TIILAMLWI KAPYIIMEI THA JUKAMATI 17:32 - KARANU KABI SAMTAM

³² Teito kataimeinii ringkakhii kaang tei ahnyiinii shii wosek-kii kangkanii hoksii nuitu takle. “Nlenii kangkananii aikaang kito nyiinii nlai loisii godato shiitangle.”

TIILAMLWI KAPYIIMEI THA JUKAMATI 17:32 Referans Kwoze

TIILAMLWI KAPYIIMEI THA JUKAMATI 26:8

Kataimeigo Saraanii tiimaringpyiile katu ai gonyiinii kadajangpii malumpei wolaksii leipo?

TIILAMLWI KAPYIIMEI THA JUKAMATI 17:18

Sateichii Ipikoriya ninado stoik ki kati kahaimei mei kangkanii mpougo kajyiitu takle, sateichii mei kangkanii tamle, “Sampei katipii ainii kadapei tamleziikhe?” Kakimei teinii tamle, “Mpounii sazyii kakimah sara hang mah sam tam rali kapyiimei hangniniigo reile, kadaponii mpounii Jisu mah sateichii ringkakhii mah kabi rasam tei tam rali pyiile.

2 KORENMEI 6:2

Kadapokii Saraanii tamle: “Kamazhii tinglang kito Inii n-go shiipyiile sateichii n-go keipyii tang karam mah leimik tei gujangpii kagong kak Inii n-go tiihale.” Julo, aitoi kamazhii tinglangle; julo, keipyii tang karam mah leimik tei aitoile.

TIILAMLWI KAPYIIMEI THA JUKAMATI 25:19

Nlenii ahnyii mah kanat kanhii mah kaang kito sateichii ringziile sii Polnii katam tai kalei Jisu (sii kalat mei hangninii) mpou kaang kito ahnyiinii mpou phyiiryiikii siiset pat takle.

TIILAMLWI KAPYIIMEI THA JUKAMATI 24:25

Sateichii tingshang kabi mpouroinapii mpoupum pung kama- jyii mah Sateichii gong tang karam samtak katii kaang mpounii karashiipi tusek-kii, Felixnii hingsii khekalatle, “Aitoi jangpiinii nang tat tulo, sateichii Inii tinglang kabi dousekchii n-go lat tangle.”

TIILAMLWI KAPYIIMEI THA JUKAMATI 2:13

Nlenii mei kakimei teinii ka- malum mei gotei hoksii nuisii tamle, “Ahnyiinii jousak panhii takle.”

1 KORENMEI 4:10

Nyiinii Krista jangpii kamang meile, nlenii gonyiinii Krista dato kasakai meile; nyiinii kasuile, nlenii gonyiinii kateimeile; gonyiinii tam kamatoi doule, nlenii nyiinii ju kashyii tei doule.

TIILAMLWI KAPYIIMEI THA JUKAMATI 17:31

Kada- pochiinii mpounii kalai kalu sapfii mpou hangninanii sazyii pouryiigo kasang kito samtak tiitang karam leimik hangninii retbam takle. Mpou gotei kataimei kak kito tiimaring kapyii aipiinii meihang dakii malum kabui tei mpounii pyiibam takle.”

LUKNII KARYII KABI RASAM JUKAMATI 14:18

Nlenii ahnyii hangteinii adoidoi tiisii maga seilosii khangtu takle, hai kareipii teinii kikaleipii dateikii tamle, ‘Inii lu hangninii lyiibamle, teitei Inii maasii jutu tangle; lungsyiisii n-gu mpat seilo.’

1 KORENMEI 1:23

Nlenii Jehudimei jangpiinii pi kapaswi kuitu sateichii lui kakimei jangpiinii kapang kamang tiisii kalei, krosh gamkii dhangsii gikalei Krista mah kaang kito nyiinii tam ralipyiile.

TIILAMLWI KAPYIIMEI THA JUKAMATI 13:41

‘julo, he maning kamajaang mei, asungdo galo, gado gatulo, kadapokii tingnei Inii tiikalei ai ai mei kata hangninanii gonyiigo adoi doi tiisii tiigatpii tampyii kado gonyiinii malum lakle.’”

HEBRUMEI 13:13

Teijangpii nyiiniido mpoumah ka-nrou njai tei dou njoitang karam jangpii namki saba mpou datei tat tude.

HEBRUMEI 11:36

sateichii kakimei hang- teinii hoksii kanui ninado tingrang lak katu, sagyiirengpii kapei ninado kabang kikii bang katu tei leh wotakle.

LUKNII KARYII KABI RASAM JUKAMATI 23:36

Sateichii saryiimei teiniido patsii, kahengdwi pyiisaksii hoksii nuile,

LUKNII KARYII KABI RASAM JUKAMATI 23:11

Sateichii Herotnii mpou saryiimeigo kaswisii Jisugo maning malasii ninado hoksii nuisii mpougo sagong natkai kai malu wosii Pailat dakii lang mpatloi takle.

LUKNII KARYII KABI RASAM JUKAMATI 22:63

Sateichii Jisugo koi kaleimei teinii mpougo dzyii nuisii laakle;

TIILAMLWI KAPYIIMEI THA JUKAMATI 17:33

Aitiisii Polnii ahnyii kak kito tatpat takle.

1 KORENMEI 15:12

Aitoinii Kristago katai kito tiimaringpyii takle katu samtam tei tam ralipyii takleponii, katai kito ringkhii tang karam gasang galesii gonyii kak kito mei kangkanii kada takumpii tam wotangpo?