TIILAMLWI KAPYIIMEI THA JUKAMATI 2:17 - KARANU KABI SAMTAM

¹⁷ ‘Sateichii Saraanii tamle, kana tinglang hang kitei aitiisii pat tangle, Inii meihang phyiiryiikii gumah rangii tei rui m-mangpyii katuni Inii meihang phyiiryiikii gu rangii tei rui mpat tangle, gonyii nah sapfiimei ninado sapwimei hangteinii gusam saa mpat tangle sateichii gonyii nah karanumei hangteinii madhangkapyii tei ngoutangle; sateichii kating kateimei hangnii mang mai tangle.

TIILAMLWI KAPYIIMEI THA JUKAMATI 2:17 Referans Kwoze

TIILAMLWI KAPYIIMEI THA JUKAMATI 10:45

Sateichii Pitargo kaswisii gongkalei kamalum mei kak kito tiigyii malem kaleimei hang- teinii sung gatakle kadapokii lui kakimei phyiiryii kado rangii kamatei mah satoi tei ruikaipyii takle.

JONNII KARYII KABI RASAM JUKAMATI 7:39

Mpougo malum kalumei hangnii doutang karam rangii mah kaang kiteito mpounii ai ai tamle, kadapokii tei tinglang kak Jisunii pumtei kava tei dou kasu taiswisii, rangii tei aitoi pyii womakle.

HEBRUMEI 1:2

nlenii ai kalui tinglang leimik aikito nah sapfii mpou paikito nyii dakii mpounii sam rashiile. Mpougo mahlyii hangmah matou katou tei tiipyii takle, sateichii mpounii mpou paikito sazyii pouryiido tiipyiile;

1 KORENMEI 12:28

Sateichii Saraanii charsh kak kito mei kang- kiigo, karei reisang kito, tiilamlwi kapyiimei, hangna kashang kito lungkakalingmei, hangtum kashang kito madhiikapyiimei tei kalaipyii takle; sateichii teidoi tei kamadat tha katiimei, ara kanimeigo tii ka-mbimei, tiikahamei, doimajang kapyiimei, lat kataam kataam katam mei pyiibam takle.

LUKNII KARYII KABI RASAM JUKAMATI 3:6

Sateichii meihangnii Saraa mah kalei kapyii tei doutangle.”

TIILAMLWI KAPYIIMEI THA JUKAMATI 21:9

Sapfii mpou aipou kinah ralhiimeinah madai bamle, ahnyii tei Saraa sam katam meile.

2 PITAR 3:3

Karei reisang kito gonyiinii ai ai tilo, katunii, kalui tinglang ki hoksii kanuimeinii ahnyii pumzainii kamarei ka-ntha hang teitei swisii, hoksii kanui tei njasii gong tam tangle,

1 KORENMEI 12:10

Sateichii kaki hangninii dakii kamadat tha tiikabui mah luha, kaki hangninii dakii Saraa sam tam ka-mpat, kaki hangninii dakii rangii hang go juti tang karam, kaki hangninii dakii katham katham lat katii, kaki hangninii dakii lat katham katham gotei tam kalatpyii tang karam mah pyiibam takle,

ROMMEI 5:5

sateichii doutang lesii maning kamalum teipii nyiigo tii-nrou leimakle, kadaponii nyiidakii pyii kalei rangii kamatei paito Saraa mah lungkasyii tei nyiilung kikii ruikai pyiitakle.

JONNII KARYII KABI RASAM JUKAMATI 17:2

Kadapokii nangnii mpou dakii kapyii hang gotei mpounii kalui kaga karing tiilung pyiimatu tang karam jangpii meilui kalung hang phyii- ryiito nangnii mpougo teimaham tei pyiibam takle.

JEMS 5:3

Gonyiimah sanah ninado sana raguiba hangtei dwihet tiiga takle, sateichii teimah dwihet katii hang teinii gonyii phyiiryiikii sakchyii tiitangle, sateichii mi takumpii gonyiimah pumpot tei chii tangle, gonyiinii tinglang kareiki kani kahii poi nduibam takle.

TIILAMLWI KAPYIIMEI THA JUKAMATI 11:28

Sateichii ahnyii kak kito zei Agaba sii kalat mei hangninanii gungtu sat tosii, sazyii pouryii bamlyii hang kito tak kating gongtang takle katu tei rangii paikito tam mpat takle; sateichii ai ai Klodius haki aitiisii pat takle.

TIILAMLWI KAPYIIMEI THA JUKAMATI 2:16

nlenii ai ai Lungkaka- lingpii Joelnii tam kabam teile:

TIILAMLWI KAPYIIMEI THA JUKAMATI 2:18

Nle, sateichii goki kalei sapfiimei ninado goki kalei sapwimeihang phyiiryii teikii teitinglang hang kak kitei Gu rangii tei Inii rui m-mangpyii tangle; sateichii ahnyiinii Gusam saa mpat tangle.

TIILAMLWI KAPYIIMEI THA JUKAMATI 2:33

Teijangpiinii Saraa mah bah ajiilam pang teikii poisagoi kapyii taiswisii sateichii rangii kamateigo pyiitang lesii riishii tiikabam tei Pfii dato doukalu taiswisii, gonyiinii aitoi ngou kalei ninado shiikalei ai mpounii rui mpat pyiile.

TIILAMLWI KAPYIIMEI THA JUKAMATI 11:27

Sateichii toinii ai tinglang aihang aiki aito Jerosalem kito Lung- kakalingmei Antiyok ki tatliitle.