Biblia Todo Logo
Bib sou entènèt

- Piblisite -




2 PITAR 2:2 - KARANU KABI SAMTAM

2 Sateichii mei hangkanii ahnyiimah jaikashyii tha taitei switangle; sateichii ahnyiinii tiikalei tha jang- teipii, kasangmah pwidi gotei kakimei hangnii tam mashyii tangle.

Gade chapit la Kopi




2 PITAR 2:2
36 Referans Kwoze  

Kadaponii ryii kabam takumpii, “Gonyii jangpii luikaki katiimei kak kito Saraa zeigo tam mashyiisii bamtakle.”


Nlenii aimei ainii ahnyiinii tikasu mahlyii hang phyiiryii teikii kalet kalou katiisam tamle, sateichii swikaga saram kounah takumpii, maningsupii tibak kalu aihang aipiinii ahnyiigo tiimagale.


sateichii karei saram- kow dateito tiimangou matutang karam jangpii ah dakii pyiikabam sung kaga hangteipii ahnii sazyii pouryiito lungkalei hang go chuisii hem wotakle, saryiikhangpii rajam wokido, ringkatu saramkow mah tingtu param hangninii ai sazyii pouryiito lungkalei hangnii tiilosii ahnii tam takle.


Ai hang phyiiryiikii samtak tiitang karam jangpii sateichii Saraa haikasumei hang go Saraa haisupii tiikalei Saraa haikasu tha hanglyiimah kaang kito sateichii Saraa haikasu kem kama- meinii mpou phyiiryiikii tam kalei sam hangmah kaang kito tiikamage tang karam jangpii mpounii gong tangle.”


Kasang pwidi gotei rat toi aisii ahnyiinii dhiisii tat tutakle, kashyii tha katii kito liipat kamarei, Beor nah sapfii mpou Balam mah pwidi tei ahnyiinii swiwo takle.


Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.


Nyiigo ngou karoumei teinii nyiimah kaang kito tam mashyii tang karam kaang hangninii kado dousupii nroumatu tang karam jangpii, gomah ralikapyii kito ka- samsang, hungsii lungkaliit sateichii mamatupei kalak kasang samtam tei mangoulo.


Nlenii ai ai Inii godakii tam mpat leile, katunii ajaitingshang taiswisii kabam ninado lungkaka- lingmei mah larek bung kikii ryii kabam hangtei malumsii, ahnyiinii matou maklesii katam pwidi taiswisii Inii nyiipei nyiipaomei mah Saraa gotei mata leile.


Sapwi mpei ainii Pol ninado nyii tai swigong sanii saa mpatle, “Nyii dakii keikapyii kasaga karing mah pwidi tam ralipyiisii kalei mei hang ai sagoi kaki Saraa mah kikaleimeile.”


Kadapokii kasang kasu Krista ninado kasang kasu Lungkakalingmei gong tangle; satei- chii mazhii leponii Saraanii kalai kalumeigo katangdo hemsii kama pwidi kikii chyiitat tang karam jangpii mei tiikalak tiikamangou siiti kadi hang sateichii sung kaga hang tiimangou tangle.


Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.


Kadaponii kasang kama- jyiimah pwidi tei ahnyiinii tiwo taklepokii, ahnyii dakii pyii kalei kamatei kakhatsam kiteito tat nrek katu sungnii, teitei ahnyiinii tikasu teiniipou ahnyii jangpii kisii bibwi tangle.


mpou roinapii mpoupum jum kamatwi, kamatei, ahnyii naamei kang nkangsii kalung akipwi kabi tiimatu kabui tiisii sapwimei karanumeigo tiiralipyii tang karamle.


Teipiinii nyiigo ngou karoumeinii nyiigo tam mashyii tang karam jangpii bam pyii kasu tiisii, pumzai lamto karanu kamipwimei hangteinii kalakna katii, athiinaa kalung, sateichii ahnyii ki kalung mpung go ju kamatou tei Inii mareile.


Nlenii ahnyii mei kangkanii meihang doito pwidi mah kaang kiteito sam kashyii tamsanii lung katei ninado malum kasu kito mpounii ahnyii dateito tatpat tosanii, boumei gotei poitaam wosii sating kata Tairanius mah ki kadi kiteito sam kajyiisii bamle.


Sateichii mpounii Jehudimei mah ndwinito lungdisii tamtu takle, nlenii Prescilla ninado Akuilanii mpou samtei shii wosek-kii, ahnyiinii mpougo ki pang gongsanii Saraa mah pwidi tei nkangdosu kidosupiinii mpou dakii tiigatpii ralipyii takle.


Nlenii malum kasu Jehudimei teinii lui kakimei lungtei riiteikai pyiisanii, kangsanamei phyiiryii teikii karyiitu takle.


“Nang sara kashyii mah nah sapfii mpou! Nangnii kabi hang gotei ngouroule. Nang kashyii chem katham kathampii tokryiile sateichii nangnii Bangpii mah kasang ka- majyii pwidi hang gotei tii-nkhuisii kalei tei ntak lakpo?


Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.


Kadapokii Krista zei katiimei ninado Lungkakalingmei zei katii pat tangle, sateichii tiikabuinii, Saraanii kalei kalumei go katangdo chyiitatma tang karam jangpii tiikamangou ninado kamadat tha hangdo tiimangou tangle.


Teito ahnyiinii mpouda gongsii tamle, “Madhiikapyiipii, nangnii kasang sam tam leile katu nyiinii tile, sateichii nangnii meigo kado hinglei makle, kadapokii nangnii kasana kasagoi julei makle, nlenii Saraa mah kasang pwidi tei Nangnii tam ralipyiile. Nyiigo tam pyiilo, Sijar-go aha kapyii ai ajai makpo? Nyiigo pyiilo manii pyii sulopo?”


Sateichii ahnyii- nii Herot tai kaswimeigo kaswisii ahnyii mah boumeigo lang magongsii tam matule, “Madhiikapyiipii, nangnii kasangle, sateichii Saraamah kasang pwidi tei kasang kasangpii ralipyiile sateichii mei kagodo hingmakle katu nyiinii tile, kadapokii nangnii mei-ju juleimakle.


Kada- pokii karing bamki pangliit tang karam takam teinii marumle, sateichii pwidi teinii hungle sateichii teitei kadoumei moimakle.


Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.


Nlenii meinahnii jumsii gitat tang karam swikaga saramkownah takumpii ahnyiinii samah kado tisupii tam mashyii kalei, ahnyii gotei saramkownah takumpii tiimaga tangle;


Sateichii sapfiimei godo sapwimei godo ringpei wosii kabang kikii poiliit kaisii, Inii aitiisii ahnyiigo katai katang tei ahnyiigo tiikamage pyiile.


Sateichii kaikashyii- mei mah jaikashyii teipii hangkasii tiikamage kapyii kasang kamajyiipii Lotgo keipyii leponii,


Kadapokii swikaga kapang det kadi sam tamsii, kama kito lungsii kaleimei hang dato nlek wosii lungpat haosii kaleimeigo pumzaimah kamarei ka-ntha hang- teipiinii hemle.


Ka- dapokii Saraa haikasu mei kangkii makumpii gonyii kak ki liitto takle, mei aimeinii doutang karam kaset kalak teinii kabi rasam kikii ndouto reipii tambam takle. Ahnyiimah tingshangrali kashyii gotei gomnei tang karam jangpii mei aimeinii Sa- raamah jumage kapyiimah samtam gotei jumle, sateichii Jisu Krista ai nyiimah pumpiile ninado Bangpiile katu tei ahnyiinii mazhii makle.


Tei takumpii Sodom ninado Gomara sateichii teiki kuto kalei namdi hangtei sating gamluigo jairali njoisii Sapwimei sapfiimei kashyii kahong tha katii, sateichii mei tiikasu pumzaimah kamarei ka-ntha tha taiswisii kalung teipiinii kalui kaga mibam mah kaset kalak tei pungsii, meihang dakii tiikama- ngou nda tiisii mangou leile.


Swiv nou:

Piblisite


Piblisite