2 TIMOTHI 1:3 - KARANU KABI SAMTAM

³ Gupei gupaomeinii tiikalei takumpii Inii lung mateisii nga ngakalei Saraago Inii halangle. Gumah kariita hangkito Inii n-go taksupii tinghum tingna maning kagong kak Inii mpougo halangle.

2 TIMOTHI 1:3 Referans Kwoze

HEBRUMEI 13:8

Jisu Kristanii ndaneido, ting- neido kalui kaga tinglang katangdo njoile.

TIILAMLWI KAPYIIMEI THA JUKAMATI 23:1

Teito Polnii samtak katii katingmeigo ju kalingsii tamle, “Kangsanamei! Inii tingnei katangpii Saraa doito lung mateisii lungpi leile.”

TIILAMLWI KAPYIIMEI THA JUKAMATI 24:14

Nlenii ai ai Inii godakii tam mpat leile, katunii ajaitingshang taiswisii kabam ninado lungkaka- lingmei mah larek bung kikii ryii kabam hangtei malumsii, ahnyiinii matou maklesii katam pwidi taiswisii Inii nyiipei nyiipaomei mah Saraa gotei mata leile.

1 TIMOTHI 1:19

Sateichii gumah kamalum ninado kamatei lungswi titang karam lungswi tei leilo. Mei kangkanii ahnyiimah kabi kashyii titang karam lungswi gotei shii supii ahnyii mah kamalum tei tiimaga aitakle.

1 TIMOTHI 1:5

Pyii kalei mwija aimah kaangnii lung kamatei kito kabi kasang kamajyii tikabui lungswi kito, ninado kasangpii kamalum kito kagong lungkasyii tei tiimakhii tang karam jangpiile.

TIILAMLWI KAPYIIMEI THA JUKAMATI 24:16

Tei- jangpii Inii tinglang kaleita Saraa doitodo mei doitodo lung mateisii mbam tang karam jangpii tiile.

TIILAMLWI KAPYIIMEI THA JUKAMATI 22:3

“I-Silisiya kito kalei Tarsas kito lung kalu Jehudimei sapfiimei hang- niniile, nlenii namdi aikito Gamaliel kangto makot makhiile, nyiipei nyiipaomei mah ajaitingshang tei tiigatpii kajumtai swisii ralikhiile, sateichii gonyiihangnii tingnei tii- kalei takumpiinii, Iniido Saraa dakii gulung pyiitoi kalei meile.

2 TIMOTHI 3:15

Sateichii Krista Jisugo kamalum kito keikapyii karing kiteikii pang kagong n-go swirek kabi pyii kabui kamatei kabi rasam hangtei tiina kaleidouto nangnii titakle katu nangnii maning ziile.

2 TIMOTHI 1:5

Godato kalei kasang kamalum tei Inii maning gongle, kamalum jaitiikasu ai kareiki gopei Luis ninado gopwi Unish dateito leile, sateichii aitoinii teitei godado leitakle katu Inii malumle.

1 THESOLONIKAMEI 3:10

nyii Saraa doito gonyiimah kaang kito nyiinii ka-nta doukalu teijangpii nyiinii Saraa dakii dakumpii kisii tam matoi wotangpo?

IPISAMEI 1:16

Gonyii jangpii Inii Saraago hakalang katam tei ntak makle. Gumah kariita hang kito Inii gonyiigo maningsii leile.

GALATIMEI 1:14

Inii Jehudimei mah kanat taiswisii tiisii kalei kito gumah tingkum masam katu n-gu njoi katu Jehudimei gu hemei daziikiidoi reisii leile sateichii nyiipei nyiipaomei mah tingshang rali hang gotei Inii kisii lungliitle.

2 KORENMEI 1:12

Kadapokii det tiikalei teinii aile; kabi kashyii tikabui nyii lungswi mah sakchyii, katunii, sazyii pouryii aito nyiinii tiilung lung kamatwi sateichii arou tiisii nyiinii gonyiigo ahai areng kabam kito, Saraanii pyiikabam kamatei ninado kasamsang teipii apum tiile, sazyii pouryiimei mah swirek kabi teipiinii makle; nlenii Saraamah jumage kapyii teipiiniile.

ROMMEI 9:1

Inii Krista zeikito kasang tei tam leile. I-choimakle; kabi kashyii tikabui gulung teinii n-gu rangii kamatei zeikito sakchyii tiileile.

TIILAMLWI KAPYIIMEI THA JUKAMATI 27:23

Kadaponii Inii mpou mei tiisii, sateichii mpou godo Inii nga ngasii kalei, Saraamah sating gamlui hangninanii ndazyii tinghum guda gong satsii tamle,

TIILAMLWI KAPYIIMEI THA JUKAMATI 26:4

“Inii tiina kaleidou sekto kada takumpiinii lungtupo katu tei Jehudimei hangnii tile. Inii gunamdi kito sateichii Jerosalem kito kada takumpii gu tiilung hang ai lungpipo katu tei ahnyiinii tile.

LUKNII KARYII KABI RASAM JUKAMATI 2:37

sateichii tingkum reksiisatsii madai nkhii katang ai kamipwimei hangninii tiisii mpoupeinii Saraa kamaning kitei toimakle, tinghum tingna malo- tryiisii riitasii bam leile.

1 TIMOTHI 5:5

Mei kado jukasei kaga, mpoupei roinapii kalei kamipwimei teinii mpoupeimah maning kamalum tei Saraa dakii satsii ninado taksupii riitasii mpoumah tiikaha tei tinghum tingna khangsii leile.