2 PITAR 3:12 - KARANU KABI SAMTAM

¹² Teipiinei leimik mah kaang jangpii sating tei mipii rusii tiimaga tangle, sateichii mi maga teipii sating gam sageiti hang tei long tangle.

2 PITAR 3:12 Referans Kwoze

2 PITAR 3:10

Nlenii Bangpiimah leimik teinii karagamei takumpiinii gong tangle, teipiinei leimik satingnii koi-nrung katei tei kaswisii gatu tangle, sateichii sating gam sageiti hang tei mipiinii rutoi tangle, sateichii sazyii ninado teilungto kalei tha hangtei gatu tangle.

2 PITAR 3:7

Nlenii samtak katiimah ninado Saraa haikasumei hang go tiikamaga mah leimik tei gong kasuta, njoi katu kakhatsam teinii aitoi kalei sating ninado sazyii pouryiigo mipii rutang karam jangpii jumatousii kaibam takle.

TAITAS 2:13

Nyiimah Saraa kadi sateichii Keikapyii Jisu Kris- tamah pumtei kava tei kadadou gong tangposii, nyiinii maning malumsii kalei satoi kapyii leimik piinei gotei nyiinii koikalei kak.

JUD DATO KAGONG CHITI JUKAMATI 1:21

Sateichii Bangpii Jisu Kristanii mpoumah lungset kati kito gonyiigo kalui kaga karing pyiimatu tang karam jangpii gonyiinii koisii koisii, gonyii roinapii gonyiigo Saraamah lungkasyii kito mbamlo.

PILIPIMEI 1:6

Teijangpii gonyii lungto ai ai kabi tha tiihao kapyii Saraa teinii Krista Jisu mah leimik piinei katang tei, lui kasuta kaswisii tha tiijou pyii tangle katu tei Inii malumle.

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

METIU 16:28

Inii gonyii dakii kasangpii tam leile, aikito sat kalei ahnyii kangkanii, meinah sapfii mpou teinii sagong tiisii kagong tei ngou kasuta tailakle.”

2 PITAR 3:4

“Mpou gong tang- lesii mpounii riishii tiibam makpo? Mpou kadaki leikhe? Nyiipei nyiipaomei hang taitu takle, nlenii mahlyii hangtei sazyii pouryii tii ka-mpat sekto rei njoihumle.”

2 PITAR 3:11

Mahlyii hang ai aitiisii gatu tang karam taiswisii Saraamah leimik gong tang karam tei, koisii koisii sateichii kalangsii gong matu- nyiisii, mateisii kalung kito ninado Saraa kamaning kito gonyiinii kada kakum mei tiitang karampo!