TIILAMLWI KAPYIIMEI THA JUKAMATI 2:33 - KARANU KABI SAMTAM

³³ Teijangpiinii Saraa mah bah ajiilam pang teikii poisagoi kapyii taiswisii sateichii rangii kamateigo pyiitang lesii riishii tiikabam tei Pfii dato doukalu taiswisii, gonyiinii aitoi ngou kalei ninado shiikalei ai mpounii rui mpat pyiile.

TIILAMLWI KAPYIIMEI THA JUKAMATI 2:33 Referans Kwoze

TIILAMLWI KAPYIIMEI THA JUKAMATI 1:4

Sateichii ahnyiinii gong ndwi sek-kii mpounii ahnyii dakii kakhatpyii takle: “Gonyiinii Jerosalem kito tat tusulo, nlenii Inii gonyiigo katam, Gu pfiinii riishii tiikabam gotei gonyiinii koilo.

TIILAMLWI KAPYIIMEI THA JUKAMATI 5:31

Isrel- meinah go lung kakali ninado kem tiimaga pyiitang karam jangpii, kaleikapyiipii ninado doimajang kapyiipii tiisii mpoubah ajiilam sek teipiinii poimakhii pyii takle.

TIILAMLWI KAPYIIMEI THA JUKAMATI 2:17

‘Sateichii Saraanii tamle, kana tinglang hang kitei aitiisii pat tangle, Inii meihang phyiiryiikii gumah rangii tei rui m-mangpyii katuni Inii meihang phyiiryiikii gu rangii tei rui mpat tangle, gonyii nah sapfiimei ninado sapwimei hangteinii gusam saa mpat tangle sateichii gonyii nah karanumei hangteinii madhangkapyii tei ngoutangle; sateichii kating kateimei hangnii mang mai tangle.

JONNII KARYII KABI RASAM JUKAMATI 14:26

Gu zei kito Pfiinii lang magong tang karam tiikahapii, rangii kamatei teinii gonyiigo mahlyii hang ralipyii tangle ninado Inii gonyii dakii tam kabam hangtei maning gongloi matu tangle.

MARK 16:19

Aitiisii ahnyii dakii tam kalei tai Bangpii Jisugo sating gam pang makhii takle ninado mpounii Saraamah bah ajiilamto bam takle.

1 PITAR 3:22

Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.

GALATIMEI 3:14

Teipiinii Krista Jisu paito Abraham dakii Saraanii satoi pyiitanglesii riishii tiikabam tei Jehudimei kasu luikakimei hang dakii gong matu tang karam jangpii, sateichii nyiinii kamalum paito ra- ngiimah rashii tiikabam tei doutang karam jangpiile.

TIILAMLWI KAPYIIMEI THA JUKAMATI 10:45

Sateichii Pitargo kaswisii gongkalei kamalum mei kak kito tiigyii malem kaleimei hang- teinii sung gatakle kadapokii lui kakimei phyiiryii kado rangii kamatei mah satoi tei ruikaipyii takle.

METIU 28:18

Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.

JONNII KARYII KABI RASAM JUKAMATI 14:16

Inii Pfii dato khang tangle sateichii mpounii gonyiigo tiikaha kaki hangninii pyiitangle, kalui gasii ahnii gonyiigo kaswisii bam tangle.

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

HEBRUMEI 10:12

Nlenii Kristanii kem jangpii karat binii sek-kii kalui kaga jangpii pyiitoi aisanii Saraa- mah bah ajiilam teito bam takle.

ROMMEI 5:5

sateichii doutang lesii maning kamalum teipii nyiigo tii-nrou leimakle, kadaponii nyiidakii pyii kalei rangii kamatei paito Saraa mah lungkasyii tei nyiilung kikii ruikai pyiitakle.

TAITAS 3:6

Mpou mah jumage kapyii teipiinii tiimajyii tiimatui pyiisanii, kalui kaga karing doutanglesii nyiinii maning malumsii koikalei taiswisii nyiigo mahtou katoumei tiimatu tang karam jangpii,

IPISAMEI 4:8

Teijangpii mpounii aitiisii tamle, “Mpounii kasagoi gam khii katu kak, maringpouchyiimei hangkago mpounii mpougo kaswisii pangsii tutakle. Sateichii meinah dakii mpounii luha tei pyiitakle.”

JONNII KARYII KABI RASAM JUKAMATI 17:5

Sateichii Pfii-o, sazyii pouryii tii mpat kasuniito n-gu kaswisii leikatu gumah pumtei kava teipiinii godoito aitoi n-gu pumtei kava tei pyiilo.

JONNII KARYII KABI RASAM JUKAMATI 15:26

“Nlenii Pfii dato lang magong tang karam tiikahapii tei; katunii Pfii dato kagong kasang mah rangii teinii kagong tinglang kak; ahnii gumah kaang kito sakchyii pyii tangle;

LUKNII KARYII KABI RASAM JUKAMATI 24:49

Sateichii julo, Gu pfiinii riishii tiikabam tei Inii gonyii phyiiryiikii lang m-mangpyii tangle, nlenii kasagoi gamto teimaham teipiinii pei takumpii bakaipyii ka- suta, gonyiinii namdi kiteito bamlo.”

IPISAMEI 1:13

Sateichii gonyiigo keikapyii karing poigong kapyii kasang kabi rasam tei gonyiinii shiikalu kito, gonyiiniido Saraamah mei tei tiiwo takle, sateichii Kristago gonyiinii malum wotakle; ninado mpounii go- nyiigo pyiitang lesii riishii tiikabam, pyiisii kalei rangii kamatei teipii Saraanii mpoumah apum katiimah siiti tei gonyii phyiiryiikii toukai pyiitakle.

HEBRUMEI 2:9

Saraanii jumage kapyii paikito meihang jangpii mpounii taitang karam jangpii, tinglang shangniikii jangpiinii sating gamlui sung chengniikii tiisana kalei, Jisugo nyiinii ngoule. Mpounii kataimeimah mage leh kalu jangpii mpounii pumtei kava ninado sadzyii ngariit katiimah phyiihung choisii kalei tei nyiinii ngoule.