TIILAMLWI KAPYIIMEI THA JUKAMATI 13:48 - KARANU KABI SAMTAM

⁴⁸ Sateichii lui kakimei hangnii ai ai shiiwo sek-kii, ntado nta takle, Saraa mah kabi rasam godo tam matoile sateichii kalui gasii lungtang karam jangpii kalai kalumei hangnii malum wotakle.

TIILAMLWI KAPYIIMEI THA JUKAMATI 13:48 Referans Kwoze

IPISAMEI 1:4

Nyiinii matei matu tang karam jangpii sateichii mpou doito sajek tei gamatu tang karam jangpii, Kristago nyiinii nja kalu paikito mpou mei tiimatu tang karam jangpii, sazyii pouryii tii mpat kasunato, Saraanii nyiigo kalaibam takle. Mpoumah lungkasyii jangpii.

ROMMEI 11:7

Teitii leponii kadapeipo? Isrel- meinii fiikalei tei dousutakle; nlenii kalai kalumei hangteinii teitei doutakle, nlenii masak kalei mei teinii lung teitakle;

JONNII KARYII KABI RASAM JUKAMATI 10:16

Sateichii jaokoi aiki haikasu gumah jao kakido leile; ahnyii goteido Inii pang gong tang karamle, ninado ahnyiinii gumah roktei shii tangle; sateichii ahnyiinii Jaoka- koipii hangniniigo kaswisii jaokoi hangninii tiitangle.

JONNII KARYII KABI RASAM JUKAMATI 11:52

Sateichii lui hang jangpii roinii supiinii, marou maruksii kalei Saraa mah nahmei hang go mpounii hangninii tiisii poido poi nkom tang karam jangpii- niile katupii mpounii teipiikum tei kanat kajum Tingditupii tiisii, mpounii Saraa sam saa mpatle.

IPISAMEI 1:19

sateichii malumsii kalei nyii dato mpoumah teimaham tei daziikapii disii tha tiisii leipo katu timatu tang karam jangpii Inii khang leile.

TIILAMLWI KAPYIIMEI THA JUKAMATI 2:41

Teijangpiinii mpou sam lukai kalu ahnyii hang gotei dwi mpum pyiitakle sateichii teipiinei leimik tei mei tangtumkii ahnyiida gong mpam wole.

TIILAMLWI KAPYIIMEI THA JUKAMATI 22:10

Teito Inii tamle, ‘Inii kadapei tiitangpo, Bangpii?’ Teito Bangpiinii gudakii tamle, ‘Gungtusii Damaskas kitei liitlo, sateichii teiki teito nangnii tiitang karam jangpii ada tiikabam tha hang mah kaang kiteito godakii tampyii tangle.’

LUKNII KARYII KABI RASAM JUKAMATI 7:8

Kadapochiinii I-katangpiinii apum katii hangni- niile, gukangto saryiimei leile; sateichii Inii ahnyiigo mwija pyiisii, ‘tat tulo’, sii tamsek-kii, mpounii ‘tat tule;’ kakimei hangninii dakii, ‘aiki patlo,’ sek-kii mpounii patle; satei- chii guki kaleimeigo ‘ai tiilo,’ sek-kii mpounii teitei tiile.”

ROMMEI 13:1

Meihangnii apum katii teima- ham kajum mei kang nkang matulo; kadaponii Saraa dato supiinii apum katii teimaham kajum mei gale; sateichii ringsii kalei apum katii teimaham kajum mei hangtei Saraanii kaibam takle.

TIILAMLWI KAPYIIMEI THA JUKAMATI 28:23

Sateichii ahnyiinii mpou dakii tingneikii leimik karet kalu kito, ahnyiimei moi mpounii kazyiibam kitei gong takle. Mpounii ahnyii dakii Moses mah ajaitingshang kiteito sateichii Lungkakalingmei mah larek kiteito Saraa mah sating sazyii mah kaang kiteito sakchyii tiisii, sateichii Jisu mah kaang kiteito ahnyiigo malum tang karam jangpii hemsii tingchoito tingkhii katang tam ralipyiile.

TIILAMLWI KAPYIIMEI THA JUKAMATI 2:47

Ahnyiinii Saraago tam matoisii meihang doitodo tiikaha tei doule sateichii keikapyii dou kalumeihang gotei bangpiinii sating kata ahnyii dakii kai mpam pyiile.

TIILAMLWI KAPYIIMEI THA JUKAMATI 20:13

Nlenii nyiinii malyii garyiinii katang tei adoi reimaasii Assos ki katang tei malyii tong gong takle; teikito Polgo tong matulesii ma- ningle, kadaponii mpou sekpiinii apipii tatlesii aitiisii kakhatpyii bamle,

METIU 28:16

Boumei keariisiikankhii tei, Jisunii ahnyiigo tam kapyii Galili kito kalei zang gam kitei tat tutakle.

2 THESOLONIKAMEI 3:1

Kalui kito kangsanamei, Bang- piimah samtam tei gonyiinii doukalu takumpii, kalangsii tam ralipyii kabui sateichii ngam kabwi tiisii, nyii jangpiinii riitaseilo,

1 KORENMEI 16:15

Kangsanamei, gonyiinii Stifa- nas ninado mpouki kalungmeimah kaang kito tile; katunii Akaiya kito Kristen tiipat karei tei ahnyiile, sateichii ahnyiinii ahnyii roinapii Saraa tha tiisii kaleimei nga ngatang karam jangpii pyiile.

TIILAMLWI KAPYIIMEI THA JUKAMATI 15:31

Sateichii ahnyiinii tei tei fiiwosii, lung tiimadi kapyii jangpiinii nta takle.

TIILAMLWI KAPYIIMEI THA JUKAMATI 15:2

Teito Pol nei Barnabasnii hangkapii hungsii sam kajyii katu kito sam kajyiisii kalei aikaang ki aito Pol nei Barnabas ninado ahnyii kak kito mei kangkago Jerosalem kikii Tiilamlwi kapyiimei ninado katingmeigo maa kadou matu tang karam jangpii kalai wotakle.

TIILAMLWI KAPYIIMEI THA JUKAMATI 13:42

Sateichii ahnyiinii tatpat lei- bangpii, samhang ai gongkalei bam ntak piinei leimik ahnyii dakii kisii tamsei losii ahnyiinii khangtakle.

TIILAMLWI KAPYIIMEI THA JUKAMATI 8:8

Teipiinii namdi teiki teito hangkapii nta tutakle.

METIU 25:46

Sateichii ahnyii hang ainii kalui kaga kamage kalak nitei tat tang takle, nlenii kasang kamajyiimei hang teinii kalui kaga karing nitei tat tang takle.”

TIILAMLWI KAPYIIMEI THA JUKAMATI 13:12

Teitinglang ki Governor teinii pat kaleihang tei ngou wosek-kii, Bangpii mah ralika- pyii gotei madatsii malum wotakle.

ROMMEI 8:28

Sateichii Saraanii mpougo lungkasyiimei hang dakii katunii, mpounii tiimatu kanyii kamaning kamarei kalei tai swisii lat kalumei dakii bitang karam jangpii tha hang kaswisii tiipyiile katu nyiinii tile.

IPISAMEI 1:5

Jisu Krista paikito Saraanii nyiihang go mpou nahmei tiimatu tangle katu tei satto takle–ai ai mpoumah kamaning kamarei teile.

IPISAMEI 1:11

Saraanii tiikanyii kamaning kamarei taiswisii mahlyii hang ai tiibam takle; sateichii saroi roisang kito mpounii kamaning gotei jubam- sii, mpoumah tiikanyii kamaning kamarei roinii jangpii, Kristago nyiinii njasii kalei kito, mpoumah mei tiimatu tang karam jangpii, Saraanii nyiigo kalai wotakle.