TIILAMLWI KAPYIIMEI THA JUKAMATI 13:29 - KARANU KABI SAMTAM

²⁹ Sateichii mpou kaang kito ryii kabam matum madum tei ahnyiinii madougong malu kaleitai, mpougo tingphyiiryii teito poi m-mang wosii, roubam kikii kai aitakle.

TIILAMLWI KAPYIIMEI THA JUKAMATI 13:29 Referans Kwoze

LUKNII KARYII KABI RASAM JUKAMATI 23:53

Teito mpounii teitei poi m-mangsii, kamajyii kou- namaipei hangniniipii kajyii wosii, meigo kado goi kasu, kuitu kikii biit kabam roubam kikii mpougo mazyii takle.

JONNII KARYII KABI RASAM JUKAMATI 19:30

Mpounii kahengdwi tei sak wosek-kii mpounii tamle, “Sangtakle” teito mpounii mpouphyii nkuimangsii taitakle.

JONNII KARYII KABI RASAM JUKAMATI 19:28

Aitaito Jisunii tha hangtei aitoinii tiimashang takle katu tei tiwosii, kabi rasam tei kasangpii gong matwi matutang karam jangpii mpounii tamle, “I saryiile.”

1 KORENMEI 15:4

Katunii mpougo poigoi takle, sateichii kabi rasam taiswisii zangtumniitai mpougo tiimaringpyii takle;

TIILAMLWI KAPYIIMEI THA JUKAMATI 5:30

Gonyiinii ating gamkii kuikajusii gitoi kalei Jisu go nyii pwi nyii pfii mah Saraa teinii tiimaringpyii takle.

LUKNII KARYII KABI RASAM JUKAMATI 24:44

Sateichii mpounii ahnyii dakii tamle, “Inii gonyiigo kaswisii lung kalei kak, Inii gonyiigo kaswisii karashii kalu samkang hangtei aile, katunii, gu kaang kito Moses mah ajaitingshang kito, Lungkakalingmei sateichii tam kamatoi lhiibung kikii ryii kabam matum madum hangtei madou gong matu tangle.”

TIILAMLWI KAPYIIMEI THA JUKAMATI 13:27

Kadapokii Jerosalem kito kalei mei ninado ahnyii phyiiryiito apum katiimei hangteinii mpougo ninado bam ntak piinei leimik mata fii mpat kalei Lungkakalingmei mah sam gotei tikasu jangpiinii, mpougo kama luikaisii samtam tei madougong matu takle.

TIILAMLWI KAPYIIMEI THA JUKAMATI 4:28

nangnii gobahpii ninado goswipii adoito pat tang karam, reipii tiida kabam hangtei pat matutang karam jangpii, kasangpii namdi aikikii ahang go chyii ndwipyii takle.

TIILAMLWI KAPYIIMEI THA JUKAMATI 2:23

Saraanii reipii tisii kalei ninado mpoumah kamaning taiswisii, go- nyiinii kem katiimei bah kikii mpougo pyiitoi aisii jotpyiipii gisii krosh gamkii dhangsii gi aitakle.

MARK 15:42

Sateichii tingkhii lamtei gong kado, bam ntak piinei leimik gong kasunii tiikakada piinei leimik katu taiswisii, katingmei hang kak kito adzyii ka-nroumei, mpouroi- piinado Saraa sating sazyii gongtang karam gotei koisii kalei Arimatiya mpfii Joseph tei gongle; mpounii kahing gasii Pailatda liitsanii Jisu mah pumrong tei khang wotakle.

LUKNII KARYII KABI RASAM JUKAMATI 23:50

Aitoinii Arimati sii kalat Jehudimei nam namdi kito lungkalei Joseph sii kalat sapfiimei hangninii bamle, mpou ai samtak katii katingmei kak ki kahaimei mei kabi sateichii kasang kamajyiimei hang- niniile;

TIILAMLWI KAPYIIMEI THA JUKAMATI 26:22

Teijangpiinii Saraa dato tiikaha tei dousii, kacheng kadihang dakiido sakchyii pyiisii tingnei katang Inii sat leile;