TIILAMLWI KAPYIIMEI THA JUKAMATI 10:38 - KARANU KABI SAMTAM

³⁸ teiteinii Nazaret ki Jisu rasam teile, kada takumpii mpougo Saraanii rangii kamatei ninado teimahampii thao manuk kaipyiisii mpounii tatsii tatsii tha kabi tei tiiwopo sateichii sara kashyiinii kaswi kaleimei go tii mbipyiipo katu teile; kadapokii Saraanii mpougo kaswipyiisii leile.

TIILAMLWI KAPYIIMEI THA JUKAMATI 10:38 Referans Kwoze

LUKNII KARYII KABI RASAM JUKAMATI 4:18

“Bangpiimah rangii tei Guphyiiryii leile, Dapochiinii mpounii kagamei dakii kabi rasam tam matu tang karam jangpii n-gu thao manukpyii takle. Maringpouchyiimei hang go mpou rangra tiimatu katu sateichii mik kachet meigo nlailoisii mik ngou matu tang karam sam ai saa mpatpyii matu tang Karam jangpii, sateichii kamage kamarhii meigo laat mpatpyii tang karam jangpii,

TIILAMLWI KAPYIIMEI THA JUKAMATI 2:22

“He Isrelmeinah, sam hang ai shiipyiilo–Nazaretki Jisu, Saraanii gonyii kak kito mpou tha kadi ninado kamadat tha hang sateichii tiika- mangou hang kamangou, teipiinii mpou ai Saraanii mazhii kapyiimeile katu tei gonyii pum sekpiiniido tile.

JONNII KARYII KABI RASAM JUKAMATI 3:34

Kadapokii Saraanii lang kamagong mpou teinii Saraa sam tam leile, dapokii mpounii rangii tei ajhii masaksii pyiimakle,

HEBRUMEI 1:9

Kasang kamajyii tei nangnii mareile, sateichii kama gotei ngouroule, teijangpii Saraanii, go Saraanii, go bemei doito n-go kisii ka-ntamah thao manukpyii takle.”

JONNII KARYII KABI RASAM JUKAMATI 3:2

Mei aipou ainii tinghum Jisuda gongsii mpou dakii tamle, “Rabbi, (katunii Madhiikapyiipii) nangnii Saraa dato kagong ralika- pyiimei hangniniile katu tei nyiinii tile, kadapokii nangnii tiikalei siitihang ai Saraanii mpougo kaswi suleponii, meikaniido tiiwo lakle.”

METIU 12:28

Nlenii Saraa mah rangii teipii Inii sara kashyiigo baatoi leponii, Saraa mah sating sazyii tei gonyii phyiiryii gong takle.

LUKNII KARYII KABI RASAM JUKAMATI 3:22

sateichii rangii kamatei teinii Sararuinah pum takumpii mpou phyiiryii humle, sateichii sating gamto rok hangninii humle, “Nang ai Inii lungkasyii Gunah sapfii mpou teile, Inii n-go hangkapii lung mangle.”

JONNII KARYII KABI RASAM JUKAMATI 10:32

Jisunii ahnyii dakii khekalatle, “Aikak kito kadapii jangpii gonyiinii n-gu kuitu rotnesiipo?”

JONNII KARYII KABI RASAM JUKAMATI 16:32

Julo, gonyii meihang mpou mpou kito marou maruksii, n-gu roinii toimareidek tang karam tinglang tei gonglei takle, nle, kasangpii teitei gong takle. Teitii kido Inii I-roinii makle, Kadapokii Pfiinii n-gu kaswi leile.

1 JON 3:8

Kem katii ahteinii seitan datole, dapokii seitannii saroisekto kem tiile. Seitanmah tha tei tiimaga tang karam jangpii, Saraanah sapfii mpou gotei magongle.

JONNII KARYII KABI RASAM JUKAMATI 6:27

Ga aitang karam chiitak jangpii tha tiisulo, nlenii meinah sapfii mpou teinii gonyii dakii pyiitang karam kalui kaga karing mah chiitak jangpii ngam tiilo; kadapokii mpou gamkii Pfii Saraanii seal kaibam takle.”

METIU 9:35

Sateichii Jisunii Ndwibam hang kiteito ralipyiisii, Sagong sazyii mah kabi rasam tam ralipyiisii, sateichii ara katchii hang tei tii- mbipyiisii nam ninado namdi hangki tat gong takle.

1 PITAR 5:8

Gonyii pumpot jum majyii jum matwilo, sakai wolo; gonyiimah ngou karou seitan tei nrung kalei nongsa takumpii kangkago poichii tang karam jangpii fiitatsii leile.

LUKNII KARYII KABI RASAM JUKAMATI 9:42

Sateichii nah napou teinii tatpi leibangpii, sara kashyii teinii mpougo sazyiikii poi kousii tii kamage pyiitakle. Jisunii sara kashyii gotei kakhatsii namtakle, sateichii nah napou gotei tii mbipyii takle, sateikii mpou pwinei mpou pfii dakii nah sapfii mpou gotei pyiiloi takle.

METIU 12:15

Sateichii Jisunii ai tiwosii tei kiteito tat tutakle, sateichii mei hangkanii mpou-tai swiwo takle, sateichii mpounii ahnyii hang go ra katchii tii mbipyiile.

MARK 6:6

Sateichii ahnyiinii malum kasu tei ngou wosii mpounii hangkapii sung gatakle, sateichii Jisunii nam namki tat maguisii ralipyiile.

LUKNII KARYII KABI RASAM JUKAMATI 9:56

Sateichii Jisu ninado mpou boumei tei nam hangniniiki tat tuloi takle.

TIILAMLWI KAPYIIMEI THA JUKAMATI 10:37

Jon-nii dwi ka- mpum mah kabi rasam tam ralipyii kaleitai Galili kito housii Judiya sazyii hang kito pat kalei rasamtei gonyiinii tikasupii makle,

1 JON 2:20

Nlenii gonyiigonii Kristanii thao manuk pyiibam takle, sateichii gonyii hangnii teitei tile.

METIU 9:19

Jisunii tusat tosii mpou bou- meigo kaswisii mpou-tai swi wotakle.