2 PITAR 3:7 - KARANU KABI SAMTAM

⁷ Nlenii samtak katiimah ninado Saraa haikasumei hang go tiikamaga mah leimik tei gong kasuta, njoi katu kakhatsam teinii aitoi kalei sating ninado sazyii pouryiigo mipii rutang karam jangpii jumatousii kaibam takle.

2 PITAR 3:7 Referans Kwoze

2 PITAR 3:10

Nlenii Bangpiimah leimik teinii karagamei takumpiinii gong tangle, teipiinei leimik satingnii koi-nrung katei tei kaswisii gatu tangle, sateichii sating gam sageiti hang tei mipiinii rutoi tangle, sateichii sazyii ninado teilungto kalei tha hangtei gatu tangle.

2 PITAR 3:12

Teipiinei leimik mah kaang jangpii sating tei mipii rusii tiimaga tangle, sateichii mi maga teipii sating gam sageiti hang tei long tangle.

MATIMANGOU KAPYII 21:1

Sateichii kasatai sating ninado kasatai sazyii tei Inii ngoutakle; kadapokii karei ninado karei sazyii tei maju aitakle sateichii dwijai tei gatutakle.

METIU 24:35

sating ninado sazyiinii gatu tangle, nlenii gu sam-nii gasang galakle.”

2 PITAR 2:9

Teijangpiinii sam- tak tiikasuta kada takumpii kasang kamajyiimeigo jaikajumah kamage kalak kito keipyii tangpo sateichii kakui kama meigo kada takumpii tiikamage pyii tangpo katu tei Bangpiinii tile.

METIU 25:41

“Teito mpounii mpou-bah abilam pangto kalei hang dateikii tam tangle, ‘He Saraa sheeng doukalumei, gonyii gudato tat mpasii seitan ninado mpou mah sating gamlui hang jangpii tiida kabam kalui kaga mibam kitei tat tulo;

MATIMANGOU KAPYII 20:11

Sateichii sagongbam kadi kaha hangninii sateichii teiphyiiryiito bam kalei ah gotei Inii ngou takle, Ah doi teito sating ninado sazyii teinii pakga takle, sateichii ahnyii jangpii bamtei dousutakle.

METIU 12:36

“Inii gonyii dakii tam leile, Meinahnii tam mpat kalei kakadak samkang hangtei dajangpii ahnii tampo katu kaang tei samtak katii piinei leimik pyii tangle.

JUD DATO KAGONG CHITI JUKAMATI 1:7

Tei takumpii Sodom ninado Gomara sateichii teiki kuto kalei namdi hangtei sating gamluigo jairali njoisii Sapwimei sapfiimei kashyii kahong tha katii, sateichii mei tiikasu pumzaimah kamarei ka-ntha tha taiswisii kalung teipiinii kalui kaga mibam mah kaset kalak tei pungsii, meihang dakii tiikama- ngou nda tiisii mangou leile.

1 TIMOTHI 6:9

Nlenii mahni kanyii- mei hangteinii kahem ki, mphee ki, kapang kamang hangki, sateichii meigo deng mashyii tang karam pumzai mah kamarei ka-ntha hang kitei takliitle, ai kakum ainii meinahgo tiikamaga ninado tiikakou kikii chyiikai matule.

PILIPIMEI 1:28

Gonyiimah saryiimeigo hing sulo, tinglang kaleita rai kulo, sateichii aipiinii ahnyii koutang takle sateichii gonyiinii nam tang takle katu tei ahnyiigo maning riirhii katu gasii tiimangou tangle, kada- pokii ngam matu wokalu tei Saraanii gonyiigo pyiile.

1 JON 4:17

Samtak katii piinei leimik nyiinii kamaning kamalum tei doumatu tang karam jangpii lungkasyii tei nyii dato sajek gasii tiimashang aitakle, dapodinchii mpounii ringsii kalei takumpii nyiiniido sazyii pouryii aito ringsii leile.

2 THESOLONIKAMEI 2:3

Mei kata kaniido gonyiigo mahjai kata hangninii piiniido chuisii hemsii ngam matu sulo, kadapokii mibamki liit tang karam jangpii mik leeng kabam, kem mah mei tei gong kasuta, Bangpiimah leimik tei gong lakle.

ROMMEI 2:5

Nlenii golung katei sateichii lung kalinyii kasu teipii Saraa mah rakarhii sateichii kasang kamajyii samtak katii piinei mangou tang karam kak gopum sek jangpii rakarhii tei nangnii goroinapii poi nkom bam takle.

MARK 6:11

Sateichii bam kata hangninii kito gonyiigo lukaipyii sudinchiinii mak-kii shiipyii sudin- chiinii gonyiinii bam teiki teito tat kapat tinglang kak, ahnyiigo sakchyii tiikabui jangpii gonyii pi ki buinei tei padumtoi ailo.”

METIU 11:24

Nlenii Inii gonyii dakii tam leile, Samtak katii piinei leimik n-go sungnii Sodom go Saraanii lungset kati tei kisii mangou tangle.

METIU 11:22

Inii gonyii dakii tam leile, samtak katiipiinei leimik gonyii go sungnii Tair ninado Sidon go lungset kati tei kisii mangou tangle!

METIU 10:15

Inii gonyii dakii kasangpii tam leile, samtak katii piinei namdi teigo teisungnii Sodom ninado Gomara go Saraanii kisii lungkasyii tei mangou tangle.

MATIMANGOU KAPYII 17:11

Sa- teichii tinglang hangniniiki ringsii kalei, nlenii ringloi kasu saramkow ai, ah sekpiinii siisat kashang sagong, sana kak kito hangniniile sateichii tiimaga tang karam jangpii tat tutakle.

MATIMANGOU KAPYII 17:8

Saramkow tei tinglang hangninii kinii ringsii leile, nlenii ringsii bamloi sutakle, ahtei nlai kaga ahom kangto patlesii leitakle ninado ahnii tiikamaga kitei tat tutakle. Sazyii pouryii tii mpat kasuniito karing larek bung kikii zei ryiikai kasu sazyii pouryiito lung- kalei ahnyii hang teinii saramkow- nah gotei jusekchii sung gatangle, dapodinchii teitei tinglang hangninii kinii ringsii leile; aitoinii teitei ringloi sutakle, nlenii teitei gongloi tangle.

JONNII KARYII KABI RASAM JUKAMATI 12:48

N-gu mazhii kasu ninado gusam lukasu ahgotei samtak tiitang karam hangninii leile, Inii tam kabam sam teipiinii kalui piinei leimik mpoumah samtak tiitangle.

1 KORENMEI 3:13

Kadapokii Krista mah leimik piinei teitei mangou tangle, kadapokii teitei mipiinii tam mangou tangle sateichii mei nsang nsangnii tiikabam tha tei kadapeipo katu mipiinii ruju tangle, sateichii ah mah tei kabimanii kashyiipo katu tei mangou tangle,

HEBRUMEI 12:29

Kadapokii nyiimah Saraa ainii rukatoi mi hangninii kasangle.