2 TIMOTHI 2:24 - KARANU KABI SAMTAM

²⁴ Sateichii Bangpii ki kaleimeinii ka n-gi kajyii leimakle, nlenii bamlyiihang kito lung kamanoi rali kati lung leh kati,

2 TIMOTHI 2:24 Referans Kwoze

TAITAS 3:2

mei kata hangninii phyiiryii kado tam mashyii kasu tiisii, nlenii lung manoi majung kabui tiisii sa- teichii meihang dakii lung kamanoi tei mangou kabui tiisii ahnyiigo tam maningpyiilo.

TAITAS 1:7

Kadapokii charsh ki doimajang katatmeinii Saraamah mahbam kashangmei hangninii tiisii, mpounii tam mashyiipei kalak, ajaipalhii dikasu, mak-kii lung maring kasu, jou sak panhii kasu, mak-kii n-gi razyii kaga, mak-kii sanahgo lunyii kasumei hangninii tang karamle;

1 THESOLONIKAMEI 2:7

Nlenii gonyiinii mpounah meigo makot kalei takumpii, nyiinii gonyiigo kaswisii kalei kak, nyiinii lung ma- noile.

1 TIMOTHI 6:11

Nlenii Saraamah mei, gojang- piinanii aihang ki aito pakgalo; sateichii kasang kamajyii, Saraa kamaning, kamalum, lungkasyii, lung leh kati, ninado lung kamanoi kiteikii mik leenglo.

KOLOSIMEI 3:13

Hangninanii hangniniigo lung leh kati tiisii, mei kata hangninanii mei kata hangninii phyiiryiikii samou kasu leileponii, hangninanii hangni- niigo magapyiilo; Abangpiinii gonyiigo magakapyii takumpii gonyiiniido magapyii tang karamle.

PILIPIMEI 2:14

Manam marang katu mak-kii kachyiinhii katu gasii mahlyii hangtei tiilo.

PILIPIMEI 2:3

Mpou mpou jangpii roinii kamaning kito, mak-kii kakadak lungswi kito samah kado tiisulo, nlenii lung manoisii mpou mpou pum sung mei kaki kaki- meinii kisii bilesii maning matulo.

IPISAMEI 4:2

Tinglang kaleita lung sanalo, manoilo, sateichii lung leh tilo. Hangninanii hangniniigo lung leh kati teipii kaswisii gonyiimah lungkasyii tei mangoulo.

1 PITAR 3:8

Kalui kito, kamaning lungswi hangninii, ti njoi katu, lung kamanoi, lungkasyii, sateichii detdi kasu lung- swi tei gonyii hang leilo.

JEMS 3:17

Nlenii sagoi gamto kahum swirek kabi teinii karei rei- sang kito kamateile, teito kama- jungle, lung kamanoi, kariita kito kalei, lungsyii kati, ninado kabi hang- tei piinii katokryii, meigo maning mashyii kasu, kabijai tiinyii kasu teile.

TAITAS 1:9

mpounii kakimeigo kasang rali kapyii teipii lung tiimakhiiha kabui tiisii sateichii teigo mazhii kasumei mah tiikama teido mangoupyii kabui tiisii kasang karaligo kamazhii ninado malum kabui samtam gotei mpounii sangtingsii jumtang karamle.

2 KORENMEI 10:1

Inii gonyiigo kaswisii kalei kikaknii lung manoile, nlenii Inii gonyiigo kaswisii bamsupii mpaasii kaleiki kaknii gonyii dato riishii shyiilesii kahi kalei, I, Pol, gupum sekpiinii Kristamah lung kamanoi ninado lung kasana paikito Inii gonyiigo khangleile.

TIILAMLWI KAPYIIMEI THA JUKAMATI 7:26

Supounei tei mpounii Isrelmeinah hangna kadatsii kalei tei ngou wosii, mpounii ahnei hangna kak-kii kamajung tei poigong pyii kabui mah tiisii mpounii tamle, ‘Shii- pyiilo, gonei ai Isrelmeinah karale, kadajangpii gonei aitiisii kadat leipo?’

METIU 12:19

Mpounii ka n-gi kazyii lakle, mak-kii kasaa lakle, mak-kii pwidi kadi hang kito mei kaniido mpou rok shiilakle.

JEMS 4:2

Gonyiinii mah mareile, nlenii go- nyiinii doumakle, teijangpii gonyiinii gile. gonyiinii hangkapii mah kata mareile, nlenii gonyiinii doupei lakle, teijangpii gonyiinii ka n-gile ninado saryii tiile, kadapokii gonyiinii khang makle.

JEMS 1:1

Saraamah ninado Bangpii Jisu Kristamah kikaleimei hangninii tiisii kalei Jemsnii marou maruksii kalei lui keariisiinakhii dakii salam pyii leile.

JUD DATO KAGONG CHITI JUKAMATI 1:3

Lungkasyiimei, kamalum mei- hangnii dousii kalei Kristenmei mah kamalum, keikapyii karingmah kaang kito gonyii dakii Inii chiti ryiinesii tiidasii leile. Nlenii Saraanii mpoumah meihang dakii pyii kabam gakalak kamalum jangpii saryii tiimatu tang karam jangpii gonyiigo lung tiimadi tang karam jangpii ryiisu kashyii ai aitoisekkii Inii kadou takle.

TIILAMLWI KAPYIIMEI THA JUKAMATI 23:9

Teito hangkapii koi nrung pat tutakle sateichii Farasismei ndwilam pang kahaimei ajaiting- shang katimei kangkanii gungtu satsii sampii kajyiitu takle, “Nyiinii mei aipou gamto kashyii samah kado doumakle. Tanii titang mpou dakii rangii hangninanii mak-kii sating gamlui hangninanii karashii leikado malahle.”

TAITAS 1:1

Saraanii kalai kalumei mah kamalum gotei tiiha matu tang karam jangpii sateichii Kristenmei mah dormonii ralikapyii kasang kiteikii pang gongpyii matutang karam jangpii, Saraa nga kangamei ninado Jisu Kristamah Tiilamlwi kapyiimei hangninii tiisii kalei Pol, Inii,

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

2 KORENMEI 10:4

Kadapokii nyiimah saryii baitui hangteinii pumzaimah makle, nlenii saryii kateibam hang go tiimashyii kabui kamatei pumtei tei leile.

TIILAMLWI KAPYIIMEI THA JUKAMATI 15:2

Teito Pol nei Barnabasnii hangkapii hungsii sam kajyii katu kito sam kajyiisii kalei aikaang ki aito Pol nei Barnabas ninado ahnyii kak kito mei kangkago Jerosalem kikii Tiilamlwi kapyiimei ninado katingmeigo maa kadou matu tang karam jangpii kalai wotakle.

JONNII KARYII KABI RASAM JUKAMATI 6:52

Teito Jehudimei hangtei hang- ninanii hangniniigo ka n-gitu takle, “Mei aipou ainii kada takumpii mpoumah kamyii tei nyiigo chiilosii pyii wotangpo?”

2 KORENMEI 6:4

Nlenii kamage, kalak kanhii ninado sadoi kashyii hang kito, leh kati teipii, nyiinii katii kapung hang kito nyii ai Saraa nga kangameile katu tei nyiinii ma- ngoule.