2 TIMOTHI 3:16 - KARANU KABI SAMTAM

¹⁶ Kabi rasam hang ai Saraanii chyii ngaikai pyiile sateichii Saraa nga kangamei hangnii kabi tha hang jangpiinii matwi mashangsii mahlyiihang tiida kabui tiisii.

2 TIMOTHI 3:16 Referans Kwoze

ROMMEI 15:4

Kadaponii kabi rasam kito ryiikabam mah leh kati sateichii lung tiimadi kapyii paikito nyiinii maning kamalum tei doutang karam jangpii leimik karei kito ryii kabam hangtei nyiigo ralipyii tang karam jangpii ryiibam takle.

HEBRUMEI 4:12

Saraamah samkang teinii ring- kalei sateichii nlaisupii bam kasu, mwi hangna kapung saryiikhang sungdo kisii mwi bikile, rakot nei rangiigo sateichii ashaang nei akeeng go jaitaam katu katang tei jowkalale, sateichii meinah mah kamaning lungswi ninado alungmah karaang kamaning hang go samtak tiile.

MARK 12:24

Jisunii ahnyiida tamle, “Gonyii kabi rasam ninado Saraamah teima- ham tei timakle aijangpii gonyiinii maziimakpo?

2 TIMOTHI 4:2

Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,

2 TIMOTHI 2:25

ngou karoumeigo manoisii tiima- jyiipyii tang karamle; ahnyiinii lung kalisii kasang tigong matu tang karam jangpii. Saraanii ahnyiigo tinglang kabi pyii leido malahle.

TIILAMLWI KAPYIIMEI THA JUKAMATI 20:20

Saraa lampangkii lung ka- kali ninado nyii Bangpii Jisu Krista dakii kamalum Jehudimei dakiido Grikmei dakiido sakchyii tiisii,

JONNII KARYII KABI RASAM JUKAMATI 3:20

Kadapokii kashyii tha katiimei hangteinii kava gotei ngou- roule, sateichii mpoumah tha kashyii tei mangourousii, kava kutei gonglei makle.

METIU 13:52

Teito mpounii ahnyii dakii tamle, “Teijangpiinii sating gam sazyii jangpii ralikapyii doukalu ajaitingshang kati ojamei hangteinii mpoumah poi ka-ndwi ki shang kiteito pot kasatai ninado kaham poi mpatsii kalei ki apumpii hangninii takumle.”

TIILAMLWI KAPYIIMEI THA JUKAMATI 18:25

Sapfii mpou aigo Saraa mah pwidi kito tampyii ralipyii bamtakle sateichii mpounii lungnhii gatsii Jisu mah kaang kito kidosu nkangdo supiinii tiigatpii ralipyiile, teitii kado mpounii Jon-nii dwi mpum kapyii teiroinii tile.

ROMMEI 2:20

swi kagameigo tiika- majyiimei hangniniile leponii, Anah meigo madhiikapyiimei hangninii leponii.

GALATIMEI 3:8

Sateichii Saraanii luikakimei hang go kamalum teipiinii tiimajyii tii- matuipyii tangle katu tei reipii ngou wosii; Abraham dakii kabi rasam tei aitiisii tam ralipyiisii tamle, “Godato luihang go satoi pyii tangle.”

HEBRUMEI 3:7

Teijangpii rangii kamateinii tam kalei takumpii, “Gonyiinii tingnei mpoumah rok tei shii leponii,

1 KORENMEI 12:7

Meihang mah bitang karam jangpii rangiimah ai mei nsang nsang dato mangoupyii bam takle.

TIILAMLWI KAPYIIMEI THA JUKAMATI 20:27

Kadaponii Saraa mah kamaning hang kito gonyii dakii tam ka-mpat kito Inii nkhiimakle.

JONNII KARYII KABI RASAM JUKAMATI 10:35

Saraa mah samkang gong tang kalu ahnyii gotei mpounii sarahang sii latleponii (Sateichii kabi rasam teinii tiipakpei wolakle.)

METIU 26:56

Nlenii Lungkakaling- meinii kabi rasam hang kikii ryii- kabam tei gongsang matutang karam jangpii aihang ai pat takle.” Teito boumeihang teinii mpougo toisii pakga takle.

TIILAMLWI KAPYIIMEI THA JUKAMATI 1:16

“He kangsanamei, Jisugo kajum kak ahnyii mah Shekapyiipii Judas mah kaang kito, Devit mwi kito rangii kamateinii doireisii tam kabam kabi rasam tei madougong tang karamle.

METIU 21:42

Jisunii ahnyii dakii tamle, “Ki katiimeinii rat toi kalei kuitu tei sekteinii hang kak kito phyiikasat tei tiiwo takle; ‘Ai ai abangpiinii tiikalu teile; ai ai nyiimah mik kitonii kama- datle, sii, kabi rasam kito katam ai gonyiinii fiisang fiimakde?’

ROMMEI 4:23

“Nlenii mpougo kasang kamajyii piilesii lukai kalu samkangtei mpou jangpii roina ryiibam makle.”

HEBRUMEI 11:1

Kamalum ai nyiinii maning kamalum mah soisupii dou- leng tang karam, nyiinii mikpii ngou- peiwo kalak mah pot mah timaseng kalu aile.

ROMMEI 3:2

Akaang hang kito hangkii leile, karei reisang kito Jehudimei dakii Saraanii mpoumah samtam tei kaipyii takle.

TIILAMLWI KAPYIIMEI THA JUKAMATI 28:25

Sateichii ahnyiinii ahnyii karapii mazhiisu sek-kii, n-noutakle. Tat n-nou kasunii Polnii ahnyii dakii sam hangninii tamle, “Rangii kamateinii nyiipei nyiipaomei dakii lungkaka- lingpii Isaiya go tiigatpii saa mpat matusii katam teile:

MARK 12:36

Rangii kamateinii Devitgo miitkai pyiisii tamle, ‘bangpiinii gu Bangpii dakii tamle, Inii n-go ngou karoumei gotei Inii gopi pazhii kangkii poikai kasuta, gubah jiilam pangto bamlo.’

METIU 26:54

Nlenii teitiileponii, ai pat tang karamle sii tam kalei kabi rasam tei kada takumpii gongsang wotangpo?”

METIU 22:43

Mpounii ahnyii dakii tamle, “Teitiileponii, ‘Devitnii rangii lamto mpougo kada takumpii Bangpii latpo?’ Devitnii tamle,