TIILAMLWI KAPYIIMEI THA JUKAMATI 13:52 - KARANU KABI SAMTAM

⁵² Sateichii boumei tei ka-ntapii ninado rangii kamateipii tokryii takle.

TIILAMLWI KAPYIIMEI THA JUKAMATI 13:52 Referans Kwoze

1 THESOLONIKAMEI 1:6

Sateichii nyiinii rangii kamatei mah ka-nta tei njasii kamage kalak kadaziikii kito samtam tei douwosii, nyiimah ninado Bangpiimah jaika- tiimei tiitakle.

ROMMEI 15:13

Maning kamalum mah Saraa teinii gonyiigo ka-nta sateichii kamajung teipiinii kamalum kito tokryiipyii matulo, rangii kamatei mah teimaham teipii gonyiinii maning kamalum tei doukiwo kabui jangpii.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

TIILAMLWI KAPYIIMEI THA JUKAMATI 4:31

Sateichii ahnyiinii riita ka- leitai, ahnyiinii ndwisii kalei bamtei nlai takle sateichii ahnyiihang tei rangii kamateipii tokryiisanii, kahing gasii Sara sam tam mpat takle.

2 KORENMEI 8:2

Katunii, Mesidoniya kito kalei nyiigo njoi katu kamalum meihangnii tampei kalak kamage kalak tei dousii bamle, nlenii tinglang kaleita ahnyiinii hangkapii ntasii bamle. Ahnyii teinii tampei kalak tiisii mahdo gasii bamle, nlenii ahnyiinii meigo lungsyii tile.

ROMMEI 5:3

Sateichii airoinii makle, nlenii nyiimah kamage kalak hang kito ntale, kamage kalak teipii leh kati;

TIILAMLWI KAPYIIMEI THA JUKAMATI 2:4

Teito ahnyii mei kalei kaga rangii kama- teipii tokryiisii, rangii teinii ahnyiigo malhii matu katu taiswisii lat katham katham tiisii malhii haotu takle.

METIU 5:12

Ntalo ninado rangalo, kadapokii gonyii jangpii alangh kadi tei sating gamkii kaibam takle, kada- pokii gonyii doito kalei Lungkakaling meihang go aitiisii tiimaset tiimalakle.

1 PITAR 4:13

Nlenii Kristamah pumtei kava mati kamangou kak, gonyiinii kisii ntasii ranga tang karam jangpii, Kristanii kamage kalak kapungmah njai dou njoisii kalei gonyii ntalo.

JEMS 1:2

Gu kangsanamei, gonyiida jai- kaju kataam kataam kagong tinglang kak gonyii ai doibilesii gonyii roinapii poi wolo.

ROMMEI 14:17

Kadaponii Saraa mah sating sazyii teinii kachii kasak tei makle, nlenii rangii kamatei kito kasang kamajyii, kamajung sateichii ka-nta teile;

TIILAMLWI KAPYIIMEI THA JUKAMATI 5:41

Teipiinii ahnyiinii Jisu zei kito ka-nrou ai doumajyii lesii ntasii samtak katii katingmei doiteito tatpat takle.

TIILAMLWI KAPYIIMEI THA JUKAMATI 2:46

Sateichii sating kata Saraa kamaning kilungto lungswi hangninii tiisii taksupii nduisii, mpou mpou kito tiirok tiiraksii ahnyiinii ntasii ninado lung rangasii mah chii njoile.

TIILAMLWI KAPYIIMEI THA JUKAMATI 11:29

Sateichii Judiya kito kalei kangsanameigo meihangpii mpou mpounii kangam taiswisii tiiha kamaga matutang karam jangpii boumei teinii raangsii maning wotakle.