TIILAMLWI KAPYIIMEI THA JUKAMATI 16:15 - KARANU KABI SAMTAM

¹⁵ Mpoupeido mpou- peiki kalungmei hangniido dwi mpum kalutai mpoupeinii nyii dato khangle, “I-ai Bangpiigo kamalum meilesii gonyiinii maning leponii, guki gong bamseilo.” Sateichii mpoupeinii nyiigo tiigatpii haitakle.

TIILAMLWI KAPYIIMEI THA JUKAMATI 16:15 Referans Kwoze

TIILAMLWI KAPYIIMEI THA JUKAMATI 11:14

mpounii godakii sam tampyii tangle, sam mah paikito nangniido goki kalungmei hangniido keikapyii tei doutangle.

HEBRUMEI 13:2

Juti kasumeigo lung- kasyii mangoutang karam tei mangai sulo, kadapokii aitiisii mei kangkanii tisang tisupii sating gamlui hang go lukai takle.

TIILAMLWI KAPYIIMEI THA JUKAMATI 16:33

Sateichii teipiinei tinghum teitinglang sek teikii mpounii mpoupiinago pang wosii mpoupiimah tingrang jam tei shyii mateitoi pyii aitakle, sateichii teisek-kii mpoudo mpouki kalungmei hangdo dwi mpum wotakle.

LUKNII KARYII KABI RASAM JUKAMATI 24:29

Teipiinii mpou- piinanii mpougo hai katwumsii tamle, “Neigo kaswisii bam tulo, da- pochiinii tingkhiilam takle sateichii leimikdo ritakle.” teipiinii mpounii mpoupiinago kaswisii tei kito bam takle.

3 JON 1:8

Teipiinii kasang kito tha tii njoi katumei tiitang karam jangpii, tei kakum meigo nyiinii tiiha tang karamle.

3 JON 1:5

Lungkasyii gukangpii, nangnii kangsanamei dakii, routiisii juti kasu sabamei dakii tiikapyii kito ma- lum kabuita nangnii tiile;

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

PHILIMON 1:17

Teijangpii nangnii n-gu go kangpiilesii maningleponii, nangnii n-gu lukaipyii tang karam takum- piinii mpougo lukaipyiilo.

PILIPIMEI 1:7

Gonyiihang jangpii Inii aitiisii maning majyiile, kadapokii gonyiinii gulung kito leile, sateichii n-gu sagyiirengpii kapei tinglang kak, sateichii kabi rasam katam kito, saryii tiisii kadang kito, sateichii tiisangting katu, gonyii hangnii n-gu kaswisii jumage kati mah njai dou njoi katu meihangle.

IPISAMEI 1:1

Saraamah kamaning kito Jisu kristamah tiilamlwi kapyiimei I-Pol dato– Iphisas kito kalei kamateimei ninado Krista Jisugo njasii ahnyiimah tiilung kito lungsii kalei malum kabuimei dakii:

GALATIMEI 6:10

Tei- jangpii nyiinii tinglang kabi kadouta tei, meihang dakii ninado routiisii kamalum kito ki kalungmei hang- ninii tiisii kaleimei dakii nyiinii kabi tei tiide.

2 KORENMEI 12:11

Inii swikagamei hangninii takumpii tiisii leile, nlenii gonyiinii teitei n-gu tiirou kido tiimatule, kadaponii n-gu tam matoi tang karam sekle, kadapokii Inii samah kado mak kido, phyii kasat tiilamlwi kapyiimei hang doito Inii nkangsang nkang buimakle.

2 KORENMEI 5:14

Kadapokii Kristamah lungkasyii teipii nyiigo apum tiiwo takle; da- ponii nyiinii aitiisii malum wotakle katunii, meihang jangpii hangninanii taipyii takle, teipiinii hang ai taitakle.

ROMMEI 16:23

N-gu sateichii charsh hang go ki karhiini pyiisii kalei Gaiyasnii gonyiigo salam pyiileile, Namdi mah Sana kajumpii Irastas ninado nyii sanapii Kowartasnii gonyiigo salam pyiileile.

2 JON 1:10

Mei kata hangninanii gonyiida gongsii karali ai pung gongsu leponii, gonyiinii ahgo kikii lukai sulo, mak-kii ahgo salam kado pyiisulo.

TIILAMLWI KAPYIIMEI THA JUKAMATI 18:8

Sateichii Jehudimei mah ndwinito apum katiipii Krispasnii mpouki kalung- mei hang go kaswisii Bangpiigo malum wotakle, sateichii Koren kito kaleimei hangkanii shiiwosii malumdo malum takle dwido mpum wotakle.

TIILAMLWI KAPYIIMEI THA JUKAMATI 8:38

Teito mpounii takoi garyii tei sat tang karam jangpii kakhat takle, ninado Filipdo Ithopiyamei mi katupiido mpoupiinanii dwi kalei nitei hum wosii, mpounii mpougo dwi mpumpyii takle.

TIILAMLWI KAPYIIMEI THA JUKAMATI 8:12

Nlenii Filipnii Saraa mah sating sazyii ninado Jisu Krista mah zei kito kabi rasam tam ralikapyii tei ahnyiinii malum wosek-kii, sapwi- meido sapfiimeido ahnyii hang dwi mpum wotakle.

LUKNII KARYII KABI RASAM JUKAMATI 14:23

Sateichii Apumpii teinii ki kaleipii dateikii tamle, ‘namdi mah pwidi kadi kadi kito, sateichii pwidi kacheng kacheng kitei maasiinii guki ai tokryii kabui tiisii ahnyiigo gong matulo.

METIU 10:41

Lungkakalingmei hangni- niigo Lungkakalingmei lesii lukakai mei teinii lungkakalingmei hangninii mah alangh tei doutangle; sateichii kasang kamajyiimei hangniniigo kasang kamajyiimei lesii lukakaimei teinii kasang kamajyiimei hangninii mah alhang tei doutangle.

METIU 3:6

sateichii ahnyii mah kem hangtei tam mpatsii Jordan karyii kito ahnyiinii mpou dato dwi mpum wotakle.

TIILAMLWI KAPYIIMEI THA JUKAMATI 16:31

Teito mpoupiinanii tamle, “Bangpii Jisugo malumlo sateichii nangdo goki kalungmeido kaleikapyii tei doutangle.”

TIILAMLWI KAPYIIMEI THA JUKAMATI 16:34

Teito mpounii mpoupiinago mpouki pang gongsii mpoupiina doikii chiitang karam amah tei dungpyii takle, sateichii Saraa dakii malum wosii mpouki ka- lungmei hang go kaswisii hangkapii nta takle.