TIILAMLWI KAPYIIMEI THA JUKAMATI 14:23 - KARANU KABI SAMTAM

²³ Sateichii ahnyiinii malot karyii ninado kariita njasii Charsh hang kito ahnyii jangpii katingmei hang kalai mpatpyii kaleitai, ahnyiinii kamalum Bangpii dakii ahnyiinii ahnyiigo pyii aitakle.

TIILAMLWI KAPYIIMEI THA JUKAMATI 14:23 Referans Kwoze

TAITAS 1:5

Kaang aijangpiinii tangkasu hangtei nangnii adoidoi tiisii tiimajyii matutang karam jangpii sateichii namdi hang kito Charshmah katingmei bam tei kalai matutang karam jangpii Inii n-go Kret kikii kaibamle; Gumah ralikapyii hangtei maninglo, katunii.

TIILAMLWI KAPYIIMEI THA JUKAMATI 11:30

Ai ai ahnyiinii tiitakle sateichii Barnabas nei Sol bahpii teitei katingmei bah kikii mpot magongpyii aitakle.

JEMS 5:14

Gonyii kak kito mei kata kangkii ranisii leimanii? Ahnii Charsh ki kating- meigo lat matulo, sateichii ahnyiinii Bangpii zei kito thao manuk pyiisii, ah phyiiryiikii riita kaipyii matulo.

2 TIMOTHI 2:2

Sateichii sakchyii meihangkii doito nangnii gudato shiikalu tei mei kakimei dakiido ralipyii kabuimei dakii tiilosii tampyiilo.

TIILAMLWI KAPYIIMEI THA JUKAMATI 20:32

“Sateichii aitoinii Inii gonyiigo Saraa dakii ninado mpou mah jumage kapyii mah samtam kikii pyiitoi leile; samtam aipiinii gonyiigo tiikamakhii ninado tiimatei kaleimei ahnyii hang kak kito dou kamajyii tei gonyii dakii pyii wobuile.

1 TIMOTHI 5:22

Mei hangninii phyiiryii kado kalangsii bah poikaipyii sulo, mei kakimeimah kem hangmah njai teido dou njoisulo, go roinapii n-go matei sageisii mbamlo.

TIILAMLWI KAPYIIMEI THA JUKAMATI 20:17

Sateichii Miletas kito Ipisa kikii mei lang magongsii Charsh ki katingmei hang go mpou dakii lat magong takle.

3 JON 1:1

Kating tiisii kalei Inii kasang kito lungkasyii Gaiyas dakii ryii leile.

2 JON 1:1

Kalai kalu sapwi mpei ninado mpoupei nahmei dakii kating tiisii kalei Inii ryii leile. Inii gonyiigo kasang kito lungsyiile, sateichii I-roinii makle, nlenii kasang tikalu meihangnii dole.

1 PITAR 5:1

Teijangpii ting njoisii kaleimei hangninii tiisii, Kristanii kamage kalak kapungmah sakchyii ninado mati mangou tang karam pumtei kavamah njai dou njoitang karam Inii gonyii kak kito kalei kating- meigo khang leile,

1 TIMOTHI 5:1

Katingmeigo n-gisulo, nlenii mpougo go pfii takumpii, sapfiimei karanumeigo gosanamei takumpii,

TIILAMLWI KAPYIIMEI THA JUKAMATI 15:6

Teito Tiilamlwi kapyiimei nei katingmeihang tei sam aikaang ki aito karashii njoitang karam jangpii ndwi wotakle.

TIILAMLWI KAPYIIMEI THA JUKAMATI 15:4

Sateichii ahnyiinii Jerosalem ki gongtang wosek-kii, lat mpat kalumei, Tiilamlwi kapyiimei ninado katingmei hangteinii ahnyiigo lukai wotakle, sateichii Saraanii ahnyiigo kaswipyii sanii tiikalu atha hangtei ahnyiinii tampyii takle.

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

TIILAMLWI KAPYIIMEI THA JUKAMATI 15:23

Sateichii aitiisii ryii wosii ahnyii bah kikii matat aitakle: “Nyii kangsanamei, tiilamlwi kapyiimei ninado kating- mei hangnii Antiyok, Sairiya ninado Silisiya kito kalei lui kakimei kangsanamei dakii salam tiileile.

TIILAMLWI KAPYIIMEI THA JUKAMATI 14:26

Teito ahnyiinii tiimasang kalu atha jangteipii Saraa mah kalungset kito ahnyiigo pyiika- bam Antiyok sazyii ki tei malyii hoisii gongtakle.

TIILAMLWI KAPYIIMEI THA JUKAMATI 1:22

nyiigo kaswisii bangpii Jisunii tatpat tatliitsii tinglang kaleihang kito nyiigo kaswisii tat kaleimei sapfiimei kak kito mei hangninanii nyiigo kaswisii mpounii ring kakhii mah sakchyii tiitang karamle.”

LUKNII KARYII KABI RASAM JUKAMATI 23:46

Jisunii rok sagoisii saasii tamle, “Pfii-o, gobah kikii gu rangii pyii aitakle!” aitiisii tamsii mpounii tai takle.

MARK 3:14

Sateichii mpounii keariisiinakhiigo kalai wole, Abang- piinii ahnyii dakii tamle, “N-gu kaswitang karam jangpii gonyiigo kalai wotakle.” “Inii gonyiigo kabi rasam tam tat matutang karam jangpii lang mpat tangle.

LUKNII KARYII KABI RASAM JUKAMATI 2:37

sateichii tingkum reksiisatsii madai nkhii katang ai kamipwimei hangninii tiisii mpoupeinii Saraa kamaning kitei toimakle, tinghum tingna malo- tryiisii riitasii bam leile.

TIILAMLWI KAPYIIMEI THA JUKAMATI 1:24

teito ahnyiinii riitasii tamle, “Meihang mah kamaning lungswi tisii kalei he Bangpii, Judasnii mpou bamki gong- tang karam jangpii, anga ngatang karam ninado Tiilamlwi kapyiimei hangninii bam ai matou aitakle.”

2 KORENMEI 8:19

Sateichii tei roinii makle, nlenii Bangpiimah pumtei kava jangpii sateichii nyiinii tiiha kanyii tei mangou tang karam jangpii, lungkasyii tha ai nyiinii tiipat tang karam kito nyiigo ka- swisii tat tang karam jangpii mpougo charsh hangnii kalai wotakle.

METIU 17:21

Nlenii aikakum ai Saraa go kariita ninado malot karyii teipii supiinanii patsang patlakle.”