TIILAMLWI KAPYIIMEI THA JUKAMATI 15:32 - KARANU KABI SAMTAM

³² Satei- chii ahnyii pum sekpiiniido lungkakalingpii Judas nei Sailasnii kangsanamei gotei sam hangkii tamsii katwi pyiisii, ahnyiigo lung tiisangting pyiitakle.

TIILAMLWI KAPYIIMEI THA JUKAMATI 15:32 Referans Kwoze

TIILAMLWI KAPYIIMEI THA JUKAMATI 11:23

Mpounii gongsii Saraa mah ka- lungset tei ngou wosii ntale, sateichii ahnyiihang go lung sangtingsii Bangpii dato taksupii bam matutang karam mpounii tam katwipyiile.

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

TIILAMLWI KAPYIIMEI THA JUKAMATI 13:1

Sateichii Antiyok kito kalei Charsh datei Lungkakalingmei ninado ralikapyiimei: Barnabas, Niger sii kalat Simion ninado Sairen mpfii Lusiyas, sateichii Herot sagong mah samtak katiiki kahaipii Manaen ninado Sol tei leile.

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

1 PITAR 5:1

Teijangpii ting njoisii kaleimei hangninii tiisii, Kristanii kamage kalak kapungmah sakchyii ninado mati mangou tang karam pumtei kavamah njai dou njoitang karam Inii gonyii kak kito kalei kating- meigo khang leile,

2 TIMOTHI 4:2

Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,

1 TIMOTHI 2:1

Teijangpii karei reisang kito Inii tam katwi leile, katunii, nyiinii Saraago sadzyii ngariit tiisii sateichii koira gasii ninado majung makungsii lungtang karam jangpii,

2 THESOLONIKAMEI 3:12

Aitoinii tei kakum mei teinii majungsii tha tiisii mpou mpoumah malot chii matu tang karam jangpii, nyiinii ahnyiigo Bangpii Jisu Krista zei kito kakhatsii lung tiimadi leile.

1 THESOLONIKAMEI 5:20

Saraa sam tam ka-mpat tei ma- ning majang sulo.

1 THESOLONIKAMEI 5:14

Sateichii kangsanamei, nyiinii gonyiigo tam katwi leile, kamahat meigo mahat sulosii tampyii ralipyiilo, rangii kasuimeigo lung tiimadi pyiilo, kasuimeigo tiihalo sateichii ahnyiihang dato lungleh tilo.

1 THESOLONIKAMEI 4:1

Kalui kito, kangsanamei, gonyii- nii kada takumpii lung tangpo, sateichii kada takumpii Saraa dzyii karanga tiitangpo katu nyii dato gonyiinii doukalu takumpii, sateichii gonyiinii tiido tiisii kalei takumpii, gonyiinii kisii kisii tiimatu tang karam jangpii Bangpii Jisu zei kito nyiinii gonyiigo khangdo khang leile sateichii katwido katwi leile.

1 THESOLONIKAMEI 3:2

sateichii kamage kalak ainii mei kata hangninii godo tii nlai matu kasu tiisii, gonyiimah kamalum mah kaang kito tiisangting pyii matu katu sateichii gonyiigo tiiha matu tang karam jangpii nyii kangsanapii sateichii Kristamah kabi rasam katam kito Saraa tha tiisii kalei Timothigo lang magong leile;

1 THESOLONIKAMEI 2:11

Kadapokii gonyiinii tile, katunii Saraanii gonyiigo mpoumah sating sazyii kikii sateichii mpoumah pumtei kava kikii kapyiimah lung- kamajyii tiilung tei gonyiinii lung kabui jangpii,

IPISAMEI 3:5

Karei tinglang kinii aimah kama- kum ai meinah dakii tam makle, nlenii aitoinii teitei Saraanii rangii teipii mpoumah tiilamlwi kapyii kamateimei ninado doisam katam meihang dakii mati mangoupyii takle.

1 KORENMEI 14:32

Saraa sam tam ka-mpat mah luha tei kamwikapii kang nkang tang karamle,

1 KORENMEI 14:29

Sateichii Saraa sam saa ka mpatmei hangnanii mak-kii hang- tumnii, tam mpat matulo, sateichii ahnyiinii tam kalei tei mei kaki- meinii samtak tiimatulo.

1 KORENMEI 14:3

Nlenii Saraa sam tam ka-mpat ah teinii meinah dakii ahnyii jangpii tiikamakhii, lung tiikamadi sateichii lung tiisamou kapyii sam tam pyiile.

1 KORENMEI 1:8

Sateichii nyii Bangpii Jisu Krista mah leimik piinei gonyiinii kakui kama gatang karam jangpii mpounii gonyiigo kalui katang tei tiisangting pyiitangle.

ROMMEI 12:8

Meigo lung tiimaring tang karam mah leponii, nyiinii teitei tiitang karamle, meigo njaipyii kaleimei hangteiniido kamathii katu gasii tiitang karamle; apum tiitang karam mah teimaham kajum meihang teinii, teisii tha tiitang karamle, meigo lungsyii kapyii tha tiikamangou mei teiniido, nta ntasii tiitang karamle.

ROMMEI 12:6

Sateichii nyii dakii pyii kabam jumage kapyii taiswisii ka- taam kataam luha douwo kalu Saraa sam tam ka-mpat kado, nyiimah kamalum taiswisii tam mpatle;

TIILAMLWI KAPYIIMEI THA JUKAMATI 20:2

Sateichii mpounii sazyii teitui tat kagong kiteito ahnyiigo hangkapii tam katwipyii sanii mpounii Gris kitei gongtakle.

TIILAMLWI KAPYIIMEI THA JUKAMATI 18:23

Sateichii mpounii tinglang shangniikii teiki tei bamsanii tatpat takle, sateichii Galati ninado Phrugiya sazyiiki adoidoi tat gongsii boumei hang go lung tiisangting pyiile.

TIILAMLWI KAPYIIMEI THA JUKAMATI 15:41

Sateichii mpounii Charsh hang go tiisangting pyiisii Sairiya ninado Silisiya tat majusii tat tutakle.

TIILAMLWI KAPYIIMEI THA JUKAMATI 15:22

Sateichii ahnyii kangsanamei hang kak kito meinii adzyii ka-nrou- meigo, zei Barnabas sii kalat Judas ninado Sailas go, kalai mpat tosii Pol ninado Barnabas go kaswisii Antiyok kikii lang mpat tang karam ai Charsh hang, Tiilamlwi kapyiimei hang, ninado katingmei hangnii bitanglesii maning takle.

TIILAMLWI KAPYIIMEI THA JUKAMATI 15:1

Sateichii Judiya kito mei kangkanii tatliitsii “Moses mah ajaitingshang taiswisii tiigyii malem suleponii gonyiinii keikapyii kasaga karing tei doupei wolakle” sii kangsanamei dakii ahnyiinii tam ralipyii tutakle.

TIILAMLWI KAPYIIMEI THA JUKAMATI 11:27

Sateichii toinii ai tinglang aihang aiki aito Jerosalem kito Lung- kakalingmei Antiyok ki tatliitle.

TIILAMLWI KAPYIIMEI THA JUKAMATI 2:40

Sateichii kaki kaki sam hang- kapiiniido mpounii sakchyii pyiile, nyiigo katwido katwikai pyiisanii tamle, “Kashyii lung kapung aiha ki aito mpou mpou roinapiinii keiwolo.”

LUKNII KARYII KABI RASAM JUKAMATI 11:49

Teijangpiinii Saraa mah swirek kabi teinado tamle, Inii ahnyii dakii gu mah lungkakalingmei ninado tiilamlwi kapyiimeigo langkai pyii- tangle, sateichii ahnyiinii ahnyii mei chengniikii gonii gitoi tangle sateichii kangkiigo kaset kalak pyiitangle;

METIU 23:34

Teijangpii Inii gonyii dakii tam leile, Inii gonyii dakii Lungkakalingmei, kati kangoumei ninado ajaitingshang kati ojameigo lang magong tangle, ahnyii mei kangkago gonyiinii gitangle, sateichii Krosh gamkii dhangsii gitangle sateichii kangkagonii gonyii mah ndwibam hang kito kache chesii pyiitangle, sateichii namdi hangninii kito hangninii kikii baakai tangle.

TIILAMLWI KAPYIIMEI THA JUKAMATI 15:3

Teijangpii Charshnii ahnyiigo pwidikii lang mpatsii, luikaki meinii lungkali kalu samtei tamsii tamsii ahnyiinii Phonisiya ninado Samariya sazyiiki tat majupat takle, sateichii kangsanamei hang go hangkapii tii ntapyii takle.

TIILAMLWI KAPYIIMEI THA JUKAMATI 15:27

Teijangpiinii nyiinii Judas nei Sailas go lang leile; ahnyii pum sekpiiniido gonyii dakii mah hangtei mwipiinii tampyii tangle.

TIILAMLWI KAPYIIMEI THA JUKAMATI 15:31

Sateichii ahnyiinii tei tei fiiwosii, lung tiimadi kapyii jangpiinii nta takle.