2 PITAR 3:11 - KARANU KABI SAMTAM

¹¹ Mahlyii hang ai aitiisii gatu tang karam taiswisii Saraamah leimik gong tang karam tei, koisii koisii sateichii kalangsii gong matu- nyiisii, mateisii kalung kito ninado Saraa kamaning kito gonyiinii kada kakum mei tiitang karampo!

2 PITAR 3:11 Referans Kwoze

1 PITAR 1:15

gonyiigo lat kapyii ahnii kamatei takumpii gonyiimah jairali hang kito mateilo,

PILIPIMEI 1:27

Inii gonyiigo gong kadou kado, kadoumak kado, gonyiinii lungswi hangninii tiisii kabi rasam kito kamalum jangteipii kamagasii rangii hangninii kito sangtingsii satle katu gonyiimah kaang kito Inii shiiwo kabui tiisii gonyiinii lungkalei gonyii tiilungmah tingshang rali tei Kristamah kabi rasamgo masam matulo.

1 PITAR 2:12

Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.

2 PITAR 3:12

Teipiinei leimik mah kaang jangpii sating tei mipii rusii tiimaga tangle, sateichii mi maga teipii sating gam sageiti hang tei long tangle.

1 TIMOTHI 6:11

Nlenii Saraamah mei, gojang- piinanii aihang ki aito pakgalo; sateichii kasang kamajyii, Saraa kamaning, kamalum, lungkasyii, lung leh kati, ninado lung kamanoi kiteikii mik leenglo.

JEMS 3:13

Gonyii kak kito kasakai satei- chii kati tei tapo? Swirek kabimah kamanoi teipii, ahmah kabi tiilung kalung teipii, ahmah thalyii hangtei ahnii mangou matulo.

PILIPIMEI 3:20

Nlenii nyiinii sating gamto lungtang karam meihangle ninado sating gamto kagong Bangpii Jisu Krista, nyiigo kaleikapyiipiigo nyiinii saryiisii koileile.

2 PITAR 1:3

Mpoumah pumtei kava ninado bikakimah njai dou njoi matutang karam jangpii, nyiigo lat kapyii, Saraa ahmah kamatei teimaham teinii Saraa kamaning mah kasang tiilung lungtang karam jangpii, mpougo kati paikito nyiinii doukamajyii tei nyiigo pyiitakle.

1 TIMOTHI 6:3

Mei kata kangkanii kataam dormo mah karaligo sateichii nyii Bangpii Jisu Krista mah kasang samtam gotei mazhii supii kaki ka- tham ralipyiisii leileponii,

1 TIMOTHI 4:12

Nang karanumeile sii mei kata hangninaniido maning kamajaang tei tiimatu sulo; nlenii kamalum jangpii samtam kito, jairali kito, lungkasyii kito, kamalum kito, kamatei kito meigo tiikamangou hangninii tiilo.

METIU 8:27

Sateichii meihang teinii sung gasii tamle, “Tingkai ninado dwijai katangpiinado mpougo katam swikalei ai kada kakum meipo?”

JEMS 1:24

Kadapokii mpounii mpou roinapii mpougo ngouwosii tat tule, sateichii mpou ai kadago reipo katu binasek-kii mangai aile.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

1 THESOLONIKAMEI 1:5

katunii, nyiinii ralikapyii kabi rasam tei gonyiida samtampii roinii pung gong makle, nlenii teimahamdo, rangii kama- teido, sateichii kasang kati tei kaswisii pung gongle; gonyii jangpii nyii ai kada takum katumeipo katu nyiinii tiikamangou tei gonyiiniido tile.

1 TIMOTHI 6:6

Mpou mah kabam teipii lung shaat woleponii, dormo kito hang- kasii doutang karam liipat tei leile;

2 PITAR 1:6

gonyiimah swirek kati kiteikii gonyii roinapii gonyii pumpotgo jum kamajyii jum kamatwi, gonyii pumpotgo jum kamajyii jum kamatwi kiteikii lung leh kati, gonyiimah lung leh kati kiteikii Saraa kamaning.

HEBRUMEI 13:5

Gonyiimah tiilung tei sanah marei matusulo, gonyiinii gonyiimah kabam teipii lung kashaat tei dou- matulo; kadapokii Saraanii tamle, “Inii n-go mpatsang mpat lakle sateichii Inii n-go toisang toipyii lakle.”

2 KORENMEI 1:12

Kadapokii det tiikalei teinii aile; kabi kashyii tikabui nyii lungswi mah sakchyii, katunii, sazyii pouryii aito nyiinii tiilung lung kamatwi sateichii arou tiisii nyiinii gonyiigo ahai areng kabam kito, Saraanii pyiikabam kamatei ninado kasamsang teipii apum tiile, sazyii pouryiimei mah swirek kabi teipiinii makle; nlenii Saraamah jumage kapyii teipiiniile.

ROMMEI 13:11

Aidoito kisii aitoi kadapei ting- langpo katu gonyiinii tile, katunii, aitoi zyiisii kalei kito gungkhii tang karam tinglangle; kadaponii nyiinii ndou malum kalu tinglang doito kisii nyiijangpii aitoinii kalei kapyii karing tei nabui bui leitakle.

ROMMEI 13:12

Tinghum tei tat tutakle, tingna tei nagong leitakle; teijangpiinii kamyii mah tha hangtei nyiinii rat toisii kava mah saryiinat tei kaiwode.

2 PITAR 3:10

Nlenii Bangpiimah leimik teinii karagamei takumpiinii gong tangle, teipiinei leimik satingnii koi-nrung katei tei kaswisii gatu tangle, sateichii sating gam sageiti hang tei mipiinii rutoi tangle, sateichii sazyii ninado teilungto kalei tha hangtei gatu tangle.