TIILAMLWI KAPYIIMEI THA JUKAMATI 13:50 - KARANU KABI SAMTAM

⁵⁰ Nlenii meinii sadzyii ngariit katii ninado Saraago kamalum mei sapwimei hang go Jehudimeinii katwikai pyiisanii Pol nei Barnabas phyiiryiikii tiikamage pyiitang karam jangpii sam kamoi tii mpat pyiisanii, ahnyii mah sazyii kiteito baatoi aitakle.

TIILAMLWI KAPYIIMEI THA JUKAMATI 13:50 Referans Kwoze

2 TIMOTHI 3:11

Gumah kaset kalak kapyii ninado tiikamage katuhang taitei nangnii swiwo takle; Antiyok kito Ikoniam kito sateichii Lustra kito gudato kada dapei pat takpo, kadaziikapii kaset kalak tei Inii leh takpo katu nangnii tile, Nlenii teihang kiteito Saraanii n-gu keipyiile.

TIILAMLWI KAPYIIMEI THA JUKAMATI 14:19

Nlenii Antiyok ninado Ikoniam kito Jehudimei hangteinii teiki tei gongtakle; sateichii ahnyiinii mei- hang go katwikai pyiisanii, Polgo kuitupii rotsii, mpou taitakle katupii maningsii namdi kiteito sabakii mpougo chyiipat toi aitakle.

TIILAMLWI KAPYIIMEI THA JUKAMATI 14:2

Nlenii malum kasu Jehudimei teinii lui kakimei lungtei riiteikai pyiisanii, kangsanamei phyiiryii teikii karyiitu takle.

TIILAMLWI KAPYIIMEI THA JUKAMATI 13:45

Nlenii Jehudimeinii meihang gotei ngou wosek-kii, kamaimhiipii tokryiisanii, Polnii katam sam gotei jetdo jet tutakle sateichii tamdo tam mashyiitu takle.

TIILAMLWI KAPYIIMEI THA JUKAMATI 21:27

Sateichii leimik sana tei sang- tuna Asia kito Jihudimeinii mpougo Saraa kamaning kilungkii ngou wosek-kii, meihang gotei katwisii mpou phyiiryiikii bah kaisii,

TIILAMLWI KAPYIIMEI THA JUKAMATI 17:13

Nlenii Thesolonika kito kalei Jehudimei teinii Polnii Beriya ki kado Saraa mah kabi rasam ai tam ralipyii takle katu tei tiwosek-kii, ahnyiinii gong sanii teiki todo meihang go tiirampou pyiisii sam kamoi tii mpatle.

ROMMEI 10:2

Inii ahnyiigo sakchyii pyii leile katunii, ahnyiinii Saraa jangpii lungswi kapyii tei bamle, nlenii ahnyii mah lungswi ka- pyii tei kasang swirektai swimakle.

TIILAMLWI KAPYIIMEI THA JUKAMATI 13:43

Sateichii Jehudimei mah ndwibam kito ndwi kalei mei tei tat n-noupat sek-kii, Jehudimeido, Jehudimei kanat kajum Saraago kamaningmeido meihang kanii Pol ninado Barnabas tai swiwo takle; ahnyiinii ahnyiigo karashii sii Saraa mah kalungset kito tiigatpii bamtang karam jangpii ahnyiigo tam katwipyii takle.

TIILAMLWI KAPYIIMEI THA JUKAMATI 8:1

Sateichii mpougo kagi tei Solnii ahnyiigo kaswisii mazhiitakle.

TIILAMLWI KAPYIIMEI THA JUKAMATI 6:12

Sateichii ahnyiinii meihang go, katingmeigo ninado jai tingshang kati ojameigo katwikai pyiitakle. Sateichii choikaipyiisanii mpougo jum wosii samtak katii katingmei doikii pangkhii takle.

TIILAMLWI KAPYIIMEI THA JUKAMATI 2:5

Sateichii sating kangto kalei lui hang kito lung kamatei Jehudimei sapfiimei Jerosalem kito bamle.

MARK 5:17

Teijangpiinii ahnyiiki pungbang kiteito tat tulosii ahnyiinii Jisu dato khangle.

METIU 10:23

Ahnyiinii gonyiigo namdi aikito kaset kalak kapyii tinglang kak; kaki hangniniiki pak galo; kadapokii Inii gonyii dakii kasangpii tam leile, meinah sapfii mpou teinii gong kasunakii gonyiinii Isrel mah nam hang kitei gong mashangpei wolakle.

TIILAMLWI KAPYIIMEI THA JUKAMATI 14:4

Nlenii teiki namdiki meihang teinii tat n-noutakle sateichii mei chengniikanii Jehudimei doi ninado mei kangkanii Tiilamlwi kapyiimei doi sat takle.

TIILAMLWI KAPYIIMEI THA JUKAMATI 14:5

Sateichii ahnyii mah apum katii- meigo kaswisii lui kakimei sateichii Jehudimei hangteinii ahnyiigo tii nroutang karam jangpii ninado kuitupii rot tang karam jangpii koi nrung tei pat sek-kii,

TIILAMLWI KAPYIIMEI THA JUKAMATI 16:14

Sateichii Taiyatira namdi kito zei Laidiya sii kalatpei majyiikabi peimani joi kaleipei ninado Saraago mata kaleipei sapwi mpei hangninanii tam rali kapyii tei shiiwole, Polnii tam ka-mpat samtei lung liitsii shii matu tang karam jangpii Bangpiinii mpoupei lungtei laatpyii takle.

TIILAMLWI KAPYIIMEI THA JUKAMATI 17:4

Sateichii ahnyii kak kito mei chengniikii Saraa kamaningmei Grikmei kito mei kamoikii, sateichii sapwimei kak kito aphyii kasatmei hangkanii malum wosii Pol nei Sailas go kaswi wotakle.

TIILAMLWI KAPYIIMEI THA JUKAMATI 17:12

Teijangpii ahnyii kak kito mei hangkanii ninado adzyii ka-nrou Grikki sapwimei ninado sapfiimei hangteinii malum wotakle.

TIILAMLWI KAPYIIMEI THA JUKAMATI 17:17

Teijangpiinii mpounii Jehu- dimei mah ndwi kiteito Jehudimei, Saraago kamaning lui kakimei ninado salikijangto sating kata mpougo kadou kaleimeigo kaswisii karashii njoile.

TIILAMLWI KAPYIIMEI THA JUKAMATI 18:7

Sateichii mpounii teiki teito tatpat tosii Titius Justas sii kalat Saraago kamalum mei hangninii kilung liit takle; mpou kitei Jehudimei mah ndwini doisek tei bamle.

TIILAMLWI KAPYIIMEI THA JUKAMATI 28:17

Sateichii leimik hangtumtai mpounii Jehudimei phyiiryiito doi- majang katatmei go lat ndwi wole; sateichii ahnyiinii gong ndwi wosek- kii, mpounii ahnyii dakii tamle, “He kangsanamei, Inii gumah lui mak-kii nyiipei nyiipaomah kanat kanhiigo mazhii kasu samah kado tiimak kido nyiigo Jerosalem kito kabang kikii kabangmei hangninii tiisii Rom mei bah kikii pyiitoi aitakle.

2 KORENMEI 11:26

Gumah mbui hangkii kito sadoi kashyii tei Inii kadoule, dwi kadi kito sadoi kashyii sateichii karagamei bah kito sadoi kashyii, n-gu njoi katu Jehudimei bah kito sadoi kashyii sateichii lui kakimei hang bah kito sadoi kashyii; namdi hang kito sadoi kashyii, sazyii kamarong kito sadoi kashyii, dwijai kito sadoi kashyii sateichii kasang kasu kangsanamei bah kito sadoi kashyii.

1 THESOLONIKAMEI 2:14

Kadapokii kangsanamei, Judiya kito kalei, Jisu Krista dato kalei Saraanii lat mpat kalumei jai karalimei tei tiitakle; kadapokii ahnyiinii Jehudimei dato kamage kalak doukatu takumpiinii, gonyii- niido tei takumpii njoisii gonyiinii gonyiimah sazyii kito kaleimei dato kamage kalak tei doutakle.