TIILAMLWI KAPYIIMEI THA JUKAMATI 18:18 - KARANU KABI SAMTAM

¹⁸ Sateichii Polnii teiki leimik kathangkii bamsanii kangsanameigo tat n-nousii Prescilla nei Akuilago kaswisii Sairiya ki katang malyii hoisii gongtakle. Mpoumah riishii hangninii kabam jangpiinii Kenkriya kito aphyiitaam kabiittoi aitakle.

TIILAMLWI KAPYIIMEI THA JUKAMATI 18:18 Referans Kwoze

TIILAMLWI KAPYIIMEI THA JUKAMATI 21:24

Ai sapfiimei ahnyiihang aigo pangsii ahnyiigo kaswisii nang roinapii tiimatei ailo, sateichii ahnyiinii ahnyii phyiitaitoi tang karam jangpii ahnyii mah pat kalei tei pung pyiilo; sateichii ahnyii dakii go kaang kito tam kalei samtei kasang makle, nlenii nangdo ajai- tingshang taiswisii ryiisii tat leile katu tei ahnyiihangnii titangle.

1 KORENMEI 9:20

Jehudi- meigo dou wokabui tiisii, Inii Jehudi- meigo kaswisii tha tiikalei kak, Inii Jehudimei hangninii takum takle; Moses mah ajaitingshang kangto nkangsii kaleimeigo Inii dou wokabui jangpii I-ai Moses mah ajaitingshang kang nkangmak kido, Moses mah ajaitingshang kangto nkangsii kalei- meigo Inii kaswisii tha tiikalei kak tei Inii ajaitingshang kang nkang katu takum takle.

ROMMEI 16:1

Kenkriya charsh kito Saraa nga ngakaleipei nyii taipwi Phoibigo gonyiinii kamateimei takumpii Bangpii zei kito lukai pyii matu tang karam jangpii Inii gonyii dakii tamleile;

TIILAMLWI KAPYIIMEI THA JUKAMATI 18:2

Sateichii mpounii Jehudimei hangninii Akuila sii kalat, Pontas ki mei hangninii kadou wotakle. Klo- diusnii Jehudimei hang kalei kaga Rom kito tat matutang karam jangpii kakhat kapyii jangpiinii mpou nou Prescilla go kaswisii mpounii Itali kito kagong tei thang makle; teito Polnii ahnyiida gong takle.

GALATIMEI 1:21

Teito Sairiya ninado Silisiya mah sazyii longkuihang kitei Inii gong takle.

TIILAMLWI KAPYIIMEI THA JUKAMATI 15:23

Sateichii aitiisii ryii wosii ahnyii bah kikii matat aitakle: “Nyii kangsanamei, tiilamlwi kapyiimei ninado kating- mei hangnii Antiyok, Sairiya ninado Silisiya kito kalei lui kakimei kangsanamei dakii salam tiileile.

TIILAMLWI KAPYIIMEI THA JUKAMATI 21:3

Sateichii nyiinii Kaipras tei ngou wosek-kii, tei tei abilamkii kai aisii Sairiya lam- pang hoigong sanii Tair ki khiitakle.

TIILAMLWI KAPYIIMEI THA JUKAMATI 18:26

Sateichii mpounii Jehudimei mah ndwinito lungdisii tamtu takle, nlenii Prescilla ninado Akuilanii mpou samtei shii wosek-kii, ahnyiinii mpougo ki pang gongsanii Saraa mah pwidi tei nkangdosu kidosupiinii mpou dakii tiigatpii ralipyii takle.

TIILAMLWI KAPYIIMEI THA JUKAMATI 15:41

Sateichii mpounii Charsh hang go tiisangting pyiisii Sairiya ninado Silisiya tat majusii tat tutakle.

METIU 4:24

Sateichii mpoumah zei katat tei Sairiya bamlyii hangki kahitu takle; sateichii ahnyiinii mpouda rakani- mei hang, ra katham kathampii goisii ninado tchiisii kalei, sara kashyiinii jum kalu, tai taipi katu, pumpei katai meihang go pang gong takle, sateichii mpounii ahnyiigo tii mbipyii takle.

MARK 6:46

Meimoi gotei Jisunii tat n-nousii mpounii riita tang karam jangpii zang hangniniiki tat tutakle.

TIILAMLWI KAPYIIMEI THA JUKAMATI 1:15

Sateichii leimik teihang kak kiteito, Pitarnii kangsanamei sumto tusat tosii tamle, (ndwi kalu meihang tei mei haisii makaikii kakumle.)

TIILAMLWI KAPYIIMEI THA JUKAMATI 18:27

Sateichii mpounii Akaiya ki katang tat majupat kanyii kiteito, kangsanamei hangteinii tam katwipyii sanii mpougo lukai pyii matutang karam jangpii ryiipyii takle. Sateichii mpounii gongtang wosek-kii, jumage kapyii kito malum kalumei hangteinii hang- kapiinii tiihale.

TIILAMLWI KAPYIIMEI THA JUKAMATI 21:23

Teipiinii nyiinii godakii katam ai tiiseilo, ahnyii roinapii riishii tiikabam nyiimei sapfiimei madai leile.