kiteito kamage kalak teipii, sateichii nyii lung kito kahing teipii, nyiinii ka- ntak tei hangninii kado doumakle.

JEMS 1:2

Gu kangsanamei, gonyiida jai- kaju kataam kataam kagong tinglang kak gonyii ai doibilesii gonyii roinapii poi wolo.

PILIPIMEI 3:18

Gonyii dakii ai ai biniiroi supii asungdo Inii tam takle, sateichii aitoido Inii mikdwi njasii tam loileile; katunii, Kristanii Krosh gamto kataigo ahnyiimah karing teipiinii ahnyiigo kangourou matu katu meihangkii leile.

IPISAMEI 6:7

Gonyiinii meidakii tiikalei takum supiinii, Saraa nga ngakalei takumpii, nta ntasii gonyii tha tei tiipyiilo.

GALATIMEI 1:10

Meinah mah kamazhii doutang karam mak-kii Saraa mah kamazhii doutang karam jangpii Inii fiileipo? Mak-kii Inii mei dzyiibi tiitang karam jangpiinii tiisii leipo? Inii aitoi katang mei dzyiibi tiitang karam jangpiinii tiisii leipo? Inii aitoi katang mei dzyiibi tiisii leileponii, Inii Krista mah kikaleimei hangninii tiilak tang karamle.

2 KORENMEI 3:5

Ai tha ai nyiinii tiimajyiile katu nyiinii nyii roinapii tam tang karam majyii tei nyii dato samah kado gale; nyiinii doukalu tiikamajyii tei Saraa datole.

TIILAMLWI KAPYIIMEI THA JUKAMATI 20:31

Teijang teipiinii tingkum hangtum katang tei Inii tinghum tingna mikdwi patsii meihang go ralikapyii matou makle katu tei gonyiinii maning wosii sakai wolo.

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

1 PITAR 1:6

Aitoi tinglang shangniikii jang- pii kataam kataam tiisii jai kaju kamage kalak hang gonyiinii pungsii swi kamagetu kido, gonyii kaang aijangpii nta rangalo,

1 THESOLONIKAMEI 1:9

Nyiinii gonyiida kagong kak gonyiinii nyiigo kada takumpii lukaipyiipo, sateichii gonyiinii tingtugo matasii kalei kito, kasang ninado karing Saraago nga ngatang karam jangpii,

ROMMEI 1:9

Kadaponii tinglang kaleita gumah kariita hang kito gonyii jangpii Inii taksupii maningsii leile katu tei mpou Nah sapfii mpou mah kabi rasam kito gu rangii haisii Inii anga nga kalei Saraanii gumah sakchyiile;

ROMMEI 1:1

Jisu Krista ki kalaipii, tiilamlwi kapyiimei hangninii tiisii lat kalu, Saraa mah kabi rasam jangpii kalaikalu Polnii,

TIILAMLWI KAPYIIMEI THA JUKAMATI 27:23

Kadaponii Inii mpou mei tiisii, sateichii mpou godo Inii nga ngasii kalei, Saraamah sating gamlui hangninanii ndazyii tinghum guda gong satsii tamle,

TIILAMLWI KAPYIIMEI THA JUKAMATI 17:13

Nlenii Thesolonika kito kalei Jehudimei teinii Polnii Beriya ki kado Saraa mah kabi rasam ai tam ralipyii takle katu tei tiwosek-kii, ahnyiinii gong sanii teiki todo meihang go tiirampou pyiisii sam kamoi tii mpatle.

JONNII KARYII KABI RASAM JUKAMATI 12:26

Mei kata hangninanii gu nga ngasii leileponii, ahnii gutai switang karamle; sateichii Inii kalei nitei gu nga kangamei hangniido teiki tei leitangle; mei kata hangninanii gu nga ngasii leileponii, Pfiinii ahgo dzyiirou tangle.

LUKNII KARYII KABI RASAM JUKAMATI 19:41

Sateichii mpounii pi manang sek-kii, namdi tei ngou wosii, teijang teipii hatsii tamle,

MATIMANGOU KAPYII 7:15

Teijangpii ahnyiinii Saraamah sagongbam doiteito leile, ninado ahnyiinii tinghum tingna mpoumah kamatei kiteito mpougo nga ngasii bamle. Sateichii sagongbam gamto bam kalei ahteinii mpoumah taksupii haikalei teipiinii ahnyiigo dangpyii tangle.

2 TIMOTHI 1:4

Inii Gomah mikdwi kahum tei maning gong sek-kii, tinghum tingna Inii n-go kadounyiisii bamle, kadapokii Inii ka-nta teipii tokryii kabui tiisii,

TIILAMLWI KAPYIIMEI THA JUKAMATI 17:5

Nlenii Jehudimei teinii meimhiitu takle sateichii meinii lukasu kaikashyiimei kak kiteito mei kashyii kashyii mei gotei poi ndwi wosii, mei ndwi kadi hangninii tiiwosii, namdi ki teito koi nrung tii-mpatsii ahnyiigo Jason kitei kumsii ahnyiigo meimoi doi poi mpat tang karam jangpii fiitu takle.

TIILAMLWI KAPYIIMEI THA JUKAMATI 21:27

Sateichii leimik sana tei sang- tuna Asia kito Jihudimeinii mpougo Saraa kamaning kilungkii ngou wosek-kii, meihang gotei katwisii mpou phyiiryiikii bah kaisii,