2 TIMOTHI 4:18 - KARANU KABI SAMTAM

¹⁸ Sateichii Bang- piinii kashyii kahong hang kiteito n-gu keipyiisanii mpoumah sating gam sagong sazyii jangpii n-gu keipyii tangle. Mpou dakii kalui gasii tam kamatoi tei matulo. Amen.

2 TIMOTHI 4:18 Referans Kwoze

2 THESOLONIKAMEI 3:3

Nlenii malum kabui tei Bang- piile, mpounii gonyiigo tiisangting pyii tangle, sateichii kashyii kahong kiteito koipyii tangle.

METIU 6:13

Sateichii nyiigo kahemki maliitsei sulo, nlenii kashyii kiteito nyiigo keipyiilo. (Kadapokii sagong sazyii, teimaham ninado pumtei kava tei kalui kaga gomahle. Amen.)

1 PITAR 1:5

Keikapyii karing tiilung jangpii kalui ting- langki mangou tang karam jangpii tiida kabam, kamalum kito Saraa- mah teimahampii bisii kaidek kabam hangtei gonyii jangpiiniile.

1 THESOLONIKAMEI 5:23

Kamajungmah Saraa pumsek teinii gonyiigo mashangsii tiima- teipyii matulo; sateichii nyii Bangpii Jisu Kristanii kagongki gonyiimah rangii, rakot ninado pumrong hangtei sajek gasii bisii bam matulo.

HEBRUMEI 13:21

Kamajungmah Saraa teinii Jisu Krista paikito mpou mikjot kito dzyii karanga tei nyii lung kito tiipyiisii, mpoumah kamaning kamazhii tiitang karam jangpii kabi tha hang kito gonyiigo tiimatui tiimashangpyii matulo; ahgo kalui tiisupii tam kamatoi tei matulo, Amen.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

2 KORENMEI 1:10

Tei kakum taitang karam mah ngoukahing sadoi kashyii hang kito mpounii nyiigo keipyii takle, sateichii mpounii nyiigo keipyii tangle; sateichii mpounii nyiigo nlailoisii keipyii tangle katu nyiimah maning kamalum tei mpou phyii- ryiikii pyii aitakle.

ROMMEI 11:36

Kadapokii Saraanii amahlyii hang tiipyiile, sateichii amahlyiihang ai mpou dato sateichii mpou paito sateichii mpou jangpii ring leile. Saraago kalui gasii tam matoi matulo. Amen.

METIU 13:43

Tei tinglangki kasang kamajyiimei hang teinii ahnyii Pfii mah sagong sazyii kito leimik sei takumpiinii vatangle. Khoi pung kalei mei hangnii shii matulo.

JONNII KARYII KABI RASAM JUKAMATI 17:15

Ahnyiigo sazyii pouryiito poitoi losii Inii godato riita makle, nlenii kashyii kiteito ahnyiigo koipyiilosii Inii godato riitale.

LUKNII KARYII KABI RASAM JUKAMATI 12:32

“Hing sulo, Jaonah kachengmei! Kadapochiinii gonyii dakii sating sazyii pyii katu tei gonyii Pfiinii kamarei teile.

1 TIMOTHI 6:16

hang- niniisang hangninii roinii kalei katai nlai kaga, sateichii da manangkhii wokalak kava kito kalei, mei kaniido ngoukasu ninado ngoupeiwo kalak mpounii mangou kapyii tei tinglang kabi kito mangoupyii tangle, sadzyii ngariit katii sateichii kalui gasii magongsii kalung tei mpougo matulo! Amen.

1 KORENMEI 10:13

meinahnii lehwo kabui doito kisii kahemnii jum makle, nlenii Saraanii malum kabwi teile, gonyiinii ngam wokabui doito kisii gonyiigo mpounii hem matulakle; nlenii gonyiinii lehwo kabui jangpii kahem gotei kaswisii nlek tang karam pwidido mpounii pyiitangle.

1 PITAR 5:11

Kalui kaga teimaham tei mpou dato matulo, Amen.

1 TIMOTHI 1:17

Kalui tiikasu sagong, gakalak sateichii mikpii ngou kasu hangni- niisang hangninii roinii kalei Saraa dakii kalui gasii dzyii ka-nrou ninado tam kamatoi tei matulo Amen.

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

JUD DATO KAGONG CHITI JUKAMATI 1:1

Jisu Krista kikalei ninado Jems sanapii Judnii, Pfii Saraamah lungkasyii ninado Jisu Kristamah koikapyii jukapyii kito lungsii kalei, Saraanii lat kalumei dakii:

GALATIMEI 1:5

Pfii Saraa dakii kalui tiisupii pumtei kava tei matulo, Amen.

ROMMEI 16:27

Hangninii roinii kalei kamatei Saraa dakii Jisu Krista paito, kalui gasii tam matoi matulo. Amen.

LUKNII KARYII KABI RASAM JUKAMATI 22:29

Sateichii gu pfiinii Gudakii Sagong Sazyii hangninii julosii pyii kabam takumpiinii,

LUKNII KARYII KABI RASAM JUKAMATI 11:4

sateichii nyii kem kama hangtei maga seilo, nyiidakii kama katiimeigo nyiinii maga kapyii takumpii, sateichii nyiigo kahem kitei maliitsei sulo.”

JEMS 2:5

Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

1 KORENMEI 1:21

Kadaponii Saraanii mpoumah swirek kabi kito, sazyii pouryiimeinii ahnyiimah swirek kabi teiroinapii mpougo timatu sutakle. Nlenii nyiinii tam ralikapyii kapang kamang mah samtam teipii malum kalumei hang go keipyii tangle katupii Saraanii satto takle.

1 KORENMEI 15:50

Inii gonyii dakii ai ai tam leile; kangsanamei: kangzai rou pungsii Saraamah sating sazyii kitei liitpeiwo lakle, sateichii gatu kabui teipiinii gatu kalaktei doupei wolakle.

2 TIMOTHI 4:1

Saraa doito sateichii karingmei nei kataimeigo samtak tiitang karam Krista Jisu doito mpoumah mangoukapyii ninado mpoumah sagong mah sating sazyiigo latsii Inii pyiileile.

HEBRUMEI 11:16

Nlenii kisii bikaki sazyii katunii, sating gam mah ki hangninii, ai ahnyiinii dounyiiwo takle. Teijang- piinii ahnyiimah Saraale sii lat tang karam ai Saraanii nroumakle, kada- pokii mpounii ahnyii jangpii namdi hangninii tiikadapyii bamtakle.

HEBRUMEI 12:22

Nlenii Zaiyon zang ninado karing Saraa mah namdi, sating gam mah Jerosalem ki, fiipei kalak sating gamlui hangda,

2 PITAR 1:11

Kadapokii aitii- sanii nyiimah Bangpii ninado nyiigo keikapyiipii Jisu Kristamah kalui kaga sagong sazyiiki liit tang karam majyii tei gonyiigo pyiitangle.

2 PITAR 3:18

Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.