Biblia Todo Logo
Bib sou entènèt

- Piblisite -




TIILAMLWI KAPYIIMEI THA JUKAMATI 10:36 - KARANU KABI SAMTAM

36 mpounii Isrelmeinah hang dakii samtei lang magongpyiile, (Mpounii mahlyiihang mah Bangpiile.)

Gade chapit la Kopi




TIILAMLWI KAPYIIMEI THA JUKAMATI 10:36
57 Referans Kwoze  

Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.


“Teijangpii gonyiinii krosh gamkii dhangsii gitoi kalei Jisu aigo Saraanii Abangpiido Kristado tiipyii takle katu Isrelmeinah hangnii tiigatpii timatulo.”


Aihang ainii jaonah phyiiryii teikii saryii tiitangle, sateichii jaonah teinii ahnyiigo ngam tangle! Kadapokii ahnii Bangpii hangmah Bangpiile, sateichii sagong hangmah Sagongle; sateichii ahgo kaswi kalei teinii lat kalumei, kalai kalumei ninado malum kabuimei hangteile.”


sateichii karing teile. Inii taitakle nlenii julo, aitoinii Inii kalui gasii ring takle sateichii kataimei ninado kataimei- mah sazyii pouryii chabyii tei guda leile.


Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.


Kadapokii kabi rasam kito tamle, “Saraanii mahlyii hangtei mpou pi pazhii kangkii kaitakle.” Nlenii aikito bam kalei “Mahlyii- hang” katu samkang aiki ai Krista kangkii mahlyiihang go kaipyiisii kalei, Saraa mpou sekteinii haimakle.


Sateichii Ahmah peijou kathang kiteikii ninado ahmah liikang gam teikii, “Sagong- mei hangmah sagong, ninado Abangmei hangmah Bangpii,” sii ryii kabam zei ai leile.


Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;


Aitoinii kalui gasii sat tang karam samtam mah zai teipiinii Jaonah mah kadi Jao kakoipii, Nyii Bangpii Jisugo katai kito tiima- ringloi kapyii,


sateichii Pfii Saraamah pumtei kava jangpii mahlyii hangnii, Jisu Krista ai Bangpiile katu tei madupii tam mpat tangle.


Karei Adam tei, buineipii katii, sazyii rangrhii kitole; hangna kashang Adam teinii sating gam tole,


Kadaponii Kristanii katai ninado karing hangna mah Bangpii tiitang karam jangpii, aikaang kito mpounii taido taipyii takle, sateichii ringdo ringkhiipyii takle.


Teito Pol nei Barnabasnii lungdisii tamle, gonyii dakii Saraa mah kabi rasam ai tamrei tang karamle. Nlenii teitei gonyiinii gonyii dato kataitoisii kalui kaga karing doutang karam ai doumajyii maklesii gonyii roinapiinii maning kalu jangteipii, julo, nyiinii lui kakimeida tat tutakle.


Sateichii peipaomei dakii riishii tiikabam mah kabi rasam tei nyiinii gonyii dakii pung gong pyii leile.


Aitoinii Stifan go gikalei jangpiinii pak marou maruk kaleimei teinii Phonisiya ninado Kaipras, ninado Antiyok sazyii ki katang liitsii, Jehudimei dakii roinii samtei tam tutakle.


Isrel- meinah go lung kakali ninado kem tiimaga pyiitang karam jangpii, kaleikapyiipii ninado doimajang kapyiipii tiisii mpoubah ajiilam sek teipiinii poimakhii pyii takle.


Sateichii Jerosalem sekto haosii Lui kaki hang dakii mpou zei kito lung kakali ninado kem kama maga kapyii tei tamroi tang karamle;


“Mahlyiihang gu pfiinii gudakii pyiibam takle; sateichii pfii tei supiinii Nah sapfii mpou gotei mei kaniido timakle, sateichii nah sapfii mpou tei supiinii Pfii gotei mei kaniido timakle sateichii Nah Sapfii mpou teinii kata hangninii dakii mpougo mati mangou tang karam jangpii kalai wokalu teisupii, mei kaniido Pfiigo timakle.


nlenii Isrelmei mah maga kalei Jaonah mei datei tat tulo.


nlenii ai kalui tinglang leimik aikito nah sapfii mpou paikito nyii dakii mpounii sam rashiile. Mpougo mahlyii hangmah matou katou tei tiipyii takle, sateichii mpounii mpou paikito sazyii pouryiido tiipyiile;


sateichii mpoumah krosh mah zai teipii tiimajung pyiisii, sazyii pouryiito kado, sating gamto kado, kalei mahlyiihang tei mpou dato, mpou paito pang gong njaloi matutang karam jangpii Saraanii sat totakle.


Sateichii katai mah kamyii khii kito lung kalei meihang go Sating gamto vapyii tangle, nyii pikang ai kamajung pwidi kikii chyiitat pyiitang karam jangpii.”


Jon-nii dwi ka- mpum mah kabi rasam tam ralipyii kaleitai Galili kito housii Judiya sazyii hang kito pat kalei rasamtei gonyiinii tikasupii makle,


Teijangpii kamalum teipiinii nyiigo tiimajyii kapyiitai swisii, nyiinii nyii Bangpii Jisu Krista paikito kamajung tei Saraa dato doutakle.


Swiv nou:

Piblisite


Piblisite