TIILAMLWI KAPYIIMEI THA JUKAMATI 12:18 - KARANU KABI SAMTAM

¹⁸ Tingtang sek-kii Pitar dato kadapei pat takpo sanii saryiimei hang kak kito hangkapiinii nrungtu takle.

TIILAMLWI KAPYIIMEI THA JUKAMATI 12:18 Referans Kwoze

TIILAMLWI KAPYIIMEI THA JUKAMATI 19:23

Teitinglang kaktei pwidi mah kaang kiteito kahung akoilat kamoi Ipisa kito pat tutakle.

TIILAMLWI KAPYIIMEI THA JUKAMATI 16:27

Sateichii kabangki ka- koipii teinii ziitsii kengtu kabangki takam hangtei laat kabam tei ngou wosek-kii, kabang kito kaleimei hang pakga taklesii maning wosii mpoumah saryiikhang tei jok mpatsii mpou roinapiinii gitanglesii tiitakle.

TIILAMLWI KAPYIIMEI THA JUKAMATI 12:17

Nlenii mpounii ahnyiigo malhiisupii bam matu tang karam jangpii mpoubah hampat sii Bangpiinii mpougo kabang ki teito kada takumpiinii pang mpatpyiipo katu tei ahnyii dakii tam mpatpyii takle. Sateichii mpounii tamle, “Sam hang ai Jems ninado kangsanamei hang dakii tampyiilo.” Teito mpounii tatpatsii bam kaki hangniniiki tat tutakle.

TIILAMLWI KAPYIIMEI THA JUKAMATI 12:19

Sateichii Herotnii mpougo fiisanii doukasu kito, koibamsii kalei saryiimeihang gotei tiigatpii samtak tiisii, ahnyiigo gitoi tang karam jangpii mwija pyii aitakle. Teito mpounii Judiya kito Kaisariya ki tat humsii tei kito bamle.