Biblia Todo Logo
Bib sou entènèt

- Piblisite -




TIILAMLWI KAPYIIMEI THA JUKAMATI 18:25 - KARANU KABI SAMTAM

25 Sapfii mpou aigo Saraa mah pwidi kito tampyii ralipyii bamtakle sateichii mpounii lungnhii gatsii Jisu mah kaang kito kidosu nkangdo supiinii tiigatpii ralipyiile, teitii kado mpounii Jon-nii dwi mpum kapyii teiroinii tile.

Gade chapit la Kopi




TIILAMLWI KAPYIIMEI THA JUKAMATI 18:25
27 Referans Kwoze  

Sateichii mpounii ahnyii dakii tamle, “Teitiileponii, gonyiigo kadapei kikii dwi mpum pyiipo?” Teito ahnyiinii tamle, “Jon mah dwi mpum kapyii kiteikii.”


Tha teisii tiilo sateichii mahatshyii sulo, lung matum madum pyiisii Saraa nga ngalo;


Teitinglang kaktei pwidi mah kaang kiteito kahung akoilat kamoi Ipisa kito pat tutakle.


Nlenii ahnyii mei kangkanii meihang doito pwidi mah kaang kiteito sam kashyii tamsanii lung katei ninado malum kasu kito mpounii ahnyii dateito tatpat tosanii, boumei gotei poitaam wosii sating kata Tairanius mah ki kadi kiteito sam kajyiisii bamle.


Bangpii mah pwidi swikalei sapfiimei godo sapwimei godo kata kangkago douwoleponii, ahnyiigo jum wosii Jerosalem kikii poigong katu mazhiitang karam jangpii Damaskas ki Jehudimei mah ndwi kito kalei mei dakii pyiitang karam mwija tei khangtakle.


Teito ahnyiinii mpouda gongsii tamle, “Madhiikapyiipii, nangnii kasang sam tam leile katu nyiinii tile, sateichii nangnii meigo kado hinglei makle, kadapokii nangnii kasana kasagoi julei makle, nlenii Saraa mah kasang pwidi tei Nangnii tam ralipyiile. Nyiigo tam pyiilo, Sijar-go aha kapyii ai ajai makpo? Nyiigo pyiilo manii pyii sulopo?”


Teipiinii gonyiigo tii-mbi- pyii matu tang karam jangpii, gonyii hangninanii hangninii dakii kama tei tam mpatsii hangninanii hangninii jangpii riita pyiilo. Kasang kama- jyiimei mah riita kakhang ki ai hangkapiinii katei teimaham tei leile.


Saryii katiimei kata hangni- naniido mpougo saryii tiimatu tang karam jangpii zei kaikapyiipii gotei dzyii karanga tiitang karam jangpii meida tiisii kalei mei machiimah tha hang kiteikii mpoupumgo poi nja leimakle.


Sapwi mpei ainii Pol ninado nyii tai swigong sanii saa mpatle, “Nyii dakii keikapyii kasaga karing mah pwidi tam ralipyiisii kalei mei hang ai sagoi kaki Saraa mah kikaleimeile.”


“Nang sara kashyii mah nah sapfii mpou! Nangnii kabi hang gotei ngouroule. Nang kashyii chem katham kathampii tokryiile sateichii nangnii Bangpii mah kasang ka- majyii pwidi hang gotei tii-nkhuisii kalei tei ntak lakpo?


Sateichii sam ai shii kalu meihangnii sateichii ha kahamei hangdo Jon dato dwi mpum wosii, Saraago kasang lesii lukai takle.


Sazyii kamarong kito saa kalei rok hangninii teinii, “Bangpii mah pwidi tiikadalo, mpou mah pwidi tiimajyiilo.”


Dapochiinii nangnii madhii kaluhang mah kasang tei tiwo kabui jangpiinii.


Sateichii mpounii Jehudimei mah ndwinito lungdisii tamtu takle, nlenii Prescilla ninado Akuilanii mpou samtei shii wosek-kii, ahnyiinii mpougo ki pang gongsanii Saraa mah pwidi tei nkangdosu kidosupiinii mpou dakii tiigatpii ralipyii takle.


Swiv nou:

Piblisite


Piblisite