2 PITAR 3:10 - KARANU KABI SAMTAM

¹⁰ Nlenii Bangpiimah leimik teinii karagamei takumpiinii gong tangle, teipiinei leimik satingnii koi-nrung katei tei kaswisii gatu tangle, sateichii sating gam sageiti hang tei mipiinii rutoi tangle, sateichii sazyii ninado teilungto kalei tha hangtei gatu tangle.

2 PITAR 3:10 Referans Kwoze

MATIMANGOU KAPYII 21:1

Sateichii kasatai sating ninado kasatai sazyii tei Inii ngoutakle; kadapokii karei ninado karei sazyii tei maju aitakle sateichii dwijai tei gatutakle.

METIU 24:35

sating ninado sazyiinii gatu tangle, nlenii gu sam-nii gasang galakle.”

2 PITAR 3:7

Nlenii samtak katiimah ninado Saraa haikasumei hang go tiikamaga mah leimik tei gong kasuta, njoi katu kakhatsam teinii aitoi kalei sating ninado sazyii pouryiigo mipii rutang karam jangpii jumatousii kaibam takle.

MATIMANGOU KAPYII 16:15

(“Julo, karagamei takumpii Inii gongtangle! Peimani haisupii makungpii ninado laat kabam tei ngoumatu lak tang karam jangpii peimani kaiwosii, mik raksii kalei ahtei sadoi bile!”)

1 THESOLONIKAMEI 5:2

Kada- pokii karagameinii tinghum kagong takumpii Bangpii mah leimik teinii gong tangle katu tei gonyiinii tiigatpii tile.

MARK 13:31

Sating ninado sazyii tei gatu tangle, nlenii gu sam hang ainii gasang galakle.

2 PITAR 3:12

Teipiinei leimik mah kaang jangpii sating tei mipii rusii tiimaga tangle, sateichii mi maga teipii sating gam sageiti hang tei long tangle.

MATIMANGOU KAPYII 3:3

Teipiinii nangnii kadapei dou wopo sateichii kadapei shii wopo katu maning gonglo, sateichii teitei swi wosii lungkali wolo. Nangnii gungkhii wosu leponii, karagamei takumpiinii Inii gong tangle, sateichii Inii go phyiiryii tinglang kadadou gong tangpo katu nangnii tisang tilakle.

LUKNII KARYII KABI RASAM JUKAMATI 12:39

Sateichii ai tilo, karagameinii kadadou gong tangpo katu tinglang tei ki apumpiinii tilepochiinii, mpounii mpou ki tei toi mareisii ki tei ram malu lakle.

MATIMANGOU KAPYII 20:11

Sateichii sagongbam kadi kaha hangninii sateichii teiphyiiryiito bam kalei ah gotei Inii ngou takle, Ah doi teito sating ninado sazyii teinii pakga takle, sateichii ahnyii jangpii bamtei dousutakle.

1 KORENMEI 5:5

ai kakum mei aigo, Bangpii Jisu mah leimik piinei mpou rangii tei keipyii wokabui jangpii mpou pum tei tiimaga aitang karam jangpii seitan dakii pyiitoi aitang karamle.

ROMMEI 8:20

Kadaponii baichem hangnii alot kasu kang nkang kalei ai mpou mpoumah kamaning piinii makle, nlenii teigotei maning kama- lum kang nkang matu katu mpou mah kamaning kitole.

JUD DATO KAGONG CHITI JUKAMATI 1:6

Sa- teichii ahnyiigo pyiikabam teimaham mah bam kiteito bam supiinii, ahnyiimah lungkalei bam toikalei sating gamlui hang gotei mpounii samtak tiitang karam leimik kadi jangpii tuk kaki kamyii kiteikii kalui gasii sagyiirengpii peisii kaibam takle.

1 KORENMEI 1:8

Sateichii nyii Bangpii Jisu Krista mah leimik piinei gonyiinii kakui kama gatang karam jangpii mpounii gonyiigo kalui katang tei tiisangting pyiitangle.

1 THESOLONIKAMEI 5:4

Nlenii kangsanamei, teipiinei karagamei takumpii gonyiigo tii asung gamatu tang karam jangpii, gonyiinii kamyii kito bam makle.

2 PITAR 3:11

Mahlyii hang ai aitiisii gatu tang karam taiswisii Saraamah leimik gong tang karam tei, koisii koisii sateichii kalangsii gong matu- nyiisii, mateisii kalung kito ninado Saraa kamaning kito gonyiinii kada kakum mei tiitang karampo!

MATIMANGOU KAPYII 6:14

Sateichii larekgum kajui kalei takumpii sating tei gatutakle sateichii zang hang goteido dwipii ska madai magui katu sazyii hang godo mpou mpoumah bam kiteito poitoi takle.