2 TIMOTHI 3:2 - KARANU KABI SAMTAM

² kadapokii meinahnii mpouroipii mpougo lungkasyii, sanahgo kamarei, palhii kadi, det kadi, meigo kalet kalou katii, pwi pfiinii katam swikasu, tiikapyii mai tikasu, mateikasu.

2 TIMOTHI 3:2 Referans Kwoze

PILIPIMEI 2:21

Kadaponii ahnyii hangnii mpou mpoumah tiikanyii pungkanyii tei fiile, Jisu Kristamah teinii fiimakle.

JUD DATO KAGONG CHITI JUKAMATI 1:16

Aimei ainii manam maraangsii meigo tam kamashyii, lung kashaat kagameile. Ahnyiinii ahnyiimah pumzainii kamarei ka-ntha hangtai tei swile, ahnyii roinapii ahnyii sam tam mbile sateichii ahnyii bak kabi doukabui tiisii ahnyiinii meisam tam ka-mbijai tiisii tam leile.

2 TIMOTHI 3:4

malumpei kalak, rumrumsii adok tiikasu, kashyii kahong swipii katokryii, Saraago lungkasyii sung pumzai mah kasamou go kisii kamarei.

1 TIMOTHI 6:10

Kadapokii sanahgo kamarei ainii kashyii hangmah abang teile, mei kangkanii ai ai hangkapii doukanyii kito ahnyii tei kamalum kito dhiisii tat tutakle sateichii ahnyii lungtei swi kamage katu teipiinii ngiipii kahui kumpii hui aitakle.

2 PITAR 2:18

Kadapokii swikaga kapang det kadi sam tamsii, kama kito lungsii kaleimei hang dato nlek wosii lungpat haosii kaleimeigo pumzaimah kamarei ka-ntha hang- teipiinii hemle.

JEMS 4:6

Nlenii Saraanii jumage kapyii tei kisii pyiile; teijangpii kabi rasam kito tamle, “Detkadi meigo Saraanii mazhii makle, nlenii lung kamanoi meigo jumage kapyii tei pyiile.”

KOLOSIMEI 3:5

Teijangpii gonyii lungto sazyii pouryiimah kamaning kamarei tha tiisii kalei, katunii, sapwimei sapfiimei kashyii kahong tha katii, matei kasu, matei kasu marai majang katii, kashyii go kamarai sateichii lukanyii (ai tingtugo kamaning mahjai hangniniile) gotei tiitat ailo.

1 PITAR 5:5

Tei takumpii gonyii ranu kaleimei, katingmei kang nkanglo. Gonyii hangninanii hangniniigo nga ngatang karam jangpii meinah mah tingshang kabi tei nat kai kalei takumpii gonyiihang kai wolo, “Kadapokii det palhii kadimeigo Saraanii mazhiimakle, nlenii lung kamanoi meigo jumagep yiile.”

1 TIMOTHI 6:4

mpounii tang katii teipii sagoitu takle... sateichii mpounii samah kado timakle. Mpounii samtam hang jangpii ka n-gi kazyii kanyii, pumzai mah matou kasu kamarei ka-ntha tei leile, sateichii aipiinii kamaimhii katu, swilung nja kasu, tam kamashyii, kashyii swi kamaning,

LUKNII KARYII KABI RASAM JUKAMATI 12:15

Teito Mpounii ahnyii dakii tamle, “Sakai wolo, kadapochiinii meinah mah karing tiilung tei mpoumah mahbam kamoi kitei bam makle.”

MATIMANGOU KAPYII 16:11

Sateichii ahnyiinii sating gam mah Saraa gotei ahnyiimah katchii ninado chiilotlot katu jam hang jangteipiinii sheeng takle, sateichii ahnyiinii ahnyiimah tha hang kiteito lungkali makle.

2 PITAR 2:12

Nlenii meinahnii jumsii gitat tang karam swikaga saramkownah takumpii ahnyiinii samah kado tisupii tam mashyii kalei, ahnyii gotei saramkownah takumpii tiimaga tangle;

2 PITAR 2:3

Ahnyiimah lukanyii kito kasang kasu ralikapyii meinii kasang kasu kanat kanhii hang tei gonyii dakii tamsii gonyii phyiiryiito liipat tei fiitangle. Ndoukato ahnyiimah sam- tam tiitang karam tei tiikadabam takle sateichii ahnyiigo tiimaga tang karampii Saraa teinii zyiisii bam makle!

JEMS 4:16

Nlenii aitoinii gonyiinii det palhii tiile, ninado aghang tiile. Tei kakum aghang katii hang ai kashyiile.

2 THESOLONIKAMEI 2:4

Mpounii saralesii lat kalei mak-kii ting tupii tiikabam saralesii mata kalei mahlyii hang gotei mazhiilakle, sateichii ahnyiihang phyiiryii teikii mpou roinapii mpougo kaitangle. Mpounii Saraa kamaning kilung katangdo liit tangle ninado Saraale katupii tam mpat tangle.

ROMMEI 11:18

Tingkaa hang pyiiryiito nryiisii det disulo nangnii detdi leponii, maninglo katunii, tingmaago rung kalei tei nang makle, nlenii tingmaanii n-go rung leile.

MATIMANGOU KAPYII 16:21

Sateichii kadi kasiiti hang, kasiiti hangninii kg rekngiikii kamaswi tei; meinahnii kashii kakhiimah sarara- hum jangpiinii Saraago sheeng kasuta katangtei, sating gamto meihang phyiiryiikii takmang matu takle. Teimah sararahum tei hangkapiinii ngouhingle.

JEMS 2:8

Kabi rasam kito katam taiswisii, “Nangnii gopum sekgo lungkasyii takumpiinii goki tiinaniipameigo lungsyii tang karamle” katu sagong- mah ajaitingshang tei tiimatui tiima- sang woleponii, kasangpii nang tiimatou takle.

1 TIMOTHI 3:3

ahnii jou kapanhii, mak-kii n-girazyii tiikasu, nlenii kamanoi kamajung sa- teichii sanahgo marei kasumei tang karamle.

1 TIMOTHI 1:20

Ahnyii kak kito Heninios ninado Alekjendarle; tam kamashyii sam tam matulak tang karam jangpii ahnyiinii rali matulak tang karam jangpii, Inii ahnyiigo seitan dakii pyiitoi aitakle.

TIILAMLWI KAPYIIMEI THA JUKAMATI 5:36

Kadapokii tinglang aidoito mpou- roinapiinii mei hangniniilesii Theodas nii pat takle, mpouda sapfiimei mei haimadaikii mpougo kaswi wole, nlenii mpougo gitoi aisek-kii, mpou sam kaswimei hangnii pak marousii mah kado tiiwosu takle.

LUKNII KARYII KABI RASAM JUKAMATI 16:14

Sanahgo kamarei, Kabijai katiimei teinii tam kalei hangtei shii wosanii, ahnyiinii Jisugo hoksii nuile.

MATIMANGOU KAPYII 16:9

meihang gotei ngoukahing maga teipii maga takle, sateichii sararahum hang phyiiryiito teimaham kalei Saraa zei gotei sheeng takle sateichii ahnyiinii ahgo pumtei kava pyiitang karam jangpii tam matoimakle.

MATIMANGOU KAPYII 13:1

Sateichii kha kearii, phyii- bung sana kapung, sateichii ahmah kha hang phyiiryii teikii sagong phyiihung kearii kalei ninado ahmah phyiibung hang gam teikii Saraago maning kamala zei kalei Saramkow hangninii dwijai kito pat kalei tei Inii ngoutakle.

2 KORENMEI 5:15

Sateichii ringkalei mei- hangnii ahnyii jangpiinii ringloi supiinii, ahnyii jangpii taisii ringkhii kapyii ah jangpiinii ringtang karam jangpii, mpounii meihang jangpii taipyii takle.

METIU 15:6

Teipiinii gonyiimah ajai jangteipii gonyiinii Saraa mah samtam kiteikii lung pyii makle.

LUKNII KARYII KABI RASAM JUKAMATI 6:35

Nlenii gonyiigo ngou karoumei hang go lungsyiilo, sateichii kabi tiilo, sateichii matiilo, douloi tang karam jangpii maning sulo. Kadaponii gonyii lhang tei ditangle, sateichii sagoi kaki Saraa nah tei gonyiinii tiitangle; kadapochiinii tiikapyii mai tikasu kashyiimei godo mpounii lukai pyiile.

1 TIMOTHI 1:9

Nlenii ajaitingshang ai mei jangpii tiimakle, nlenii ajaitingshang tiika- pakmei sateichii katam swikasumei, Saraago tikasumei, kem kamamei, matei kasumei, sateichii tiikama- hongmei jangpii, pwi pfiigo kagimei, meigo kagi kabamei,

2 PITAR 2:10

(a) Routiisii matei kasu pumzaimah kamarei ka-ntha mah tha hang tiisii kaleimei ninado Saraamah teimaham go maning kamajaangmei jangpiile. (10b) Ai kasang kasu ralikapyiimei hang teinii lungdile sateichii detdile, ahnyiinii sagoi gamto kalei pumtei kava kadi hang gotei tam mashyii hingmakle;