TIILAMLWI KAPYIIMEI THA JUKAMATI 14:22 - KARANU KABI SAMTAM

²² Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

TIILAMLWI KAPYIIMEI THA JUKAMATI 14:22 Referans Kwoze

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

2 TIMOTHI 3:12

Krista Jisu dato Saraa kamaning tiilung lung kanyiimei hang gotei kaset kalak pyiisii tiikamage tangle,

JONNII KARYII KABI RASAM JUKAMATI 16:33

Gonyiinii gudato kamajung tei doumatu tang karam jangpii samhang ai Inii gonyii dakii tam takle. Sazyii pouryiito gonyiinii kamage kalak doule, nlenii ntatulo, sazyii pouryiigo Inii ngamwo takle.”

ROMMEI 8:17

Sateichii Saraa nahmeile ponii mahtou katoumeido takle, mpougo kaswisii nyiinii pumtei kava tei dou njoitang karam jangpii Kristago kaswisii nyii kamage kalak pung njoi leponii, Saraa mahtou katoumei sateichii mpougo njoisii mahtou katoumei takle.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

2 TIMOTHI 1:8

Nyii Bangpii jangpiinii sakchyii kapyii tei nrou sulo mak-kii Krista jangpiinii kabangki kaleimei tiisii kalei gujangpii nrou sulo nlenii Saraamah teimaham taiswisii kabi rasam jangpii kamage kalak tei leh njoipyiilo.

TIILAMLWI KAPYIIMEI THA JUKAMATI 18:23

Sateichii mpounii tinglang shangniikii teiki tei bamsanii tatpat takle, sateichii Galati ninado Phrugiya sazyiiki adoidoi tat gongsii boumei hang go lung tiisangting pyiile.

METIU 10:38

Sateichii Ah-mah krosh poimatusii gutai swikasu ah teinii gutai kaswimei tiitang karam akajyiimakle.

MATIMANGOU KAPYII 7:14

Inii mpou dakii tamle, “Oja, nangnii tile,” sateichii mpounii gudakii tamle, “Ahnyii hang teinii kamage kalak kadi kiteito pat kalumei teile, sateichii ahnyiimah paijou kathang tei shyii mateisii jaonah mah zai kito tiimaha aitakle.

2 PITAR 1:11

Kadapokii aitii- sanii nyiimah Bangpii ninado nyiigo keikapyiipii Jisu Kristamah kalui kaga sagong sazyiiki liit tang karam majyii tei gonyiigo pyiitangle.

TIILAMLWI KAPYIIMEI THA JUKAMATI 9:16

Kadapokii mpounii guzei jangpii kadaziika kamage kalak leh tangle katu tei Inii mpou dakii matipyii tangle.”

1 KORENMEI 1:8

Sateichii nyii Bangpii Jisu Krista mah leimik piinei gonyiinii kakui kama gatang karam jangpii mpounii gonyiigo kalui katang tei tiisangting pyiitangle.

TIILAMLWI KAPYIIMEI THA JUKAMATI 15:41

Sateichii mpounii Charsh hang go tiisangting pyiisii Sairiya ninado Silisiya tat majusii tat tutakle.

TIILAMLWI KAPYIIMEI THA JUKAMATI 15:32

Satei- chii ahnyii pum sekpiiniido lungkakalingpii Judas nei Sailasnii kangsanamei gotei sam hangkii tamsii katwi pyiisii, ahnyiigo lung tiisangting pyiitakle.

LUKNII KARYII KABI RASAM JUKAMATI 24:26

Krista teinii kamage kalak hang ai lehsanii, mpou mah pumtei kava kitei liit kajyii makpo?”

METIU 16:24

Teito Jisunii mpou boumei dakii tamle, “Mei kata hangninanii gutai swinyii leponii, mpounii mpouroinapii mpougo mazhiisu matulo sateichii mpounii mpoumah Krosh tei poi ma- tusii gutai swi matulo.

TIILAMLWI KAPYIIMEI THA JUKAMATI 11:23

Mpounii gongsii Saraa mah ka- lungset tei ngou wosii ntale, sateichii ahnyiihang go lung sangtingsii Bangpii dato taksupii bam matutang karam mpounii tam katwipyiile.

JONNII KARYII KABI RASAM JUKAMATI 15:20

Kikaleimei teinii ahmah apumpii sung kisii dibwi maklesii Inii gonyii dakii tam katu samtei maning gonglo, ahnyiinii n-gu tiikamage leponii; gonyii godo tiikamage tangle, ahnyiinii gusam swileponii, gonyii samdo switangle.

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

JUD DATO KAGONG CHITI JUKAMATI 1:3

Lungkasyiimei, kamalum mei- hangnii dousii kalei Kristenmei mah kamalum, keikapyii karingmah kaang kito gonyii dakii Inii chiti ryiinesii tiidasii leile. Nlenii Saraanii mpoumah meihang dakii pyii kabam gakalak kamalum jangpii saryii tiimatu tang karam jangpii gonyiigo lung tiimadi tang karam jangpii ryiisu kashyii ai aitoisekkii Inii kadou takle.

1 THESOLONIKAMEI 3:13

Aitiisii nyii Bangpii Jisunii mpoumah kama- teimei hang go kaswisii kagong ki, nyii Pfii Saraa doito mpounii gonyiigo sajek gasii kamatei kito tiisangting pyiitangle.

TIILAMLWI KAPYIIMEI THA JUKAMATI 13:43

Sateichii Jehudimei mah ndwibam kito ndwi kalei mei tei tat n-noupat sek-kii, Jehudimeido, Jehudimei kanat kajum Saraago kamaningmeido meihang kanii Pol ninado Barnabas tai swiwo takle; ahnyiinii ahnyiigo karashii sii Saraa mah kalungset kito tiigatpii bamtang karam jangpii ahnyiigo tam katwipyii takle.

TIILAMLWI KAPYIIMEI THA JUKAMATI 6:7

Sateichii Saraa mah sam tei dipat tutakle ninado Jerosalemto boumei tei hangkapii moibuibuitu takle sateichii kanat kanhii kajum Atingmei hangteinii kamalum kito sam swile.

MARK 10:30

mpounii toi tinglangki kaset kalak dou katu njasii kihang, tai karhii sungka- tingmei, taipwimei, pwi-pfii ninado luhang njai haikii, sateichii gongtang karam tinglang ki kalui kaga karing tiilung doutangle.

MARK 9:47

Sateichii gomik hangninanii n-go kem tiimatusii lei lepochiinii, go-mik tei lat toi ailo; gomik hangna pungsii mibam kikii toikai kalei sungnii mik-lipii Saraa mah sating sazyii bamki liit kalu teinii gojangpii bibwile.

JONNII KARYII KABI RASAM JUKAMATI 3:5

Jisunii khekalatle, “Inii godakii kasangpii tam leile, mei kata hang- ninanii dwi ninado rangii kito manaa kasutanii ahnii Saraa mah sating sazyii kitei liitpei wolakle.

METIU 19:24

Nlailoisii Inii gonyii dakii tam leile, mah kanimei hangninanii sating gam sazyiiki liit tang karam sungnii poutungki kounah hangninanii mahum-mi kito joupat katu teinii malabwile.”

JONNII KARYII KABI RASAM JUKAMATI 15:18

“Sazyii pouryiinii gonyiigo ngourou leponii, gonyiigo ngourou kasunakii n-gu ngourou takle katu gonyiinii tilo.

TIILAMLWI KAPYIIMEI THA JUKAMATI 11:26

Sateichii mpounii ahgo kadou wosek-kii, Antiyok ki pang gongtakle, sateichii ahnyiinii tingkum hangninii katang tei Kristanii latkalumei hang go kaswisii hangninii tiisii ndwisii, meihang go tam ralipyiile, sateichii Antiyok kito Boumeigo karei reisang tiisii Kristen sii latle.

TIILAMLWI KAPYIIMEI THA JUKAMATI 11:29

Sateichii Judiya kito kalei kangsanameigo meihangpii mpou mpounii kangam taiswisii tiiha kamaga matutang karam jangpii boumei teinii raangsii maning wotakle.

TIILAMLWI KAPYIIMEI THA JUKAMATI 14:20

Nlenii Boumei teinii mpou kuto gong ndwiwo sek-kii, mpounii gungtu sat tosii namdi kitei liit takle sateichii supounei kakum kiteito Barnabas go kaswisii Derbe sazyiiki tat tutakle.

TIILAMLWI KAPYIIMEI THA JUKAMATI 14:28

Sateichii ahnyiinii boumei hang go kaswisii tinglang kathangkii bam takle.

PILIPIMEI 1:29

Kadapokii gonyii- nii Krista zei kito kamalum teiroi supiinii, mpou jangpii kamage kalak kapung teipiiniido Krista nga kanga tinglang kabi tei gonyii dakii pyiibam takle.

1 PITAR 2:21

Kadaponii aikikii gonyiigo Saraanii latto takle; kada- pokii gonyiinii Kristamah pikang tai swimatu tang karam jangpii, gonyii dakii nda tiimangousii, gonyii jangpii Kristaniido kamage kalak tei pungpyii takle.

1 PITAR 5:9

Gonyii kamalum kito sangtingsii ahgo saryii tiilo, kadapokii teigo njoi katu tei kakum kamage kalak kapung hangtei sazyii pouryii kalei gonyiigo njoi katu kamalum mei datodo pat takle katu gonyiinii tilo.