2 PITAR 3:17 - KARANU KABI SAMTAM

¹⁷ Teijangpii lungkasyiimei gonyii, ai ai reipii tilo, katunii, kashyii- meimah kama teinii chyiipoi tusii, gonyiinii gonyiimah lung kasangting kiteito koukasu tiisii sakai wolo.

2 PITAR 3:17 Referans Kwoze

HEBRUMEI 3:14

Kadapokii nyiinii nyiimah lung kalum tei karei sekto kalui katang tei sangtingsii jum woleponii, nyii hang ai Kristago kaswisii njai dou njoi katumei takle:

KOLOSIMEI 2:8

Krista dato supiinii meinahnii adoidoi tiisii ralikapyii kito kagong sateichii sating sazyiigo apum tiisii kalei rangii hang dato kagong meinah mah kakadak kasang kasu swirek teipii meikaniido gonyiigo apum tiimatu kasu tiisii gonyii juwolo.

IPISAMEI 4:14

Teitii leponii nyiinii meinahnii poi ka-mpat chem katham kathampii meigo kama kikii tiikai tang karam jangpii ralikapyii dwi n-nok kapat sateichii tingkainii lulam lulamkii gwipungsii katat nahmei takumloi lakle.

1 KORENMEI 15:58

Teijangpiinii Gu kangsanamei, gonyii mah tha tiikalei tei Bangpii dato kadak makle katu tei tisii, gonyii sangtingsii, nlaisupiinii Bangpii mah tha katii kito tinglang kaleita tiilo.

1 KORENMEI 10:12

Teijangpii satziilesii maning kalei ah teinii koukasu tiisii tiigat malulo,

METIU 7:15

“Jao natkai kakai, nlenii lung- tonii sanyii lung pungsii gonyiida kagong Lungkakalingmei dateito sakai wolo.

ROMMEI 16:18

Kadaponii tei kakum mei teinii nyii Bangpii Krista nga ngamakle, nlenii ahnyii mah chiikanyii lukanyii jangpiiniile, sateichii ahnyii mah samlat kabi ninado tam kati teipii mei kabimei lungtei choisii hemle.

2 TIMOTHI 4:15

Nangniido mpou dato sakai wolo; daponii mpounii nyiimah kabi rasam aigo mazhiisang mazhii makle.

2 KORENMEI 11:3

Nlenii Sanhiinii mpoumah kasakai kamarek teipii Eve go satui sadzyii tiikalu takumpiinii, Krista dato pyiikalei gonyiimah kasang lungswi ninado kamatei kito tiimahong katugo Inii hingle.

METIU 16:6

Jisunii ahnyii dakii tamle, “Fara- sismei ninado Sadhumei mah ahee kiteito sakai wolo ninado tiigatpii jumatou wolo.”

TIILAMLWI KAPYIIMEI THA JUKAMATI 2:42

Sateichii ahnyiinii tam ralikapyii kito, riita ndwi kiteito, tiirok tiirak katu kiteito sateichii kariita kiteito taksupiinii lungliitsii tiile.

METIU 16:11

Inii tiirok mah kaang kito gonyii dakii tam makle katu tei gonyiinii kada- kumpii timakpo? Farasismei ninado Sadhumei mah ahee kiteito sakai wolo.”

MATIMANGOU KAPYII 2:5

Teijangpii nangnii kada kito kou aitakpo katu maning gonglo, sateichii golung kalisii kareiki nangnii katii tha tei tiilo; nangnii lungkali suleponii, Inii goda gongsii gomah thaomi kadungpii tei mpoumah bam kiteito poitoi aitangle.

1 PITAR 5:9

Gonyii kamalum kito sangtingsii ahgo saryii tiilo, kadapokii teigo njoi katu tei kakum kamage kalak kapung hangtei sazyii pouryii kalei gonyiigo njoi katu kamalum mei datodo pat takle katu gonyiinii tilo.

KOLOSIMEI 2:5

Kadapokii pumzai lamto Inii gonyii kak haimak kado gonyiimah ache katii ninado Krista dakii gonyiimah kamalum mah kasangting tei ngousii Inii ntale ninado Inii rangii kito gonyii go kaswisii leile.

PILIPIMEI 3:2

Achyii hang dateito sakai wolo; kashyii kahong tha katiimei hang dateito sakai wolo; pum dang katoimei hang dateito sakai wolo,

JONNII KARYII KABI RASAM JUKAMATI 16:4

Nlenii ahnyiinii aihang ai tiikatu tinglang tei gongsekchii, Inii gonyii dakii reipii tam takle katu gonyiinii maning gong matu tang karam jangpii, ai ai Inii gonyii dakii tam takle. “Aihang ai Inii gonyiigo saroisekto tam makle, kadapokii Inii gonyiigo kaswisii leile.

GALATIMEI 5:4

Ajaitingshang paikito tiimajyii tiimatwi pyii matu tang karam jangpii mahungsii tiisii kalei gonyii Krista dato tak ndang gatakle, gonyiinii jumage kapyii kiteito kougatakle.

2 PITAR 2:7

Sateichii kaikashyii- mei mah jaikashyii teipii hangkasii tiikamage kapyii kasang kamajyiipii Lotgo keipyii leponii,

2 PITAR 3:1

Lungkasyiimei, aitoinii ai ai Inii gonyii dakii karyii hangna kashang chitile; chiti hangna-napui kiteito gonyiigo tam maningsii gonyiimah kasamsang lungswi gotei lung tiimadi tang karam jangpii Inii tiitakle,