2 TIMOTHI 1:7 - KARANU KABI SAMTAM

⁷ Kadapokii Saraanii nyii dakii kahingmah rangii tei pyii makle, nlenii teimaham mah, lungkasyiimah sateichii mpou roinapii mpoupum go jum matwi kabuimah rangii tei pyii takle.

2 TIMOTHI 1:7 Referans Kwoze

ROMMEI 8:15

Kadaponii gonyii dakii Saraanii pyii kabam rangii teinii gonyiigo kabangnah tiimatu makle sateichii hingmatu makle, nlenii rangii teinii gonyiigo Saraa mah nahmei tiimatupyii takle, sateichii rangii mah teimaham teipii nyiinii Saraa dakii saa mpatle “Abba, Katunii Pfii-o.”

1 JON 4:18

Lungkasyii kito kahing gale, nlenii sajek kaga kamashang lungkasyii teinii kahing hangtei baatoile, kadapokii kahing teinii kadwi karat gonei kaswile, sateichii hingsii kalei ah- teinii lungkasyii kito matwi mashang womakle.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

JONNII KARYII KABI RASAM JUKAMATI 14:27

“Kamajung ai Inii gonyii dakii kaidek leile, ai ai Inii gonyii dakii pyiikalei, gumah kamajung teisekle. Sazyii pouryiinii pyii kalei takumpii Inii gonyii dakii pyiimakle. Gonyii lungnaangsii lungnyii lunghao sulo, hingsulo.

LUKNII KARYII KABI RASAM JUKAMATI 10:19

Julo gonyiinii sanhii sateichii aga-nrek sateichii gonyiigo ngou karoumei mah tei maham matum madum phyiiryiikii Inii gonyiigo teimaham pyiibam takle, sateichii gonyiigo mah hangninii kaniido samah kado denglakle.

TIILAMLWI KAPYIIMEI THA JUKAMATI 1:8

Nlenii rangii kamatei teinii gonyii phyiiryii humpyii sekchii, gonyiinii teimaham tei doutangle, Sateichii gonyiinii Jerosalemto Ju- diya ninado Samariya sazyii hang kikii, sateichii sazyii pouryii nlai katang tei gumah sakchyii tiitangle.”

ROMMEI 5:5

sateichii doutang lesii maning kamalum teipii nyiigo tii-nrou leimakle, kadaponii nyiidakii pyii kalei rangii kamatei paito Saraa mah lungkasyii tei nyiilung kikii ruikai pyiitakle.

HEBRUMEI 2:15

Sateichii ka- taigo kahing jangpii ahnyiinii tiilung mata bang kabam kang nkangsii kalei meihang go aitiisii laat mpat pyiile.

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

1 KORENMEI 2:4

sateichii gumah ralikapyii sateichii samtam tei meinah mah kati kangou mah swirek kabipiinii tamlei makle, nlenii Saraa rangii teimaham kito maning kariirhii kaga tiikamangou teipiinii tam leile.

LUKNII KARYII KABI RASAM JUKAMATI 24:49

Sateichii julo, Gu pfiinii riishii tiikabam tei Inii gonyii phyiiryiikii lang m-mangpyii tangle, nlenii kasagoi gamto teimaham teipiinii pei takumpii bakaipyii ka- suta, gonyiinii namdi kiteito bamlo.”

TIILAMLWI KAPYIIMEI THA JUKAMATI 10:38

teiteinii Nazaret ki Jisu rasam teile, kada takumpii mpougo Saraanii rangii kamatei ninado teimahampii thao manuk kaipyiisii mpounii tatsii tatsii tha kabi tei tiiwopo sateichii sara kashyiinii kaswi kaleimei go tii mbipyiipo katu teile; kadapokii Saraanii mpougo kaswipyiisii leile.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

TIILAMLWI KAPYIIMEI THA JUKAMATI 21:13

Nlenii mpounii khekalatle, “Gonyii kadapei tiileipo, aitiisii hatsii ninado gulung tiipaksii? Jerosalem kito n-gu reng peitang karam jangpiinii Inii tiikada takle.”

KOLOSIMEI 1:8

Rangiinii gonyiigo pyiikabam lung- kasyii tei mpounii nyii dakii tam mangou takle.

TIILAMLWI KAPYIIMEI THA JUKAMATI 6:8

Sateichii Stifan, jumage kati ni- nado teimahampii tokryiisii kaleipii teinii meimoi kak kito kamadat kadido tiikamangoudo tiiwole.

TIILAMLWI KAPYIIMEI THA JUKAMATI 9:22

Nlenii Solnii tam rali kapyii tei kisii kisii teisii, Jisu ai Kristale katu maning kariirhii tei gasii tam rali kapyii kito, Damaskas kito kalei Jehudimei hang go sung tiimaga aitakle.

LUKNII KARYII KABI RASAM JUKAMATI 8:35

Teito pat kalei hangtei jutang karam jangpii meimoinii tat- pat takle. Sateichii ahnyiinii Jisuda gong wosii, sara kashyii hang pat kalupii teinii peimanido kaisii swido swilingsii Jisu pibang kabam tei ngou wosii hingtakle.

TIILAMLWI KAPYIIMEI THA JUKAMATI 26:25

Nlenii Polnii tamle, “He teima- ham kadipii Festas, I n-gok makle, nlenii Inii kasang kamanoi samtei tam leile.

LUKNII KARYII KABI RASAM JUKAMATI 15:17

Akatpii mpounii mpou swiki maning gong siinii tamle, ‘Gu pfii nii janglaisii kikaleimei kadaziikanii moi kama- ghii tiirok tei dousii ninado masaksii bamle, nlenii Inii aikito moi mazyiisii galeziitakle!

TIILAMLWI KAPYIIMEI THA JUKAMATI 26:11

Sateichii Jehudimei ndwihang kito ahnyiigo tiikamagesii kanat kanhii go tam kamashyii tei Inii tiimatule; sateichii ahnyii phyii- ryiikii kisii tiirakarhiimei takum- piinii meiki sazyii kito katangpii ahnyiigo baasii tiikamage pyiile.