TIILAMLWI KAPYIIMEI THA JUKAMATI 15:20 - KARANU KABI SAMTAM

²⁰ Nlenii ahnyiinii tingtugo pyiikatoi matei kasu pot tei chiilak tang karam jangpii; ahnyiinii masung mahalak tang karam jangpii, sateichii zai mpat supiinii tiitat kalei kounah ninado ajai kachii aihangki aito mpat tang karam jangpii nyiinii ahnyii dakii ryiile.

TIILAMLWI KAPYIIMEI THA JUKAMATI 15:20 Referans Kwoze

TIILAMLWI KAPYIIMEI THA JUKAMATI 15:29

katunii Saraa dakii pyiitoi kalei amah, ajai kachii, azai mpat supii tiitat kalei kounah ninado sapwimei sapfiimei kashyii kahong tha katii hang aikito gonyiinii mpaa kalu bile; gonyii roinapiinii aihangki aito swiwo lepochiinii, gonyii mah kabi tei tangle; gonyii sadoi bimatulo.”

MATIMANGOU KAPYII 2:20

Nlenii go phyiiryiikii Inii mazhii karou aile, katunii, Mpouroinapiinii lungkaklingpeisii kalat sapwi mpei Jezabelgo nangnii mazhii wotakle, sateichii mpoupeinii goki kaleimeigo sapwimei sapfiimei kashyii kahong tha tiimatutang karam jangpii sateichii tingtu param dakii karat toi kalei kachiipot gotei chiimatu tang karam jangpii kasang kasu tamsii hem wole.

MATIMANGOU KAPYII 2:14

Nlenii go phyiiryiikii Inii mazhii karou chengniikii leile: gonyii kak kito mei kangkii Balam mah karali taiswisii, tingtu paramgo pyiitoi kalei chiitak tei ahnyiinii chiimatu tang karam jangpii sateichii sapwimei sapfiimei kashyii kahong tha tiimatu tang karam jangpii Isrelmeinah doikii sadoi kashyii ai kai matutang karam jangpii Balakgo ralipyii takle.

TIILAMLWI KAPYIIMEI THA JUKAMATI 21:25

Nlenii malum kalu lui kakimei kaang kito, Saraa dakii pyiitoi kalei pot, azai kachii, azai mpatsupii tiika- tat kamyii ninado sapwimei sapfiimei kashyii tha katii hang kito ahnyiinii mpou mpou roinapiinii mpaa matu tang karam jangpii nyiinii samtak tiisii larek ryiipyii aitakle.”

1 KORENMEI 6:18

Sapwimei sapfiimei kashyii kahong tha katii kito pakpat wolo. Meinahnii katii kem hangtei pumpou tole; nlenii sapwimei sapfiimei kashyii kahong tha katii ah teinii ahroinapii ah pumpotgo mazhii kasu tiisii kem tiile.

1 KORENMEI 6:9

Kasang kamajyii tha tiikasumei teinii Saraamah sating sazyii doulakle katu gonyii timakpo? Maningma sulo; kashyii kahong tha katii mak-kii, tingtugo kamata, mak-kii mashung kamaha, mak-kii pwimei pfiimei meijai tiikasu,

MATIMANGOU KAPYII 9:20

Sateichii Saraa rahum aihang ainii tiirang kasu mashak kalei meihang tei ahnyii bahpiinii katii tha hang kiteito lung kalimakle, mak-kii ngoudo ngoukasu shiido shii kasu, tatdo tatkasu, sona mah, sanah raguibamah, maikateeng kuitumah, kuitu ninado tingmah, tingtumah param hang go ninado sara kashyii hang go riitasii kalei tei toimakle;

1 PITAR 4:3

Jehu- dimei kasu lui kakimeinii kamarei hangtei tat tukalei tinglang kareiki gonyiinii tiikalei teipiinii buitakle. Dapokii matei kasu, pumzaimah kamarei ka-ntha, jousak kapanhii, meinah jai tiikasu, kajoushii katu, ninado ka-nraang tingtumah param hang go kamata kito gonyiimah tiilung tei lungtoi aitakle.

HEBRUMEI 13:4

Kalakna katii ai meihangnii dzyiirou tang karamle, sateichii kalakna katii zyii tei hong matu sulo. Kadapokii sapwimei sapfiimei kashyii kahong tha katii ninado masung maha katumei hang go Saraanii samtak tiitangle.

1 THESOLONIKAMEI 4:3

Saraanii gonyiigo mateisii sateichii sapwimei sapfiimei kashyii kahong tha katii kito sajek gasii lung matunyiile; katunii, (matei kasu kiteito gonyiinii mazhii sulo.)

KOLOSIMEI 3:5

Teijangpii gonyii lungto sazyii pouryiimah kamaning kamarei tha tiisii kalei, katunii, sapwimei sapfiimei kashyii kahong tha katii, matei kasu, matei kasu marai majang katii, kashyii go kamarai sateichii lukanyii (ai tingtugo kamaning mahjai hangniniile) gotei tiitat ailo.

IPISAMEI 5:3

Gonyii ai Saraago kamalum mei katu taiswisii, sapwimei sapfiimei mah kashyii kahong tha katii, mak-kii matei kasu, mak-kii lukanyii mah samlat katangdo tamlak tang karamle.

GALATIMEI 5:19

Pum zaimah tha hangteinii aitiisii matitu leile: sapwimei sapfiimei kashyii kahong tha katii, matei kasu, mei jaitingshang kasu,

1 KORENMEI 8:1

Aitoinii tingtugo pyiitoi kalei chiitak mah kaang kito; “Nyii- hang ai swirek kati leile,” katu nyiinii tile, “swirek kati” teipii det tiimatule, nlenii lungkasyii teipii tiimakhiile.

1 KORENMEI 7:2

Nlenii sapwimei sapfiimei kashyii kahong tha katii mah kahem kalei jangpii sapfiimei hangnii mpou mpou nou bam tang karamle sateichii sapwimei hangnii mpoupei naa nsang nsang bam tang karamle.

1 KORENMEI 5:11

Nlenii Inii gonyii dakii ryii kapyii teinii Krista zei kito kangsanapii lesii lat kaleimei kata kangkanii; kashyii kahong tha tiisii, mak-kii kadi chii nyiisii, mak-kii ting tugo matasii, meigo satui sadzyii tiisii, jou sak panhiisii mak-kii ragasii lei le leponii, tei kakum mei gotei kajasulo katu roi- supii mah kachii katangpii kaswisii chii sulo siile.

MATIMANGOU KAPYII 10:8

Sateichii sating gamto Inii shiikalu rok teinii nlailoisii n-gu tamloile, “Tat tulo, dwijai ninado sazyii pouryiito sat kalei sating gamluimah bah kito laat kabam larek tei poi wolo.”

MATIMANGOU KAPYII 10:2

Sateichii ahmah bah kitei laat kabam larek kacheng hangninii leile, sateichii ahmah pi ajiilam tei dwijai kikii, sateichii abilam teinii sazyii gamkii kaibamle;

HEBRUMEI 12:16

Sateichii mei kaniido sapwi- mei sapfiimei kashyii kahong tha katii, mak-kii mpou nah katingpiinii doukamajyii tei malot hangniniipii joitoi kalei, Isau takumpii matei kasu mei tei gamatu tang karam jangpii tiigatpii juwolo.

2 KORENMEI 12:21

Inii nlaikai gong katu tinglang kak, gu Saraanii gonyii doito n-gu tii-nrou- pyii loisii, asung kareiki kem tiisii ahnyiinii tiikabam, matei kasu, kashyii kahong tha katii sateichii sapwimei sapfiimei kashyii kahong tha katii kito lungkali kasu ahnyiihang jangpii Inii lung magesii hat tang karam tei Inii hingle.

1 KORENMEI 6:13

Mei kangkanii tam tangle, “Chiitak ainii moi jangpiile, sateichii moi ainii chiitak jangpiile.” Nle kasangle, nlenii hangna gotei Saraanii tiimaga tangle. Apum ainii sapwimei sapfiimei kashyii kahong tha tiitang karam jangpiinii makle, nlenii Bang- piigo nga ngatang karam jangpiile; sateichii Bangpiinii pumpot jangpii pyiichiile.