TIILAMLWI KAPYIIMEI THA JUKAMATI 15:25 - KARANU KABI SAMTAM

²⁵ nyiinii lungswi hangninii tiisii meigo kalai mpat tosii, nyii Bangpii Jisu Krista mah zei jangpii tiilung pyiitoi kalei,

TIILAMLWI KAPYIIMEI THA JUKAMATI 15:25 Referans Kwoze

2 PITAR 3:15

Sateichii nyii Bang- piimah lung leh kati tei keikapyii karing lesii poi wolo. Tei takumpii lungkasyii nyii sanapii Polniido mpou dakii pyii kabam swirek kati taiswisii, gonyii dakii ryiipyii takle. Mpoumah chiti karei hang ki kado aimah kaang kito mpounii tam kalei tei aile.

TIILAMLWI KAPYIIMEI THA JUKAMATI 15:22

Sateichii ahnyii kangsanamei hang kak kito meinii adzyii ka-nrou- meigo, zei Barnabas sii kalat Judas ninado Sailas go, kalai mpat tosii Pol ninado Barnabas go kaswisii Antiyok kikii lang mpat tang karam ai Charsh hang, Tiilamlwi kapyiimei hang, ninado katingmei hangnii bitanglesii maning takle.

TIILAMLWI KAPYIIMEI THA JUKAMATI 15:2

Teito Pol nei Barnabasnii hangkapii hungsii sam kajyii katu kito sam kajyiisii kalei aikaang ki aito Pol nei Barnabas ninado ahnyii kak kito mei kangkago Jerosalem kikii Tiilamlwi kapyiimei ninado katingmeigo maa kadou matu tang karam jangpii kalai wotakle.

TIILAMLWI KAPYIIMEI THA JUKAMATI 1:14

Ahnyiihangnii sapwi- meigo, Jisu pwi Merigo sateichii mpou sanamei hang go kaswisii lungswi hangninii tiisii kariita tei taksupiinii lungliitsii bamle.

LUKNII KARYII KABI RASAM JUKAMATI 1:3

Teipiinii teimaham kadipii, pat kaleihang ai Inii karei reisang kito ti kalu taiswisii, Inii gojangpii adoidoi tiisii ryiikapyii ai bitanglesii ma- ningle.

PHILIMON 1:16

Aitoinii kikaleimei hangninii takumloi supii- nii, kikaleimei sung kaki lungkasyii kangsanapii hangninii tiisii routiisii gudato, nlenii godatonii pumzai kitodo, Bangpii zai kitodo, kadazii- kapii kisii lungkasyii tei tiitakpo.

KOLOSIMEI 4:9

Gonyii kak kito mei hangninii tiisii kalei, malum kabui ninado lungkasyii sanapii Onesimas go kaswisii mpougo lang magong leile. Ai kito pat kalei mahlyiihang mah nha hangtei ahnyiinii gonyii dakii tampyii tangle.

KOLOSIMEI 4:7

Abangpiimah tha kito malum kabui tha tiisii kalei sateichii kaswisii kikaleimei hangninii tiisii kalei, lungkasyii nyii sanapii Taichi- kasnii gumah nha hangtei gonyii dakii tam mangou tangle.

IPISAMEI 6:21

Sateichii gonyiiniido I-kada takumpiinii leipo katu titang karam jangpii, Bangpii zei kito malum kabui tha katii ninado kamanang lungkasyii Taichikasnii gonyii dakii matum madum tam matipyii tangle.

GALATIMEI 2:9

guda pyii kabam jumage kati tei ki kachenglesii zei katat Jakob, Kaifas, ninado Jon nii ngou wosek- kii, nyiinii Jehudimei kasu luika- kimei dakii sateichii ahnyiinii tiigyii malem kaleimei dakii tat tang karam jangpii, gudakiido Barnabas dakiido, ahnyiinii ndwi hangninii tiikalumah bah ajiilamtei pyiitakle.

1 KORENMEI 1:10

He kangsanamei, gonyii hang- ninanii hangniniigo mazhiisii bamle, sateichii gonyii kak kito njairiit-riit katu tei galo, nlenii njoi katu kamaning lungswi ninado njoikatu tiitang karam kaang kiteito gonyii- hang kangkii tiisii njalosii, nyii Bangpii Jisu Krista zei kito Inii gonyii dato khang leile.

ROMMEI 16:12

Bangpii zeikito tha tiisii kalei- mei pwi Triphina ninado Triphosago salam pyiileile. Abangpii zei kito teisii tha tiikapyiipei lungkasyii Parsis go salam pyii leile.

TIILAMLWI KAPYIIMEI THA JUKAMATI 15:35

Nlenii Pol nei Barnabasnii mei kakimeigo kaswisii Antiyok kito Bangpii mah kabi rasam ralipyiisii ninado tam ralipyiisii bam takle.

TIILAMLWI KAPYIIMEI THA JUKAMATI 15:6

Teito Tiilamlwi kapyiimei nei katingmeihang tei sam aikaang ki aito karashii njoitang karam jangpii ndwi wotakle.

TIILAMLWI KAPYIIMEI THA JUKAMATI 2:46

Sateichii sating kata Saraa kamaning kilungto lungswi hangninii tiisii taksupii nduisii, mpou mpou kito tiirok tiiraksii ahnyiinii ntasii ninado lung rangasii mah chii njoile.

TIILAMLWI KAPYIIMEI THA JUKAMATI 2:1

Pentikos piinei leimik tei gongsek-kii, kamalum meihang teinii bam hangninii kito gong nduiwo takle.

METIU 11:26

Nle, gu Pfii, Kadapochiinii aipiinii go mikjot kito kasaat teile.