TIILAMLWI KAPYIIMEI THA JUKAMATI 13:27 - KARANU KABI SAMTAM

²⁷ Kadapokii Jerosalem kito kalei mei ninado ahnyii phyiiryiito apum katiimei hangteinii mpougo ninado bam ntak piinei leimik mata fii mpat kalei Lungkakalingmei mah sam gotei tikasu jangpiinii, mpougo kama luikaisii samtam tei madougong matu takle.

TIILAMLWI KAPYIIMEI THA JUKAMATI 13:27 Referans Kwoze

TIILAMLWI KAPYIIMEI THA JUKAMATI 3:17

“Sateichii aitoinii, he kang- sanamei; gonyii phyiiryiito apum tiisii kalei meinii tiikalei takumpii, gonyiiniido teitei tisupiinii tii aitakle katu Inii tile.

ROMMEI 11:25

Kangsanamei, gonyiinii gonyii roinapii kasakaipii lesii maning matu lak tang karam jangpii kamakum sam ai Inii gonyiigo timatu nyiile. Katunii, luikakimei kalei kaga hangnii Saraada gongliit kasuta lungkatei ai Isrelmei pyiiryii gongtakle.

TIILAMLWI KAPYIIMEI THA JUKAMATI 15:21

Kadaponii ndou karei kito namdi namdi kito Moses mah ajaitingshang mah larek bung hangtei tam rali kapyiimei leisii teitei bam ntak piinei leimik mata Jehudimei ndwi kito fiileile.”

LUKNII KARYII KABI RASAM JUKAMATI 24:20

katunii kanat kajum tingdimei sateichii nyii phyiiryiito apum ka- tiimeinii kada takumpiinii mpougo gitang karam jangpii pyiitoi aisii Krosh gamkii gi aipo siile.

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

2 KORENMEI 3:14

Ahnyiimah lungswi tei gomnei aitakle, sateichii sat tang karam karei samtam mah larekbung tei ahnyiinii fiitang karam kito njoi katu ju kasong peira teipii ahnyiimah lungswi tei tingnei katangpii gomnei wotakle. Ju kasongmah peira teinii mei hang- ninanii Krista dakii roinii nja kaleitainii poitoi wobuile.

1 KORENMEI 2:8

Swirek kabi ai sazyii pouryiimei mah apum katiimei hangninii kaniido timakle; kadapokii ahnyiinii teitei tileponii ahnyiinii pumtei kavamah Bangpiigo krosh gamkii gilakle.

TIILAMLWI KAPYIIMEI THA JUKAMATI 28:23

Sateichii ahnyiinii mpou dakii tingneikii leimik karet kalu kito, ahnyiimei moi mpounii kazyiibam kitei gong takle. Mpounii ahnyii dakii Moses mah ajaitingshang kiteito sateichii Lungkakalingmei mah larek kiteito Saraa mah sating sazyii mah kaang kiteito sakchyii tiisii, sateichii Jisu mah kaang kiteito ahnyiigo malum tang karam jangpii hemsii tingchoito tingkhii katang tam ralipyiile.

JONNII KARYII KABI RASAM JUKAMATI 15:21

Nlenii gu zei jangpii ahnyiinii aihang ai gonyii dakii tiitangle; kadapokii n-gu lang kamagong ah gotei ahnyiinii timakle.

1 TIMOTHI 1:13

Ndou kareiki Inii mpougo tam kamashyii, tiikamage katu sateichii kalet kalou tiisii leikado, Saraamah lungsyii kati tei Inii doutakle, kadapokii kamalum tei Inii doumakle. Teijangpii Inii dapei tiileipo katu tei Inii timakle.

JONNII KARYII KABI RASAM JUKAMATI 16:3

Sateichii ahnyiinii aihang ai tiitangle, dapodinchii ahnyiinii Pfii godo n-gudo timakle.

JONNII KARYII KABI RASAM JUKAMATI 8:28

Teipiinii Jisunii tamle, “Meinah sapfii mpougo gonyiinii poi kasagoi tinglang kak, I-ai mpoule, ninado gumah teimaham roinapiinii samah kado Inii tiimakle, nlenii pfiinii gudakii ralikapyii takumpii Inii sam ai tam mpat leile katu gonyiinii titangle.

LUKNII KARYII KABI RASAM JUKAMATI 22:34

Mpounii tamle, “Inii tam leile, Pitar, nangnii n-gu timakle sii tam tumkii kasuta, tingzyii ruigang kunglakle.”

METIU 22:29

Nlenii Jisunii ahnyiigo kheka- latle, “Gonyiinii ma-aitakle, dapo- dinchii gonyiinii kabi rasam ninado Saraa mah teimaham gotei tisu takle.

LUKNII KARYII KABI RASAM JUKAMATI 23:13

Sateichii Pailatnii kanat kajum tingdimei, apum katiimei ninado meihang go lat nduisii,

JONNII KARYII KABI RASAM JUKAMATI 5:39

Gonyiinii kabi rasam hangtei fiile, dapochiinii teihang lung kiteito gonyiinii kalui kaga karing doulesii maningle sateichii gumah kaang kito sakchyii pyiikalei tei teihang teile.