2 TIMOTHI 2:14 - KARANU KABI SAMTAM

¹⁴ Ahnyiigo aihang ai tam maningpyiilo sateichii samah kado kabi kaga; kashiimei hang go tiika- maga sam kasousii kajyii matulak tang karam jangpii, Bangpii doito ahnyiigo tam kakhat pyiilo.

2 TIMOTHI 2:14 Referans Kwoze

2 TIMOTHI 2:23

Nlenii kapang kamang ninado tikasu ngoukasu sam kajyii katu teipiinii n-gi razyii tii-mpatle katu tei tisii teiki teito nlek wole.

2 TIMOTHI 4:1

Saraa doito sateichii karingmei nei kataimeigo samtak tiitang karam Krista Jisu doito mpoumah mangoukapyii ninado mpoumah sagong mah sating sazyiigo latsii Inii pyiileile.

ROMMEI 14:1

Kamalum kito kasuimeigo lukaipyiilo, nlenii mpoumah kamaning gotei samtak tiitang karam jangpii makle.

HEBRUMEI 13:9

Kataam ninado katwum katwum ralikapyii hang teipiinii gonyiigo kasang pwidi kiteito chyiisii tat matu sulo; chiitak mah ajaitingshang go swikatu teisupiinii, Saraamah jumage kapyii kiteito alungmah teimaham doukatu ai bile, Aihang aigo swikalumei hang gotei tei teipiinii kabi tei pyiimakle.

1 TIMOTHI 5:21

Meiju jusii kagu kaphang mah kado tiisupii, reipii samtak katii tei haisupii nangnii sam hang ai ryiikabui tiisii, Saraa doito, Krista Jisu doito, sateichii kalai kalumei hang doito Inii godakii pyii leile.

TIILAMLWI KAPYIIMEI THA JUKAMATI 15:24

Nyiinii Kamazhii pyii kasumei kangkanii nyii dato tatpat tosii, gonyii lung tiikamagesii gonyiigo sampiinii lung tii lungnyii lung- haopyii takle katu tei nyiinii shiiwo kalu jangpiinii,

2 PITAR 1:13

Inii ring kaleitanii gonyiigo tam maningsii kalei ai gujangpii ma- jyiilesii Inii maningle.

1 TIMOTHI 6:13

Mahlyii hang go karing pyiisii kalei Saraa sateichii Pontios Pailat doito mpoumah kamalum tei sang- tingsii tam ka-mpat Krista Jisu doito, Inii n-go kakhat leile.

2 THESOLONIKAMEI 3:6

Sateichii kangsanamei, nyiinii gonyiigo Bangpii Jisu Krista zei kito kakhat leile, katunii, mahat kashyii tiilung lungsii kalei ninado gonyiinii nyii dato doukalu tam ralipyii kabam hang taiswi kasumei dateito mpaa wolo.

2 TIMOTHI 2:16

Saraa dato meigo kisii kisii chyiitai katu kakadak ninado kapang ka- mang mah sam karashii katu kiteito mpaa wolo.

1 TIMOTHI 4:8

kadapokii pumzaimah tiikarali teinii cheng- niikii jangpii roinii mai bamle, nlenii Saraago kamaning teinii aitoi jangpii sateichii gong tang karam mah ringtang karam riishii jumsii kalei jangpiinii mahlyiihang jangpii maiteengle.

IPISAMEI 4:17

Teijangpii Bangpii zei kito Inii gonyiigo kakhatsii tam leile; luikakimeinii kakadak lungswi hang kito lungkalei takumpii gonyii lungsii bamloi sulo.

GALATIMEI 1:7

Kataam kaki kabi rasam leile katu mah makle, nlenii Inii ai ai tam leile, katunii gonyiigo lung tiikamatai ninado Kristamah kabi rasam ai tiikali tang karam jangpii tiikaleimei leile.

TIILAMLWI KAPYIIMEI THA JUKAMATI 13:10

“Nang sara kashyii mah nah sapfii mpou! Nangnii kabi hang gotei ngouroule. Nang kashyii chem katham kathampii tokryiile sateichii nangnii Bangpii mah kasang ka- majyii pwidi hang gotei tii-nkhuisii kalei tei ntak lakpo?

METIU 16:26

Kadapokii mei hangninanii sazyii pouryii hang doutakpokii, mpou mah karing maga aileponii, mpoumah liipat kadapei leipo? Mak-kii mei hangninanii mpou mah karing tei kadapeipii kahek wobuipo?

2 TIMOTHI 1:6

Kaang aijangpii gubah poikai kapyii jangpii godato kalei Saraamah luha tei nangnii mi kashong takumpii shong matutang karam jangpii Inii n-go tam maning leile.

1 TIMOTHI 1:6

Mei kangkanii aihang kito tat nrek poitusii kakadak rashii kito, ahnyii mah pwidi tei maga aitakle.

1 TIMOTHI 1:4

Meinahnii likalu rasam sateichii meilui lung kapat apeipaomei mah zei kathang hangtei rat toi ailosii tamlo; kadapokii ai kakum hang aipiinii kamalum kito kalei Saraamah nga ngamatu supii kisiipou koikamoi tei pat matule.

1 THESOLONIKAMEI 4:1

Kalui kito, kangsanamei, gonyii- nii kada takumpii lung tangpo, sateichii kada takumpii Saraa dzyii karanga tiitangpo katu nyii dato gonyiinii doukalu takumpii, sateichii gonyiinii tiido tiisii kalei takumpii, gonyiinii kisii kisii tiimatu tang karam jangpii Bangpii Jisu zei kito nyiinii gonyiigo khangdo khang leile sateichii katwido katwi leile.

TAITAS 3:1

Ahnyiinii apum katiimei satei- chii teimaham kajum mei kang nkang matu tang karam, katam swimatu tang karam, sateichii kabi tha tiitang karam jangpii tiida kabui tiisii,