TIILAMLWI KAPYIIMEI THA JUKAMATI 18:24 - KARANU KABI SAMTAM

²⁴ Sateichii Jehudimei hangninii Apollos sii kalat Alekjendriya kito kati kahai mei Ipisaki gongle, sateichii mpou ai kabi rasam kito tiigatpii katimei hangniniile.

TIILAMLWI KAPYIIMEI THA JUKAMATI 18:24 Referans Kwoze

TAITAS 3:13

Samtak katiipii Zinas nei Apollos go samah kado tam kasu tiimatu kasu tiisii ahnyii mah mbuitat tang karam pwidi ki teikii pang kapou pyiilo.

1 KORENMEI 4:6

Sateichii kangsanamei, gonyii mei kaniido mei hangninii jangpii kaki hangninii phyiiryiikii mazhii kasu tiisii detdilak tang karam jangpii, ryii kabam tei maju leimakle katu ai nyii gamto gonyiinii raliwo kabui jangpii, gonyii jangpii Inii gu gamkii sateichii Apollos gamkii nda tiileile.

1 KORENMEI 16:12

Aitoinii kangsanapii Apolos mah kaang kito, Inii mpougo kang- sanameigo kaswisii gonyiida gong matu tang karam jangpii teisii tam katwi bamle; nlenii aitoi toi gongtang karam tei mpounii maningsang maning makle, nlenii tinglang kabi tei dousekchii mpounii gong tangle.

1 KORENMEI 1:12

Inii tam kaleinii kadapokii, gonyii mei hangni hangninanii: “Inii Pol mahle,” mak-kii “Inii apolo mahle,” mak-kii “Inii Kaifas mahle,” mak-kii “Inii Krista mahlesii” tamle,

TIILAMLWI KAPYIIMEI THA JUKAMATI 6:9

Teito mpougo Jehudimei ndwiki kahaimei laat mpat kaleimei sii lat kalei, Siren kito kalung Jehudimei ninado Alekjandriya kito kalung Jehudimei, sateichii Silisiya kito kalei mei ninado Asia kito kalungmei teinii Stifan go kazyiitu takle.

KOLOSIMEI 3:16

Kristamah samtam tei gonyii lung kito moisii leimatulo, swirek kabi hang kito hangninanii hangniniigo ralipyiilo sateichii dwisii tiimajyii tiimatui pyiilo, sateichii Saraago tam kamatoi lhii, Saraago kamata lhii ninado rangii lhii hang- teipii gonyiihang lung kito Saraago hakalang katam teipii lhii tei tiilo.

2 KORENMEI 10:10

Kadapokii ahnyiinii tamle, “Mpoumah chiti hang teinii maswile sateichii teile, nlenii mpou- nii mpoumah pumzai pungsii nyiikak haikalei kak teinii, mpou ai suile, sateichii mpou samtam hangteinii samah kado makle.”

TIILAMLWI KAPYIIMEI THA JUKAMATI 27:6

Teiki teito saryiimei hai phyiiryiito apum katiipii teinii Itali ki katang hoitang karam Alekjendriya mei mah malyii hangninii dou wosii, nyiigo malyii teigam tei tong malu wotakle.

TIILAMLWI KAPYIIMEI THA JUKAMATI 7:22

Mpougo Izipmeinah mah swirek kabi hangtei ralipyiisii mpou ai samtam kito ninado atha kito kadi kathangmei hangninii tiiwole.

LUKNII KARYII KABI RASAM JUKAMATI 24:19

Teito mpounii mpoupiina dakii tamle, “Kada dapei pat tak khe?” Teito mpoupiinanii mpou dakii tamle, “Saraa doito meihang doito tha katii sateichii sam katam hang kito teimaham kabam, Lungkaka- lingmei hangninii tiisii kabam, Nazaret ki Jisumah kaang kitole;

METIU 13:52

Teito mpounii ahnyii dakii tamle, “Teijangpiinii sating gam sazyii jangpii ralikapyii doukalu ajaitingshang kati ojamei hangteinii mpoumah poi ka-ndwi ki shang kiteito pot kasatai ninado kaham poi mpatsii kalei ki apumpii hangninii takumle.”

TIILAMLWI KAPYIIMEI THA JUKAMATI 18:28

Kadapokii Jisu ai Krista teilesii mpounii kabi rasam paikito mangou pyiisanii meihang doito Jehudimei hangmah samtei tiigatpii tambang toi aitakle.

TIILAMLWI KAPYIIMEI THA JUKAMATI 18:19

Sateichii ahnyiinii Ipisa ki gong wosii mpounii ahnyiigo teibam kikii kai aitakle, nlenii mpoupum sek teinii Jehudimei mah ndwiki tei liit tosii Jehudimeigo sam kajyiitu takle.

TIILAMLWI KAPYIIMEI THA JUKAMATI 18:21

nlenii ahnyii datotat n-nou aisii “Saraanii kamaning teile pochiinii Inii gonyiida nlaigongkai tangle” sii tambam sanii mpounii Ipisa ki teito malyii gam tong wotakle.

TIILAMLWI KAPYIIMEI THA JUKAMATI 19:1

Apollosnii Koren kito kabam kak Polnii teiki sazyii longryii gam teito tatpatsii teimah baangmah sum teito tat majupatsii Ipisa ki gongle, teito mpounii boumei kang- kago kadou wole.