TIILAMLWI KAPYIIMEI THA JUKAMATI 2:42 - KARANU KABI SAMTAM

⁴² Sateichii ahnyiinii tam ralikapyii kito, riita ndwi kiteito, tiirok tiirak katu kiteito sateichii kariita kiteito taksupiinii lungliitsii tiile.

TIILAMLWI KAPYIIMEI THA JUKAMATI 2:42 Referans Kwoze

HEBRUMEI 10:25

Kangkanii tiisii kalei takumpii, nyii hangnii gong ndwi kalei tei nyiinii matou sude, nlenii Bangpiimah leimik tei nagong bui buisii kalei tei gonyiinii ngoukatu taiswisii, hangninanii hangniniigo kisii lung tiimakhiide.

TIILAMLWI KAPYIIMEI THA JUKAMATI 1:14

Ahnyiihangnii sapwi- meigo, Jisu pwi Merigo sateichii mpou sanamei hang go kaswisii lungswi hangninii tiisii kariita tei taksupiinii lungliitsii bamle.

1 JON 1:3

Nyiinii ngoukalu ninado shii kalu tei gonyiiniido nyiigo kaswisii njai dou njoi matutang karam jangpii, nyiinii gonyii dakiido saa mpat leile; sateichii nyiinii njai dou njoi tang karam ainii Pfii sateichii mpounah sapfii mpou Jisu Kristago kaswisii nja katu kitole.

1 JON 1:7

Nlenii mpounii kava kito kalei takumpii nyiinii kava kito tat leileponii nyiinii hangninanii hang- niniigo nja katumah njai dou njoi katu tei leile, sateichii mpounah sapfii mpou Jisumah zai teipiinii kem hang kito nyiigo tiimatei pyiile.

TIILAMLWI KAPYIIMEI THA JUKAMATI 2:46

Sateichii sating kata Saraa kamaning kilungto lungswi hangninii tiisii taksupii nduisii, mpou mpou kito tiirok tiiraksii ahnyiinii ntasii ninado lung rangasii mah chii njoile.

TIILAMLWI KAPYIIMEI THA JUKAMATI 20:7

Sateichii hapta kito karei piinei leimik tei nyiinii tiirok tiirak tang karam jangpii gong ndwi katu tinglang kak, Polnii supounei tatpat tanglesii maning kalu kito ahnyiigo tampyii ralipyii sanii mpounii sam katam tei tinghum asumkii pitakle.

IPISAMEI 6:18

Sateichii nlai katang tei lung leh kati teipii machyiigatsii, kama- teimei hang jangpii riita hasii, riita kakhang ninado meijangpii riita kaha hang teipii, tinglang kaleita rangii haisii riitalo.

JUD DATO KAGONG CHITI JUKAMATI 1:20

Nlenii lungkasyiimei, gonyiinii kamatei kamalum kiteikii gonyii roinapii gonyiigo makot makhiijousii leilo, rangii kamateimah teimaham haisii riitalo.

KOLOSIMEI 4:2

Kariita kito nlaisulo, sateichii Saraago hakalang tamsii gonyiinii riitasii kalei kito machyiigatlo;

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

2 TIMOTHI 3:14

Nlenii gojangpiinii nangnii ralikalu sateichii sangtingsii malum kalu kasang hang kiteito tatsii leijoulo. gomah madhiikapyii mei tei tatapo katu nangnii tile.

IPISAMEI 2:20

Krista Jisunii ki kaa roukatii kuitu tiisii, tiilamlwi kapyiimei hangmah ninado sampao kapungmei mah bangmaa phyiiryiikii gonyii godo tiimakhiibam takle.

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

TIILAMLWI KAPYIIMEI THA JUKAMATI 6:4

Nlenii nyiinii nyii mah tinglang hangtei kariita ninado kabi rasam katam karali tha kikii pyiitangle.”

TIILAMLWI KAPYIIMEI THA JUKAMATI 4:31

Sateichii ahnyiinii riita ka- leitai, ahnyiinii ndwisii kalei bamtei nlai takle sateichii ahnyiihang tei rangii kamateipii tokryiisanii, kahing gasii Sara sam tam mpat takle.

1 KORENMEI 10:21

Gonyiinii Bangpiimah peek kiteito sateichii sara kashyiimah peek ki teito sakpeiwo lakle. Gonyiinii Bangpii mah tak kachiibam kito sateichii sara kashyii mah tak kachiibam kiteito njai dou njoipei wolakle.

ROMMEI 12:12

gonyii mah maning kamalum kito rangalo, kamage kalak kito leh wolo; kariita kito taksulo.

HEBRUMEI 10:39

Nyiinii tailampang nlai katu ninado maga kaleimei hangtei makle, nlenii nyiinii malumsii keipyii kalumei teile.

TIILAMLWI KAPYIIMEI THA JUKAMATI 11:23

Mpounii gongsii Saraa mah ka- lungset tei ngou wosii ntale, sateichii ahnyiihang go lung sangtingsii Bangpii dato taksupii bam matutang karam mpounii tam katwipyiile.

1 KORENMEI 11:2

Gonyiinii mahlyii hang kito n-gu maning kasei jangpii sateichii gonyii dakii Inii pyii kabam hangtei go- nyiinii tiigatpii ryiileile katu jangpii Inii gonyiigo tam matoile.

TIILAMLWI KAPYIIMEI THA JUKAMATI 20:11

Sateichii mpounii tatkhii wosii, tiirok tei tiiraksii chiiwosanii ah- nyiigo kaswisii kathangkii leimik pat kasuta katang tei karashii sii, aitiisii tat n-nou takle.

1 JON 2:19

Ahnyiinii nyii dato tatpat takle, nlenii ahnyiinii nyiimah makle, dapokii ahnyii ai nyiimah leponii, ahnyiinii nyiigo kaswisii lungjousii leitangle, nlenii ahnyii hang ai nyiimah makle katu mangou tang karam jangpii tatpat takle.

GALATIMEI 1:6

Kristamah jumage kapyii kito gonyiigo lat kapyii Mpougo hangkapii kalangsii toi aisii, kathaam kaki kabi rasam hangniniigo gonyiinii lukai kalu kito Inii sung gale.

TIILAMLWI KAPYIIMEI THA JUKAMATI 4:23

Sateichii mpoupiinago mpatpyii sek-kii, mpoupiinanii ahnyii bemeida nlaigong sii, kanat kanhii kajum Tingdimei sateichii katingmeinii mpoupiina dakii katam sam hangtei tam takle.

LUKNII KARYII KABI RASAM JUKAMATI 24:35

Sateichii pwidito pat kalei ninado tiirok tiirak leibangpiinii mpoupiinanii mpougo kada takum- piinii tigong wopo katu tei mpoupiinanii tam takle.

LUKNII KARYII KABI RASAM JUKAMATI 24:30

Sateichii mpounii ahnyiigo kaswisii chiitang karam jangpii bam leibangpii, mpounii tiirok tei poiwosii satoi pyiitakle, sateikii tiirok tei tiirak wosii ahnyiigo pyiitakle.

1 KORENMEI 14:6

Aitoinii kangsanamei, Inii lat katham katham tamsii gonyiida gong leponii, mati mangoukapyii, mak-kii swirek kati, mak-kii Saraa sam tam ka-mpat, mak-kii ralikapyii cheng- niikii ai Inii gonyiida poigong kasu- tanii kada takumpiinii Inii gonyiigo kabi tei pyiiwo tangpo?

PILIPIMEI 1:5

dapokii karei kito tingnei katangpii kabi rasam katam kito gonyiinii n-gu tiikaha jangpii.