TIILAMLWI KAPYIIMEI THA JUKAMATI 17:7 - KARANU KABI SAMTAM

⁷ Ahnyii gotei Jasonnii lukaile, sateichii Jisu sii kalat sagong kaki hangninii leilesii ahnyii hang ainii Kaisor mah kakhatsam gotei swisu takle.”

TIILAMLWI KAPYIIMEI THA JUKAMATI 17:7 Referans Kwoze

LUKNII KARYII KABI RASAM JUKAMATI 23:2

Sateichii ahnyiinii mpougo kama luikaipyii sii tamle, “Ai sapfii mpou ai nyii luigo tiikarampou, Kaisor sagong dakii aha-kapyiigo kanam sateichii mpou roinapiinii Krista sagong lesii katam nyiinii kadoutakle.”

TIILAMLWI KAPYIIMEI THA JUKAMATI 16:21

ahnyiinii nyiimah ajaitingshangnii mazhii kasu hang ai tam ralipyiile; nyiinii Romki sazyii nahle sateichii nyiinii ajaitingshang hang ai lukai lakle ninado swiwo lakle.”

JONNII KARYII KABI RASAM JUKAMATI 19:12

Pailatnii ai shii wosek-kii, mpougo mpat aitang karam jangpii tiile, Nlenii Jehudimeinii saasii tamle, “Nang Kaisar kangpii makle; mpouroinapii mpougo sagong tiimatu katu mei hangteinii Kaisargo rangkapa meile.”

1 PITAR 2:15

Kadapokii kasang kabi katii teipii kapang kamangmei mah tikasu ngoukasu tei malhiisupiinii leimatu katu tei Saraamah kama- ning kamazhii teile.

LUKNII KARYII KABI RASAM JUKAMATI 10:38

Jisu ninado mpou boumeinii ahnyii pwidi tat leibangpii, mpounii ranam hangniniiki gong takle. Sateichii Martha sii kalat sapwimei hangninanii mpougo mpoupei kikii lat magong takle.

TIILAMLWI KAPYIIMEI THA JUKAMATI 17:5

Nlenii Jehudimei teinii meimhiitu takle sateichii meinii lukasu kaikashyiimei kak kiteito mei kashyii kashyii mei gotei poi ndwi wosii, mei ndwi kadi hangninii tiiwosii, namdi ki teito koi nrung tii-mpatsii ahnyiigo Jason kitei kumsii ahnyiigo meimoi doi poi mpat tang karam jangpii fiitu takle.

TIILAMLWI KAPYIIMEI THA JUKAMATI 17:8

Sateichii meihangtei nei teiki namdi kito apum katiimei hang teinii sam hang ai shii wosek-kii, akoira moitu takle.

JEMS 2:25

Sateichii tei takumpiinii karalu pwi Rahabnii sampao kapungmei gotei lukaipyiisii ahnyii gotei pwidi kaki hangninii kikii langtoi kapyii kito, tha teipiinii mpoupei godo tiimajyii pyiimakpo?