TIILAMLWI KAPYIIMEI THA JUKAMATI 10:40 - KARANU KABI SAMTAM

⁴⁰ Nlenii Saraanii mpougo hangtum kashang- piinei leimik tiimaring pyiisii mpougo mati mangoupyii takle.

TIILAMLWI KAPYIIMEI THA JUKAMATI 10:40 Referans Kwoze

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

2 KORENMEI 4:14

Kadapokii Saraanii Bangpii Jisugo tiimaringpyiile katu tei nyiinii tile. Mpounii Jisugo tiimaring kapyii takumpii, nyiigodo mpounii tiima- ringpyii tangle katu tei nyiinii tile; sateichii mpounii gonyiigo kaswisii nyiigo Jisunii kalei niteikii pang gongpyii tangle.

TIILAMLWI KAPYIIMEI THA JUKAMATI 2:24

Nlenii Saraanii katai mah kamage kalak kiteito mpatpyiisii, mpougo tiima- ringpyii takle, kadapochiinii teiteinii mpougo ngam makle.

HEBRUMEI 13:20

Aitoinii kalui gasii sat tang karam samtam mah zai teipiinii Jaonah mah kadi Jao kakoipii, Nyii Bangpii Jisugo katai kito tiima- ringloi kapyii,

ROMMEI 14:9

Kadaponii Kristanii katai ninado karing hangna mah Bangpii tiitang karam jangpii, aikaang kito mpounii taido taipyii takle, sateichii ringdo ringkhiipyii takle.

ROMMEI 8:11

Sateichii Jisugo katai kito tiimaring kapyii mpoumah rangii teinii gonyii dato leileponii, Krista Jisugo katai kito tiimaring kapyii mpou teinii gonyii dato kalei mah rangii paito gonyii mah taiga kabui pumhang godo karing tei pyii tangle.

ROMMEI 1:4

sateichii kamateimah rangii reng lamgpangto mpounii katai kito ringkhii kalu kito teimaham go kaswisii Saraa nahle katu tei mangoupyii takle, teitei nyii Bangpii Jisu Kristale;

TIILAMLWI KAPYIIMEI THA JUKAMATI 17:31

Kada- pochiinii mpounii kalai kalu sapfii mpou hangninanii sazyii pouryiigo kasang kito samtak tiitang karam leimik hangninii retbam takle. Mpou gotei kataimei kak kito tiimaring kapyii aipiinii meihang dakii malum kabui tei mpounii pyiibam takle.”

JONNII KARYII KABI RASAM JUKAMATI 14:22

Judas (katunii Judas Iskariot kasupii) nii tamle, “Bangpii sazyii pouryii dakii supii nyii dakii go pum sek tei nangnii kadakumpii mangou tangpo?”

TIILAMLWI KAPYIIMEI THA JUKAMATI 2:32

Jisu aigo Saraanii tiimaringpyii takle, tei kaang kito nyiihangnii sakchyii tii- ziile.